阿呆遊海洋公園

睇完個title, 都估到~ 今日恐龍仔做咗阿呆~

佢一早食咗傷風藥, 吽吽哣哣~ 巴士瞓唔到, 落咗車响車仔瞓着咗好幾次, 但係~ 亦醒咗好多次~~ 点解? 嫲嫲係一個.. 覺得家庭聚會唔可以無計傾嘅人~ 所以, 佢好努力咁搵話題, 好努力咁減少dead air~ 好努力咁~ 嘈醒恐龍仔!

我地第一站係响門口買咗個氣球~ 恐龍仔都唔知買邊個好~ 最後, 買咗fish~

然後~ 去探熊貓! 我地好好彩~ 四隻熊貓都好生猛! 恐龍仔臨走仲送咗好多個"bye-bye+ 飛吻" 套歺俾熊貓們!

(如果恐龍好似熊貓咁勤力食mum-mum就好喇!)

 

跟住上cable car, 然後lunch~

~~唔明点解..食奶要踢哂腳嘅~~~

btw, 呢張相係咪幾得意呢? 唔怪之得一路食~一路周身郁啦!

再去睇魚魚~ 放落車仔就瞓着, 直至三点幾俾海洋劇場d音響嘈醒! 瞓咗30-40min 咁大把!

睇完就去探sea lion~

然後差唔多5pm, 走人!  恐龍媽覺得呢個桶幾得意~於是叫爸B影架~

(唔係咁易影架~因為喺正電梯口!)

不過~ 上到巴士, 恐龍仔就開始生猛喇!!!

------

今日~ 恐龍媽唔多高興~

恐龍爸顧住自己影相, 行得好慢!

嫲嫲爭住抱恐龍仔, 好辛苦先可以同恐龍仔講幾句! (原本諗住發揮吓恐龍媽嘅書包~ 話哂都係Zoology major~~~ 諗住講多d嘢俾恐龍仔聽架!!! )

唔係抱就坐車, 恐龍仔幾乎無落地行過~ 見到兩嫲孫响電梯度, 一個周身郁, 一個唔捉住扶手~ 睇見都驚!!!! 都話咗: 恐龍仔識得响電梯企定定架!!!

一係嫲嫲一係恐龍媽, 兩個人輪流做阿四! 下次要帶工人呀!!!! 爭唔到抱, 起碼都講吓嘢呀!

唯一開心嘅~ 係好想買嘢俾恐龍仔嘅嫲嫲, 最終係失敗呀! 幾可愛嘅公仔~ 一話買返屋企, 恐龍仔就話: 唔愛~ 驚驚!

好咯~ 呢個仔唔會隨街扭買嘢! HAHA!