貪玩~ 唔食飯!

恐龍媽發現放工返到屋企, 有d人仔就開始坐唔定, 唔食飯, 掛住玩!

呢晚~ 當恐龍媽返到屋企, 恐龍仔响走廊食緊粥, 食咗1/3 啦! 見到mami, 當然要跟出跟入!

好~ 陪吓你食粥喇~ 点知, 都係要玩!

於是, 恐龍媽唯有避開呢隻曳豬, 自己返房啦~ 20分鐘後, 聽到嫲嫲返屋企.. 好似食飯鐘一樣: 職工頭圍用膳完畢!

嫲嫲仲好玩過mami, 恐龍仔又点可能坐定定呀?!

結果: timing非常好, 恐龍仔爭幾啖就完成嗰大碗粥仔!!!

結論: 恐龍媽媽以後可以响公司做少少功課, 上吓網~ 唔駛趕住收工睇仔喇! 同嫲嫲差唔多7点幾返到就perfect喇!

 

------

夜晚, 由恐龍媽陪瞓~

恐龍媽見天氣開始涼, 於是無開冷氣~ 幫恐龍仔穿上薄身睡袋~

飲完奶~ 周身郁, 無耐就扭紋 R頸, 轉頭又靜落嚟..

如是者兩三次, 終於俾恐龍媽發現熱熱~ 除睡袋啦!

轉頭, 又, 以為未cool down, 等多陣, 恐龍仔起身做運動!!!

又靜落嚟~~~~ 就瞓着...

点知~ 又

終於~ 開冷氣! 即時靜哂! 5 分鐘內瞓着!!!!

恐龍仔~ 乜你咁富貴呀? 恐龍爸媽無開冷氣兩個禮拜喇!