18mth 識講乜?

呢排成日聽到呢個問題~~ 因為18mth健康院試題~

其實, 成日有人話恐龍仔好叻, 講好多嘢~~ 其實, 佢識好多係事實, 但係生活上.. 仲未係溝通得太理想.. 好硬頸!

教仔~ 都話過恐龍媽乜都睇.. 睇完攞個idea, 然後自己用舒服/合識嘅方法去做~

咁即係要識講乜? 眼耳口鼻手腳頭肚爸媽杯奶枱櫈行坐企..

唔識講? 咁明唔明先? 如果明嘅話, 又能夠表達到自己, 其實已經無問題, 係BB唔願講嘢!

可能你會話: 恐龍仔特別叻..

恐龍媽睇完Montessorri 同Glenn Doman 之後, 唔信優生學 (雖然, 恐龍爸媽當年都讀Band 1 學校), 唔係恐龍仔生出嚟叻d, 係我地俾咗時間教佢! 小朋友每日都喺度學緊嘢.. 我地盡量俾佢見到多d 實物, 或者相片, 再加文字~

所以~ 恐龍仔唔係特別叻!

如果你睇過呢兩個教育家嘅書, 你會知道: 佢地嘅教法最先用响有問題嘅小朋友身上, 佢地被普通學校放棄咗, 有d腦部受創.. 但係, 佢地全部都可以去返"正常" 嘅準則, 甚至叻過佢地!!! 所以, 呢d教學法推展到用响普通小朋友身上, 再推前到學前.. 甚至0-2歲!

孩子學習嘅黃金期响0-6歲, 响呢個期間, 學校唔係辛苦嘅, 係一種好似呼吸飲食一樣.. 最自然嘅事! 如果有咗個好開始, 之後學習係有趣嘅!

如果你仲諗緊, 仲未開始.. 不如每日花10-30分鐘試試: 帶BB行公園, 話佢知花草樹木天空日月星晨天晴天陰; 找些圖冊, 有動植物/周圍環境嘅, 慢慢講每張相片裡面有乜; 你家的舊相簿其實也很好看(爺爺最近去睇楓葉,影咗d相~ 恐龍仔睇咗幾次! 學習:秋天/楓葉/樹木/黃色/紅色/形狀特別)

要學嘅, 其實就响你四周, 隨手一本雜誌都可以!

爸媽用多d形容詞, 對小朋友嘅話言能力好重要架!!

跟住.. 就會好似恐龍媽咁, 發覺自己識得太少!

記得, make it fun, 多讚賞! 讚小朋友都係學問嚟架 (多謝Sam Sir), 次次讚叻~ 佢唔悶你自己都悶啦!

--------

好高興, 同事BB未出世, 但係佢兩公婆都相信早教! 恐龍媽送咗套二手"your baby can read" 俾佢!

有位媽媽, 最近都向恐龍媽請教~~ 其實, never too late, 只怕你唔教, 浪費咗小朋友0-6歲呢個時間~