~ 恐龍家 ~ : 10月 2008

2008年10月31日星期五

19個月

19個月大喇!!!!

呢個月~ 恐龍媽懶咗d, 無如期開始教中文字~~~ 但係就多咗同恐龍仔講廣東話~ 依家佢都識多咗好多中文字詞:

落地~ 撞車~ 坑渠~ 跌跌! (呢幾個最特別! 因為唔係有心教嘅, 係平常說話有講, 然後突然間發現佢都識講!)

另外, 就係~ 恐龍仔有時會對答或者自己講:

yes~ no~ thank you~ 唔該!

最近~ 就係morning, 不過係夜晚爸B放工返到屋企時講!

今朝, 仲有一件趣事, 就係當恐龍仔走入爸B媽mi房, 爸爸仲响床瞓緊..

媽mi話: 叫爸B起身呀!

恐龍仔: 爸爸~ stand up!

恐龍媽諗咗幾秒... 先明! 係時候教恐龍仔wake up 喇! (or get up)

自理能力依然無進步!

飲食習慣上, 呢個星期開始, 恐龍媽會等恐龍仔食過晚飯係先返屋企, 咁, 佢會食得多d! 希望會增磅啦! 不過恐龍仔好易嘔~

歌仔方面~ 已經好熟"排排坐"喇!

大肌肉方面, 識得拋波波同埋拍波波喇!

2008年10月30日星期四

眼火爆!

恐龍媽係做lab嘅~

最近, 公司裝修, 工程係由老板娘嘅公司附責~

唔知係咪公司真係咁有米呢~ 老板娘買咗好多華而不實嘅嘢~~~

e.g. 本來個水龍頭裝咗eye wash, 但係有一日, 老板娘發現咗個好靚嘅水龍頭, 所以, 叫人換咗佢~ 自始, 無咗個eye wash, 好在, 呢度無乜危險化學品要處理~

又例如, 洗手盆旁邊唔可以放抹手紙, 因為唔好睇! 咁放邊? 櫃裡面囉!

又例如, 洗手盆四周好易濕, 影響附近嘅儀器~ 可唔可以搵嘢擋住d水? no way, 老板娘話唔好睇!

仲有, 工作枱要有膠墊, 怕整花張枱!!!! 但係, 清潔問題呢? d水走哂入個墊底, 超核突囉!

又例如今次, 有一批櫈返咗, 要拋棄所有舊嘅, 皮面嘅櫈, 但係, 呢批新櫈全部都係絨面嘅, 仲要張張都好大, 有d地方放咗, 如果有人坐的話, 就無路行~ 有d sense 嘅人都知, 化驗室係唔可以用絨面櫈, 清潔唔到!

可能~ 我地係科學怪人, 事事講求實用, 唔識咩叫美感, style~ 但係, 点可能唔出聲就買哂嘢返嚟, 啱用嘅就要消失, 唔啱用嘅就有得留低!

e+個市咁差~ 点可以咁架!!!!

舊位~

新位~

唉~

2008年10月29日星期三

busy boy~

今晚恐龍媽七点幾返到屋企, 恐龍仔已經食完飯喇!

臨瞓, 恐龍媽諗住同阿仔玩一陣~ 見到佢响廳時玩緊百寶盒裡面嘅波波, 叫咗佢入房玩, 佢又一手拿住幾個波波入房..

就响床邊數波波.. 一、二、三、四.. 四個波波!

恐龍仔好緊張咁走咗出廳, 搵咗兩個波波入嚟~

一、二、三、四、五、六! 六個波波!

恐龍仔又好緊張咁走咗出廳, 搵咗一個紅色波波入嚟~

ok~ 一、二、三、四、五、六、七! 七個波波!

跟住~恐龍仔又好緊張咁走咗出廳, 呢次搵唔到波波喇! 於是, 恐龍媽帶咗恐龍仔去恐龍間房搵返個百寶盒出嚟~

又數數啦..

無幾耐, 恐龍仔攞住先前個紅波波出廳, 放回原位~ 又好緊張咁行返入媽媽房~

又玩咗一陣認顏色.. 然後就瞓覺, 恐龍媽叫恐龍仔去搵工人姨姨攞奶奶~