三隻小Miffy 與 小紅帽

食完晚飯，又到story time喇！

當哥哥去沖涼，就叫牛牛攞書出嚟俾媽咪，佢攞咗三隻小豬~

呢個故事講咗咁多次，唔駛睇書都識啦！不如我地搵3隻Miffy一齊啦！

問牛牛想做邊個角色？牛牛想做big bad wolf！

咁媽咪呢？佢話媽咪做媽咪喎~

 

於是，Miffy媽媽同3隻Miffy講：你地大個女喇，要出去學習自己生活..

呢個時間，恐龍仔攞住Black Bird出嚟扮賣建造材料嘅阿叔，賣咗d材料俾3隻Miffy起屋…

牛牛: knock knock~ Miffy Miffy，快d開門俾我！

Miffy: 唔開唔開！

牛牛huff… and huff…. 然後有d口水花吹埋嚟！Miffy姐姐當然逃跑啦！

故事..  完咗之後，牛牛又話再玩多次，呢次係爸爸做big bad wolf！呢隻曳狼入唔到Melanie間磚屋，就出怪招~ tickle tickle!

哈哈！

之後，再來一個小紅帽，由Rilakuma 扮big bad wolf，恐龍仔做獵人，大家合力搬d石頭去大熊個肚腩度！

玩夠喇~ 係時間去瞓覺喇！

Goodnight~~

~

恐龍仔第一次離開爸媽，外出過夜嘅故事…

星期日下午，3傻探婆婆…

因為牛牛無睡午覺，玩咗半日喇，我地決定食飽飽就早d返屋企，點知…. 恐龍仔話唔走！要留低過夜！

話說上次探婆婆都提過，可以俾哥哥响婆婆度過夜，但係就一定要聽話，仲要晨咁早起身行山！

今次恐龍仔又話要留低，恐龍媽又再說一論教：公公婆婆年紀大，小朋友一定要聽話，唔可以帶俾公公婆婆麻煩！

因為恐龍仔朝早出門時著雨鞋，於是落街幫佢買對白布鞋，內衣、睡衣替換！

臨別時，又哦恐龍仔一次，佢話佢知喎！

恐龍媽最驚嘅係行山！响山上有乜意外….

雖然，係知道有路燈，係石屎路，好多人行，婆婆行咗十幾年，係出過一次意外，跌斷咗手腕對上嘅一條骨，仲記得年三十晚同佢去覆診….

一諗到咁，恐龍媽轉去哦公公婆婆，要顧住自己先！

恐龍爸話，睇怕佢3-4點未必起到身喎~

今朝7點半，電話響起！
恐龍仔話自己起到身，跟婆婆上山，行咗個幾鐘，然後跟公公返屋企！佢好興奮，無話眼瞓，仲好想去表弟度玩添！

睇嚟呢個仔都係有得玩就唔要屋企架喇！

大雨下的~~ 大埔農墟+鐵路博物館半天遊 ~~

又係一拖二嘅日子，恐龍爸要返工！

之前一路諗住去一次農墟，還返d玻璃樽俾菇菌圓，順便八吓！一早睇見個天咁黑，都心知不妙，但總比屈响屋企好！

於是，坐火車北上，去到太和落大雨，响商場避咗一陣，出發！

去到，恐龍仔發哂脾氣：都唔好玩嘅！我無諗過係咁！

農墟其實好細，6字型，兩邊有出口，夾埋都可能得廿檔！大部份係賣有機蔬菜，另外仲有d健康食品、新鮮菇、乾菇等…

 

因為同小朋友們講好會去鐵路博物館，媽媽唔敢買重嘢，但難得見到想買多時嘅乾菇包，當然唔會放過佢啦！

恐龍媽買咗一盒壓縮裝木耳，同埋一包牛肝菌切片。

下午去到婆婆度，就心急攞出嚟~發~，嘩！真係好勁！可以炒餸，又可以涼拌，啱哂想食多d沙津嘅恐龍媽！呵呵~

 

講返行程，離開農墟之後，我地向火車博物館進發！第一件事就係確定方向！恐龍媽有超強嘅方向感，加上google map，無嘢難得到我地，就算落住大雨都唔驚！係呀~恐龍媽一手拖住隻雨衣牛，一手自己” 打傘” ，恐龍仔就自己顧自己，跟實。就咁，我地去到得幾個自由行嘅鐵路博物館！

而我地第一時間就當然係上火車避雨+玩啦！

行咗一陣就停雨喇！

而遊人又開始多，包括一班小童軍！

我地响頭等車箱休息咗一陣 ....

實在太鍾意牛牛呢張相！好似大師出品一樣！哈哈！

就起身行多個圈

然後去搵食！

我地隨便去咗間茶餐廳醫肚，叫咗一碟楊州炒飯，同埋恐龍仔自選嘅焗芝士火腿意粉！

兩個小朋友都好鍾意食炒飯，而好少食到火腿嘅牛牛…就連平時至愛嘅叉燒都唔食，對火腿發狂！

之後點咗杯凍檸賓(少冰)，兩兄弟又搶，於是又叫多杯！

呢兩兄弟真係好少食茶餐廳….

之後，原本諗住返屋企嘅媽媽响恐龍仔嘅反對之下，改變方向，去咗巴士站去九龍搵婆婆！

於是，就有恐龍仔第一次離開爸媽，外出過夜嘅故事…

~New~ 奇異charm果

一直討厭奇異果嘅酸，直至遇上尖尖嘅奇異金果！

最近惠康有優惠，$9.9/3個，聲稱係金果但唔係尖尖嘅品種，6個送開奇異果刀一把！

同事同我發狂一樣，掃貨！

今日再去惠康，去到收銀先發現…原來呢隻外型同普通奇異果一樣，但果肉就近似金果嘅品種叫Charm!

 

味道比金果甜，yummy~

拆嘢喇！

淘寶終於响8號風球之後送貨，好心急想睇吓買咗嘅平底鑊得唔得！

 

因為鑊比較重嘅原故，我好努力咁拆….

買俾哥哥嘅內衣、買俾兩個小朋友嘅小白襪、仲有買俾自己嘅平底鞋..

仲有手機套…

終於~到底喇！

 

首先出場嘅係LC24嘅蒸格，如賣家講 (因为瑕疵，就没有激光字商标款。)無招牌，但係樣就同官方網站一樣，放上LC24，just fit!

跟住出場嘅係Bernde 24玉陶瓷pan，一如賣家講 (主要瑕疵在于手柄处边的过口上，细微磨损 )   但就係嗰少少，鍋面係完美嘅！

 

最後出場嘅係~ LC30不粘pan，但賣家竟然買無蓋，但送埋LC蓋俾我！開心c！

呢三樣嘢總共唔駛400人仔，同我當初想買一個pan嘅budget差唔多… (當然，我仲要俾多成舊水運費啦~)

最後，因為兩隻仔肚餓，而負責買飯嘅爸爸未返，我就攞咗d冷飯試鑊！

結果~ Bernde無令人失望，炒完飯好似未用過一樣！

大喜！希望可以玩到年幾啦！

 

 

 

 

八號風球下的早午餐

 

 

尋日已經買定餸，夜晚浸定雞，攞起，再浸米~~ 一雞兩味！

 

朝早煲落粥，再切青瓜，就係手撕雞喇！

再焗d薄脆俾d仔送粥~

台式煎咗幾隻灣仔水餃，食到兩父子叫encore!

 

午餐呢？

鬼嫁蕃茄滑蛋、金菇蝦仁炒蜜豆、半份手撕雞

 

 

仲有半份~ 攞番公司請同事食~
yummy!

個個都讚：好芝麻呀！

----------------------------------------------------

手撕雞做法

春雞/小型雪雞解凍、洗淨

凍水放雞，水浸過面，水滾熄火，焗30分鐘(唔用LC煲或用大雞，要焗耐d)

雞攞起，放涼，拆骨/肉

青瓜洗淨，切絲

調味：

芝麻 (大量！) 麻油 (隨意，我放咗一大湯匙)

日式芝麻醬(隨意)

另外，wasabi風味醬：wasabi同bb沙津醬，開1比1

俾個讚恐龍爸！

 

事原，牛牛係一隻好硬頸嘅人仔，我地安排咗佢上鋼琴親子班，可惜之前爸爸好忙，無同佢練習，到得閒同佢練，呢隻牛就死都唔肯彈，氹又唔得~ 鬧又唔得，星期六搞到好唔開心，仲無得去上至愛嘅畫畫班！

 

兩父子各有各唔開心，個細嘅仲要連拖吓手仔都唔得，成日話：唔要爸爸！

 

聽見都傷心！爸爸好錫牛牛架嘛！

 

今日，恐龍爸休假在家，諗出一個辦法

 

牛牛見到好鍾意，好受落，終於肯同鋼琴玩喇！

 

叻叻！

高達+山頂遊

自從試過兩三次牛牛唔瞓晏覺，出去開P之後，我地終於搵日下午同牛牛去街街！係一家一齊出動！

 

首先，我地坐巴士過海…

兩個小朋友盡顯馬騮本色！

仲要爭住鐘！

第一站~高達！

 

 

之後，上半山行咗一陣！

天氣好好，天好清，但真係好鬼熱呀！

兩兄弟拖住手仔上山！

晚餐，响太平山餐廳食！

呢度係恐龍爸當年求婚嘅地方

 

今晚，佢好就我，點咗大量海鮮，同埋當年隻印度咖哩角！

而哥哥就自己點咗個兒童餐，好快KO咗佢！

大個仔，食嘢真係好過細個好多，完全唔駛煩！

 

老公，好多謝你呀！

工人休息兩個星期喇！

食街外嘢食到悶，於是建議自己煮！

 

是日菜色:-

味噌煮鯖魚

濃茄炆牛牛

蠟腸煮紹菜

yummy~

當恐龍媽遇上... LC

五月頭某日，恐龍爸話可以俾信用咭d積分我換禮物，當係生日禮物。

於是，我見到有LC煲，仲要係啱啱夠分，唔駛加錢！ (如果用HSBC，就要用錢換！)

等到6月頭，終於收到信，但要我得閒過海攞煲，又要等，等到6月中，某日落住大雨，穿住豆零踭行上山攞煲！

個煲好c重！當時得紅色、橙色，同呢隻...


考慮咗一陣，就特別d，揀咗佢！

對住佢個幾月，真係好鬼鍾意佢，可惜佢好鬼貴，同埋好鬼重，真係無能力擁有多幾隻！睇住FB個敗家group谷友起勢放毒，我心思思~~~
都係~
唔好喇！

到屋企個平底鑊炒唔到麵，我又手痕~ 到底，買隻咩鑊好呢？平平地 (~$2xx-3xx)玩大半年？定係玩大佢，成千蚊買隻貴嘢試試？

班毒婦呢期敗銅pan，睇過~一千蚊得20cm太細喇！
上網睇，d人話Bernde幾好，Lagostina都有人用，但係去到一田一睇~~~ 好貴呀！！！自問唔想再用不銹鋼鑊 (99以前有隻5層鑊，我唔識用！)，好想試白陶瓷~

又去cc叔婆同一田8吓，jamie隻pan要$5xx-6xx，價錢OK，但都係易潔塗層，只係耐用dd (佢話雙倍喎~)，咁納米陶瓷個樣靚仔d，價錢折實又差唔多..
心大心細~

而LC個鐵頭pan實在太重，omelet pan就太細，都仲攞得起，但26-28cm就實在~ 無能為力！
放棄！

咁點好呢？！

最後，俾我响TB見到隻Bernde 24cm 陶瓷塗層只係rmb99，仲有LC non-stick 有大size，都係rmb220！一於試吓做白老鼠！(呢兩隻貨，只係見到呢間聲稱外銷嘅廠有得賣)！

仲有，幫我隻24LC添一隻不銹鋼蒸架！

祝我好運~~~

 

工人休假的第一週

無想像中痛苦！
多得婆婆幫助看仔，第一週總算無乜難度！

只係，有日我切親隻手指公，之後打爛咗隻碟... 好無用！

驚喜嘅，有：

• 二少唔再半夜起身飲奶！ (終於唔做大BB喇！)
• 二少自己响無用過學習筷子嘅情況下，自己用筷子夾嘢食！(surprise!)
• 大少經過兩星期圍棋特訓之後，已經進級到15級喇！以一個學習未足一年嘅人仔嚟講，進步好快！
• 大少出外，人人都話佢食嘢叻！(自己食，努力食，唔太揀擇)
• 老公幫我洗碗！
• 二少識得自已去廁所、自己聽住CD睇書！

仲有，終於... 終於辭咗職，告別做咗年幾，日日無嘢做等出糧嘅日子 (仲要遲出糧！)，嚟緊要回歸凡間，過返d正常嘅返工生活：忙碌、要面對d未做過嘅工作！