與Andrea相約在馬灣

約好咗elmolly, 出嚟等兩隻BB玩吓~

我地食飽飽, 由MOS坐巴士出發! 去到碼頭, 啱啱走咗班船, 等咗成9個字!

途中, 恐龍仔終於瞓着!

船上~ 發生咗一段小插曲:

响船上, 船員向船頭一家大細講: 船頭位係俾帶狗人士坐架~ 麻煩你地坐後幾排~
個阿媽話: 等咗咁耐船, 就係為咗俾小朋友坐船頭! 点解要我走呀~ 我唔走架!
船員無奈~ 唯有示意嗰幾位抱狗嘅坐後面.. 然後向嗰家人講咗句: 如果你唔介意個位係俾狗坐嘅~~~
跟住, 個細路好威風咁話: 佢地怕咗我地呀!
個阿媽叫佢收聲就算~
之後落船, 個細路仲話: 頭先我幾想打佢一拳呀!

恐龍媽問恐龍爸, 佢會点? 佢話當然唔走~
恐龍媽? 係嗰d諗都唔諗, 仲要話唔好意思~即走嗰d~~

恐龍媽响度諗~ 如果d位唔係俾狗坐嘅, 係平時disable優先嗰d位, 咁會点呢? 個阿媽會唔會一樣咁吋?

其實, 搞到d狗四圍坐, 又真係幾唔衛生~~~

臨埋岸, 隻船好"拋", 恐龍仔醒咗一吓... 之後落船就再瞓唔返.. 恐龍媽好擔心.. 瞓得40分鐘, 点搞!?!!

我地同elmolly姨姨會合咗之後, 慢慢行~ 途中遇到一隻大狗, 佢主人叫佢坐响恐龍仔前面, 又ok喎, 大家你眼望我眼~ 又唔敢摸摸喎~ 不過恐龍仔無逃走已經好好架喇!

又途中, Andrea見到恐龍仔車頭個玩具幾得意, 想玩吓, 摸咗兩吓, 恐龍仔就 眼紅加扁咀! 又喊喇! 正小氣鬼! 今朝响playroom已經係咁, 見到人地摸吓佢嘅嘢就喊! 唉~

跟住~行咗去影相, 見到好多人影婚紗相呀! 個境真係幾靚~

叫兩隻B合照~ 超高難度!!!

後尾, 恐龍媽醒起要換片片, Andrea仲到走埋嚟莊小小恐龍~~~~

玩石仔~ 

恐龍仔見到 , 就開始表演唱歌仔: twinkle~twinkle~ ABC~WXY.. 123.. (係呀~ 佢係亂咁嚟架!)

後尾~ 因為時間關係, 無上到公園, 反而去咗遊樂場玩咗一陣!

Andrea 好enjoy喎~

Wah! 有得爬爬就happy?

兩隻嘢狹路相逢~

男仔都唔讓吓女仔~ 無d風度!!!

可惜~ 超多蚊!!!

臨走~ 兩架B車並排, 終於見到熱情Andrea無俾恐龍仔reject~ 人地女仔嚟架! 唔可以次次都唔so人架!

船上, 兩隻BB對坐~ 兩隻嘢响度腳young-young~ 算係終於有d交流啦~

恐龍媽指住兩隻B : O霖~ 國X! O霖~ 國X! O霖~ 國X!

恐龍仔跟住叫O霖 (唔係幾準), 又笑住兩隻手指住自己叫國X!

Andrea傻傻吓咁望住恐龍媽~ 到底, 佢知唔知自己個名呢??