敏感兒 Highly Sensitive Child

有無聽過有本書叫《孩子，你的敏感我都懂》？
我想講嘅敏感唔係Allergy，而係sensitive，跟係小小嘢，大大反應！

我家有個敏感兒，要處理佢日常生活其實唔太難，但一有少少改變，就算只係落雨濕咗少少嘅褲腳，又或者有粒沙入咗鞋... 佢一定唔能夠忍耐，而我就要立即處理！

因為呢樣嘢，我試响YL嘅谷內問人，但到一d好好嘅分享！而我問嘅時間，正值係大少感冒中後期，我面對完一個好多投訴，但樣樣都唔俾我幫佢做嘅麻煩人！

首先，面係碰不得！其次，不可用薄荷！

我通常係開稀精油搽背或心口，再加腳仔，麻煩人通常只會俾1-2個位置我，有時仲要係零！當佢作嘔作悶時，我上網揾過，試peppermint+lemon+thieves，先俾佢聞lemon陣味，佢接近喇，就擰轉背開好先搽，唔俾佢聞到薄荷！佢好快舒服返，之後再試都OK，但第二日又唔俾！就連腳仔都唔俾掂。問佢要唔要糖仔？佢都話唔要！

無駛佢符！

就係呢個時候，我上谷問喇！真係投哂降！

結果，引嚟一位同樣家有火星人嘅會員，佢建議用Gentle Baby 安撫佢嘅敏感，佢用响自己孩子身上係每日三次。

當晚放工，麻煩人已退燒，但鼻塞嚴重！瞓唔到覺！唔俾搽油，唔接受幫助，自己响度喊.... 我同佢講：喊咪仲多鼻水，仲塞？！
最終，有限量俾我搽背....
但唔work.... 咁點好呢？我醒起Gentle Baby！
本來响房diffuse緊RC (呼吸道)，加咗幾滴Gentle Baby，唔理佢鼻塞聞唔聞到喇... 然後，經批准下，滴咗一滴去佢頭頂，然後我再摸佢頭仔一下...
我就出咗房，要做嘅都做哂喇，淨返落嚟就係要佢自己經驗下超級鼻塞呢樣嘢喇....
起碼，佢平靜咗d先...

過咗一陣，爸爸入去睇佢，已經瞓咗~

好喇~我有覺好瞓喇！

零用錢

自從哥哥小三開始，學校准去小賣部買嘢食之後，我就開始俾每日五蚊嘅零用錢俾佢，無乜特別，但團年時一位長輩好驚訝小三學生有零用錢！係呀~佢個小三嘅細仔就坐佢身旁，扁扁咀~

不如就分享一下恐龍家係點教理財，不過事先聲明：我自己一d都唔叻，唔係理財專家！

就好似上面講，自從可以响學校買嘢，就每個返學日有$5，呢個係一份燒賣嘅價錢，佢仲可以選擇滷水蛋、魚蛋，或飲品一份，所以呢個係一個合理嘅金額。

不過呢個仔唔為食，起初佢試過去文具部買咗枝鉛芯筆，俾我話咗佢幾句 (屋企又唔係無~)，所以佢其實無乜點用過，全部放哂响月餅盒！之後，試過經我買神探福爾摩斯... 又試過請家人食甜品，夾錢買生日禮物俾爸爸咁~

錢對於佢，的確係足夠，佢亦唔會孤寒、唔捨得駛。

另外，我地之前已有個貼紙計劃，對於思想成熟嘅小三學生，佢已經唔多在乎，但因為係兩兄弟都同時進行，哥哥對於"牛牛有"會比較緊張，所以，都係繼續。

呢個貼紙系統係獎勵所有正面行為，我想佢地做嘅嘢，例如，不善詞令嘅哥哥，如果佢講故事俾牛牛聽，就會有獎賞，另外，牛牛講故事俾媽媽聽都有！至於默書考試嗰d，唔係一定會獎，而係有特別成就先獎：哥哥差不多次次默書100分，但我會响學期埋單時獎一次！數學小測100分都有獎，學科考試95分以上，即係勤力+小心，會有獎！
當然，每個小朋友嘅"目標成就"都唔會一樣，到牛牛就要睇定d先...

而儲落嘅貼紙，响大時大節係可以換禮物，例如書展、聖誕節等。一個貼紙係一蚊，有時我會同佢地各一半，即係想買份大禮物，要$300，咁就要扣150個貼紙，餘數係媽媽送嘅禮物！又或者自費買經批准後嘅物品，好多時會係書。
依家連牛牛都知貼紙係錢，佢會好緊張，點解佢無零用？無錢包！？

之前幫哥哥開咗銀行戶口，之後懶，連牛牛嘅利是錢都入埋落去，嚟緊我會幫牛牛開過個戶口，分開d錢...

錯哂！

喇沙~真的愛你！

「無法可休息的一對手/帶出功課永遠在背後/學會通識加中英數/只懂珠心算未夠/沉醉於Violin早攞慣獎/結他比賽卻永未退讓/決心寫好中文書法/英文德文也合格……請收我/喇沙/真的愛你」。

無諗過，呢段歌會响學校播出，而校長亦在場！

其實，今次係去聽學校為初小家長而安排嘅教育講座，主題係關於自理能力同自信心。

好多時去聽講座，所講嘅好多都留於理論化，好悶！難得一個好實際嘅講座！

到後段，播出呢個片斷... 我心中不停咁話：唔係咁架！唔係事實！

爭少少就走去多謝校長，俾個機會哥哥，而經過咗年半，哥哥終於覺得新學校好過舊學校！

感恩~

海洋公園2016

我家嘅小孩好少去樂園玩，一嚟路程遠，二嚟價錢貴，三嚟...其實我地兩公婆都好怕人多嘅地方！

已經唔記得有無試過一家四口一齊去海洋公園喇！只知恐龍爸有個別帶過佢地，而我有同過牛牛參加學校N班海洋公園之旅。

兩個小朋友都好期待呢個旅程，因為係恐龍爸生日嘅優惠，我地當然要等爸爸瞓夠先出門啦！

到達時，已見到纜車因大風停駛，我地順步遊覽，無幾耐就見到纜車行返，兩個小朋友好興奮！不停咁話要去坐纜車~

等咗半個鐘左右就到我地，我呢個畏高人，好驚！最驚係中途停咗好幾次，大風到左右搖擺！好在~每次停嘅時間唔長，好快又行返....

跟住，哥哥同爸爸就開始玩一個又一個嘅機動遊戲！牛牛同媽媽就行一個又一個嘅展覽館，又食咗d嘢，終於等到哥哥玩完！

臨走，都仲要去威威嗰邊玩一轉，牛牛仲同哥哥+爸爸玩咗跳樓機！佢話有少少驚喎~

因為大部份嘅機動遊戲，牛牛都無份玩 (唔夠高)，所以呢個跳樓機對佢好緊要！佢覺得自己好叻，大個仔呀！

哈哈~~

明珠930 <天才兒童>

英國節目《天才兒童》與國際天才組織門薩（Mensa）合辦天才兒童大賽，嚴選天才小學生，比拼心算及串字等智力競賽。參賽者須獨自站在講台上，對着鐵臉考官、觀眾席上的父母以至全國觀眾，回答極難的問題，過五關斬六將，以競逐「天才兒童」之銜。有參賽兒童曾因答錯問題，或得分太低，在鏡頭前大哭起來，節目因而有「最殘酷真人騷」之名。節目第四輯邀請了21名七至十一歲的資優兒童，包括八歲的「棋材」──國際象棋能手Josh、十歲的鐵道迷Hugo、Scrabble世界賽（十二歲以下組別）的兩屆冠軍Shrinidhi等，全都大有來頭，他們會在《天才兒童》展開一場激烈智力賽！

尋晚係新一輯天才兒童嘅第二集，上一集錯過咗，今個星期好期待...

<第一集>節目第四輯邀請了21名七至十一歲的資優兒童，包括八歲的「棋材」──國際象棋能手Josh、十歲的鐵道迷Hugo、Scrabble世界賽（十二歲以下組別）的兩屆冠軍Shrinidhi等，全都大有來頭，他們會在《天才兒童》展開一場激烈智力賽！

<第二集>九歲的數學天才Oscar因數學天賦出眾，被視為冠軍大熱，但在考核常識和記憶力的環節，他是否亦能迎刃而解？熱衷工程學的十歲參賽者Hugo自詡才智過人，他的性格會否影響比賽表現？十一歲的Leonard年紀雖小，詞彙量卻可與十八歲的成人匹敵；「人肉計數機」Rosa則心算了得。每位參賽者都有其過人之處，到底最後誰能從芸芸對手中脫穎而出，獲得「天才兒童」的榮譽？

我無咁好記性記得幾個參賽者個名，片中特寫咗好幾位參賽者，包括(A)IQ眾人之冠嘅數學世家男孩，兩個無乜做預備功夫嘅男仔 ((B)一個數學仔，(C)一個工程仔)，(D)一個被媽媽安排好多補充練習、一個星期得一日可睇電視嘅女，(E)一個心算快過計數機嘅女，仲有旅英港人子弟longyin。

片段中有兩個回合，首先係常識比賽，限時內答，A答得五題！B同C都好似答到12-13題。
第二個回合，响一小時內，記熟一件洗過嘅紙牌，之後5分鐘內背返出嚟。各人賽前各自練習自己記牌嘅方法 (除咗B/C)，响一個房間當中，每個參賽者好努力咁去記自己手上嘅紙牌.... 無幾耐C就開始講嘢，騷擾到其他人，有人揾工作人員投訴，A同D大受影響，喊哂！乜都唔記得哂！

睇睇下，恐龍爸話C嘅動靜神態好似恐龍仔！

最後，A好似答到8個左右，D係5-6個，而佢兩個要答到超過12個先可以入圍，所以out咗，喊哂！
C答到3x個！好好成績！
B答哂全部！然後播出個平時去玩橋牌嘅片段...
longyin好似都答到十幾廿個，其他就無好詳細講喇

睇返EK一d人睇完嘅感覺：天才係唔駛操嘅！

阿仔就係C嗰種人，平時去咩比賽我都唔會迫佢做準備，有mock卷都係望兩眼就算，玩玩下，滿不在乎樣，出到嚟就話好淺，巴之閉樣！

另，原本打算等仔到中學先教佢玩橋牌，依然恐龍爸想我早d教。仔~你有無咁多時間呀？！

有些藥越吃，病越難好

所以我好堅持要減，要停血壓藥！

毛記電視十大勁曲金曲分獎典禮

星期一晚嘅活動，引起FB掃版，恐龍媽好八，用咗一個lunch快快睇哂！

作為小學生家長，我對「繁忙兒童合唱團」嘅作品有較大嘅感覺！於是，上網揾歌詞，發現作者一編文章提過部份歌詞:-

「無法可休息的一對手/帶出功課永遠在背後/

學會通識加中英數/只懂珠心算未夠/沉醉於Violin早攞慣獎/結他比賽卻永未退讓/決心寫好中文書法/英文德文也合格……請收我/喇沙/真的愛你」。

後來適逢書展期間，大批家長出籠瘋狂掃走所有可供掃走的補充練習，務求讓子女在暑假把握睡覺以外的時光來補充一下腦力。

於是我們又邀請「繁忙兒童合唱團」的主音「劉小華」，為我們獻唱一曲《補充練習無間做》。

「明明我已晝夜無間想討好老母/夢想中的Summer為何還未到/明明我已奮力無間/補充喪做/我不玩也為活得好」。

source:不癡白不癡

Hmm... 我不停反問自己：係咪真係咁？！

哪~我真係無呀！

阿仔佢有學鋼琴，但唔係突出到可以擺上枱，佢無上過。乜數物數班，外文只係爸爸教過少少日文，琴棋書畫得兩樣~

最重要嘅係，我當時最想入嘅係一間男女津校。

都係嗰句，勉強無幸福，阿仔無緣入直資男校，最後緣份帶咗佢去男津，值得感恩再感恩！