拆嘢喇！

淘寶終於响8號風球之後送貨，好心急想睇吓買咗嘅平底鑊得唔得！

 

因為鑊比較重嘅原故，我好努力咁拆….

買俾哥哥嘅內衣、買俾兩個小朋友嘅小白襪、仲有買俾自己嘅平底鞋..

仲有手機套…

終於~到底喇！

 

首先出場嘅係LC24嘅蒸格，如賣家講 (因为瑕疵，就没有激光字商标款。)無招牌，但係樣就同官方網站一樣，放上LC24，just fit!

跟住出場嘅係Bernde 24玉陶瓷pan，一如賣家講 (主要瑕疵在于手柄处边的过口上，细微磨损 )   但就係嗰少少，鍋面係完美嘅！

 

最後出場嘅係~ LC30不粘pan，但賣家竟然買無蓋，但送埋LC蓋俾我！開心c！

呢三樣嘢總共唔駛400人仔，同我當初想買一個pan嘅budget差唔多… (當然，我仲要俾多成舊水運費啦~)

最後，因為兩隻仔肚餓，而負責買飯嘅爸爸未返，我就攞咗d冷飯試鑊！

結果~ Bernde無令人失望，炒完飯好似未用過一樣！

大喜！希望可以玩到年幾啦！