媽媽聚會~~ 選校問題

呢兩三個月, 恐龍媽都會參加一個媽媽聚會, 呢個聚會之中, 大家都會分享一吓教仔嘅問題..

今日, 傾咗幾多關於選校嘅嘢~

首先~ 恐龍媽主張响屋企附近返學, 咁細個, 唔好坐校車! 第二, 就係工人湊嘅仔, 越早返越好! 工人邊會訓練自理能力? 又無紀律!

令我地咁強烈咁諗, 係一年前參觀康傑之後, 恐龍爸媽嘅共識.. 所以, 雖然都考慮過襯吓熱鬧報九龍塘嘅學校, 但係諗到未必可以插班.. 重有校車問題, 所以, 都係唔好浪費時間精神, 留番出年再諗!

出年~ 我地會報培正~ 及其他"名校"...(有需要, 我地會搬架!) or 留返响康傑都未定~

今晚, 有媽媽問点解揀培正? hmm.. 因為佢係傳統學校, 因為有幾個教師朋友都覺得ok, 因為, 佢一條龍, 升小一唔駛再煩!

放棄活動教學~ 因為想小朋友試過坐定定先, 唔得咪轉囉!

聽講, 紀律會好d~

入

唔想小一玩大抽獎, 只有諗直資, 所以, 其實都留意緊小學..  e.g.表舅父個仔 (恐龍仔嘅表表舅父?) 入咗"蘇X" KG; 真正恐龍表舅父入咗英華小學.. 呢排先知, 兩間都好多人報!!!!

恐龍爸心儀傳統名校.. 可惜, 恐龍媽好驚!!! 但係, 佢係老豆, 報咪報囉~

諗返轉頭~ 其實直資都有d問題, 但基於學生嘅能力差異會比普通學校細.. 都無乜得諗架喇!

btw, 國際學校? no way!!!

 

英華校長訪問~ 好正! 睇完~ 好想恐龍仔第時去讀!!