Mango~ 甜甜!

一早~ 又係搞搞震時間~

又走去拍嫲嫲房門~ 叫醒嫲嫲! 然後上嫲嫲床玩!

跟手~ 攞咗嫲嫲嘅鬆夾~~ 恐龍仔都要夾頭髮?!?! 仲識得揹rabbit!

然後~ 又係落playroom玩嘅時間~

今日, 又遇到上次嗰個14mth男仔, 今次, 輪到恐龍仔大蝦細!!! 人哋玩就走埋去爭! 一個可憐樣, 仲郁手!

不得了!

人哋阿媽話: 由得佢哋用自己嘅方法解決~

恐龍爸贊成!

今日~ 好好彩! 恐龍仔肯瞓呀! 瞓醒~ 食mum-mum, 都算ok~ 佢好想自己"畢"菜菜呀!

今日甜品, 有Mango Tart!

恐龍媽教識恐龍仔講: Mango~ 甜甜~

係呀~ 好美味嘅Mango Tart呀!

然後~ 玩一陣!

恐龍Stitch嚟喇!!!

恐龍愛讀書! 書可以放喺sofa睇~ 可以一路行一路睇~ 又可以趴响地下睇~

恐龍~仲鍾意睇word cards添~

然後~ 玩波波! 拍拍~拍拍!

上幾次都係臨落樓上堂先俾人叫醒~相對今日, 早d瞓~ 瞓夠食飽~ 所以上playgroup時, 狀態大勇!

今次, 終於輪到我地玩漿糊喇! 媽mimi估恐龍仔唔得~ Sam Sir都估佢唔得! 結果? HaHa! 唔好睇少呢d小朋友呀~ 恐龍仔話你知: 你估我唔到架! 我得架!!!

去到婆婆度~ 仲識話俾婆婆聽: Mango~ 甜甜!

重覆好多次~ 多到學識埋"杧果"喇!