落雨 。 BBQ

今朝天陰多雲~ 行行吓晨運落雨, 於是~ 我地諗住行返入室內~~

恐龍媽抱住恐龍仔, 突然..

恐龍仔: 落雨~

恐龍媽: 係呀~ 落雨呀!

約十幾秒後~

恐龍仔: raining~

恐龍媽: ya~ it's raining! BB好叻喎~中文"落雨" 同英文"raining"都識喎!

恐龍仔: 謝謝~

真係唔知佢喺邊度學架! 未教過"謝謝"可以咁用~ 恐龍媽仲以為自己聽錯呀! 好有恐龍爸都聽到!

--------

今日約咗叔叔同Cathy姐姐BBQ~

恐龍仔上晝無瞓呀!

恐龍媽同恐龍仔直接由屋企出發~

落咗巴士~ 行咗幾步..

恐龍仔講:shoes~

恐龍媽摸摸腳仔~ 咦? 無咗隻鞋仔呀!

轉身望吓~ 响兩米後嘅地下!!!! 恐龍仔好叻呀! 無咗隻鞋仔就無得玩架喇!

十二点幾到咗水浪渦, 恐龍爸同叔叔仲努力緊~~透火!

 

我地行吓麥理浩徑..

見到spider同埋spider web

恐龍仔指住大蟻蟻話: ANT!

兩点幾~ 恐龍仔無電喇, 開始唔耐煩~

响大人唔在意嘅時候, 扭開咗個水樽, 倒咗d水落條褲度~ 

轉個頭, 佢喊住叫: 濕濕!

個頭開始想搵嘢俟~~

最後~ 恐龍媽三点同恐龍仔走先~ 上到小巴仲唱緊歌嘅恐龍, 5分鐘後就瞓着咗~ 連恐龍媽要落車~周身郁~都一於少理!

如果次次恐龍眼瞓係咁易搞就天下太平喇!

-------

今日, 見識到咩叫spider web (好靚, 有兩呎闊!), 仲有好多dragonfly 陪我地BBQ~ 見到粟米, 蕃薯嘅全相, 大大隻嘅菇菇仲好好味! 仲有... 郊外, 樹林, 樹根(終於見到喇!), 海, 島, spider etc~~

恐龍媽放心俾d大件少少嘅嘢恐龍仔食喇! 因為~ 雖然我地無犬齒, 但係, 我地有上下premolar (小臼齒)!!!!