早餐之戰

記得恐龍仔bb時, 同牛牛一樣, 朝早起身唔會喊, 唔係餓醒, 係自己醒嘅! 所以, 恐龍仔一歲前已經食糊就早餐!

唔知係咪因為冬天個人怕凍, 定係餓d啦~ 唔知幾時開始, 佢又要一朝早飲奶! 都唔係太緊要..

但後尾又6點鐘飲完奶再瞓!!!!

呢排又凍返, 見6點半醒, 媽媽又開始特訓喇 : 起身食早餐啦!!!!

第一日~ 唔肯, 喊哂! 之後用杯俾佢飲奶, 都唔飲喇! 算!

第二日~ 搞咗一輪, 肯落床, 仲食咗幾啖!

第三日~ 都係搞咗一輪, 不過佢見到有佢心愛嘅咸肉糉, 就自己食添!

哈哈~ 計劃初部成功!

其實恐龍家屋企附近無包包賣, 媽媽要"出城"買新鮮食品, 要預產恐龍仔嘅早餐加校內小食, 都搞盡腦汁! 因為呢個少爺仔都幾揀飲擇食架!!!

提起小食~ 自從同老師講過要多多留意佢有無食剩嘢之後, 呢排都餐餐清呀! 乖豬!!!

不過~ 暫時都未敢經常重複食物住, 就算係包包, 都會次次唔同, 諗唔到/無買新鮮嘅, 就用方包整公仔多士~

繼續努力呀!!!

(唉~ 唔知下個星期媽媽外遊, 佢地會唔會無啖好食呢?! 最怕打回原形!)