倫敦遊2010 <1>

一個無行程嘅假期.. 嚟喇!

4 Nov 响屋企食完晚飯, 安撫咗恐龍仔上床瞓覺, 就同恐龍爸攞住行李飛的去機場.. 坐夜機去倫敦!  抵埗時..大約朝早5點.. 倫敦仲係未天光, 連機場d職員都未開工!!!

排一輪隊.. 順利過關! 本來要買電話咭嘅.. 但係實在太貴喇 (10磅!)仲要未計儲值喎.. 走人啦!  跟住坐tube去酒店.. 領教到英國人係幾有原則嘅民族: 唔會變通!

頭兩晚, 我地入住Lancaster London, 係對住Hyde Park架, 放低行李就揾嘢食.. 第一日嘅早餐係omlette!

幾好味~ 然後去咗間什貨舖買電話咭.. 同埋postcard+郵票, 寄咗第一張postcard返屋企!

 

Paddington 周邊有好多酒店, 我地嗰附近行咗一轉, 入咗St. James欣賞吓d古舊嘢..

沿路有好多大樹, 好多落葉, 原來呢d落葉係會被打包, 唔知係咪用嚟做肥料嘅呢?

跟住我地順步入咗Hyde Park, 係好多好多落葉! 有工人用吹風機"清理"落葉,

 又有工人架車添.. 仲有d傻遊客走去搞搞震, 覺得吹起嘅落葉好得意..

公園真係好大, 好靚, 好多雀仔!!!! 仲俾我發現頑皮嘅小松鼠添!

跟住.. 我地去咗Harrods行咗一圈, 無收獲~d shopping bags唔啱心水.. d staff勁吋! 我地响附近食咗印度菜就返酒店瞓覺.. 係~瞓晏覺!

响酒店附近食完晚餐.. 又返酒店... 好hea~

第二日, 酒店早餐buffet~ 我地被安排坐咗响對住Hyde Park 嘅大窗旁, 嚮受豐富嘅英式早餐!

之後, 起程去Vitoria站周邊行咗一轉, 參觀咗個教堂..

呢度有好多鴿.. 多到火車站裡面要加設特別裝置去防止呢d不促之客停留!

我地呢日嘅特備節目~就係去探鬼妹仔! 我地响表妹屋企坐咗一陣, 多謝阿姨嘅招待, 仲有fish & chips食!  大鬼妹大過恐龍仔, 好靚女.. 細鬼妹就細過牛牛..4個月大

跟住我地一行7人 (阿姨, 兩個表妹, 兩個鬼妹, 兩個遊客)落咗公園行.. 周圍都係公園,好幸福呀! 呢度仲俾我影到一張7彩楓葉相~

行完.. 返返去市中心.. 我地去咗大英博物館睇中國嘢.. 睇吓英國鬼偷咗d咩走! 可惜5點就收工.. 去邊度食晚餐呢?  我地跟旅遊書去咗Soho區一間地道英國酒吧食, 好多人, 好好味~  (Boheme Kitchen and Bar)

點解英國嘅地下鐵叫做tube? 因為.. 無論係通道, 甚至車箱, 都係長條狀嘅!