~ 恐龍家 ~ : 11月 2010

2010年11月29日星期一

背乘數表

唔記得幾時開始.. 恐龍仔不停問: 幾乘幾等於幾

於是~ 媽媽買咗張乘數表poster俾佢..

於是~ 日子有功.. 佢已經自己背緊喇!

其實以上大作有兩張.. 一張好似係"2"嘅, 不過擺開咗想scan, 之後唔見咗~

呢張係5嘅~

唔知點解~ 有個日期响側邊..

2010年11月27日星期六

沙田污水處理廠開放日2010

恐龍爸話要睇，講咗兩三年，次次都俾做老婆嗰個拒絕，好慘咁! 鬼叫佢老婆讀書時已經睇過咩..

今次, 同恐龍仔去就唔同~

我地無乜點影相呀~都係行吓行吓

有得玩植"樹"喎~

上咗去睇較新嘅final sedimentation area

不過有個小插曲, 就係恐龍仔真係好玩得! 佢竟然行咗去班大專生度, 人哋玩緊Mr. Fox, 佢又玩埋一份.. 笑c媽咪喇~

2010年11月25日星期四

魔法小畫家

今朝早~ 又係晨運嘅日子~

再三催促下, 哥哥叫做食咗半碗玉米片, 等埋爸爸沖涼換衫 (今日爸爸早咗起身呀!), 我地一行四人落樓散步!

今朝, 天空一片藍.. 帶少少白色嘅煙霞

牛牛抬頭望天~ 媽媽就話: 今日天空好藍呀!

哥哥攞起隱形魔法畫筆~ 掃掃掃~ 掃成一天嘅藍!

然後點點色板: 替樹幹加上啡色~ 再替樹葉油上綠色!

媽媽都幫幫忙.. 替長椅掃上啡色.. 仲有旁邊嘅一小片樹林..

恐龍仔似乎玩得好高興, 爸爸都幫手油咗幾吓!

然後~ 恐龍仔話要換白色~ 幫天空加幾片白雲!

行吓行吓~ 時間差唔多喇.. 雖然恐龍仔好想去打韆鞦, 但係.. 唯有下次先啦!

雖然係短短十分鐘, 跟住就要送爸爸同哥哥去排隊搭車.. 但係一落街, 好明顯地牛牛無咁嘮嘈, 一揹上身就靜哂! 好開心~

希望呢短短嘅時光, 除咗親子之外, 可以俾牛牛認識我地生活嘅環境, 身邊嘅事物.. 仲有~ 愛上大自然!

當我們在一起

諗咗好耐.. 想起一個分類, 將兩兄弟一齊嘅小事記低..

今日, 諗起呢隻歌仔:

當我們在一起,在一起,在一起.

當我們在一起,其快樂無比.

我對着你笑哈哈,你對着我笑嘻嘻.

當我們在一起,其快樂無比.

於是~ 就係咁, 我地又多咗一個分類喇!

哥哥已經會逗牛牛笑喇! 有時會拖住細佬手仔..

細佬又好鍾意望住哥哥玩!

孩子們, 願你倆相親相愛! 快樂無比!

2010年11月24日星期三

又再回到每日落平台散步嘅日子

經過一輪生活常規整頓, 終於搵到時間落街街喇!

呢一切得嚟不易! 首先係媽媽改泵奶時間表, 再嚟一個貪玩但又唔願食早歺同好好換衫返學嘅哥哥!

仲有一個夜晚活力充沛嘅哥哥~ 夜晚都仲要去放電! 但又唔肯食飯~

總之~ 要同牛牛落街, 要過到哥哥嗰關先! (好唔公平!)

有時~ 對於牛牛嘅一切, 都覺得好配合呢個家~

牛牛同哥哥一樣要早睡早起~ 而牛牛更早! 7點半開始扭計, 8點飲奶瞓覺! 呢個時間, 方便我地等哥哥食完飯, 工人煮晚飯, 然後餵奶Zzzz, 跟住工人食飯洗碗, 再瞓恐龍仔瞓~

飲奶問題~ 每次媽媽要減奶, 牛牛就自己跟住減! 佢係越食越少! 少到媽媽開始驚~~

我地無話唔俾抱bb, 我地相信只要佢地需要大人嘅關注, 佢地就有! 抱從來都唔係問題! 但媽媽最近好發現: 牛牛係一個可以自己坐响highchair 玩嘅bb! 媽媽諗: 一個被愛嘅bb, 係充實嘅, 係有安全感嘅~ 係可以獨處嘅! (哥哥當年都係咁~)

牛牛好鍾意睇住哥哥玩, 睇住大人做嘢, 到目前為止, 只有哥哥時間, 未有爸媽同牛牛獨處嘅時間!

所以~ 牛牛對我地嘅生活影響唔太大, 主要係多個人仔要搵人看住! 佢經常係無得出街嗰個!

講返晨運~ 係媽媽特意要為牛牛做嘅一件好重要嘅事!

見到哥哥行咗年幾晨運有幾多好處, 當然要有牛牛份啦! 我地都係3人行, 不過唔係爸媽+仔, 而係媽媽+兩兄弟!

其實牛牛早瞓, 夜晚無乜機會同爸爸玩, 但爸爸又想多陪哥哥.. 希望到牛牛學行時, 爸爸會改變主意, 分少少時間陪牛牛啦!

2010年11月21日星期日

父母是孩子最好的醫生

最近買咗呢本書..有d相逢限晚, 好想同人分享.. 一本教你養一個健康孩子嘅書: 由未有bb, 到懷孕~ 產後, 直至幼兒/幼童!!!

當代健康教母最佳獻禮
家庭常備育兒保健書

◎看笑容、摸小手，孩子有病就能提早知道？
◎孩子膽小或暴躁，只要用食療和按摩即可改善？
◎疏通經絡，除了增強體質，還會提升智力？
◎想讓孩子胃口大開，有哪九種方法？
沒有不好帶的孩子，只有帶不好的父母。
只要掌握體質和智力的發展關鍵期，
每個父母都是孩子的營養師、兒科醫生和幼教專家！
父母都該知道的育兒秘密

【飲食營養】【疾病防治】【早期教育】，是孩子健康成長的三大基石。
【祛寒降火】【補足氣血】【疏通經絡】，是奠定良好體質的三大關鍵。
從孕期開始注重保健和胎教，以優質的母血鞏固孩子的先天之本；
孩子出生後，再針對日常的飲食餵養、睡眠按摩、運動鍛鍊及生活照顧，
給予適當的安排與呵護，就能順利養育出健康、快樂、聰明的孩子！
小兒保健良方精華搶先看

　　【鞏固體質飲食法】不要讓孩子太早吃大人的飯菜，食物要煮得軟爛，以減輕胃腸負擔；多喝溫開水，不餵蔬果汁，養成飲食好習慣。

　　【安撫身心按摩法】適當捏脊，讓寶寶四體安適、五臟調和；睡前捏腳趾，可放鬆大腦；胃腸不消化，要按摩腳底反射區。

　　【直觀健康判別法】孩子指腹扁平薄弱，顯示體內寒濕重；鼻樑或眉尾出現青筋，代表氣血不足；頭髮稀少發黃，則是營養失衡。

　　【小兒疾病治療法】寶寶鼻塞，要多吃溫熱食物、避免按摩；發燒時，可用手心捂住前囟門；家有過動兒，可搓腳心緩解情緒。

　　在本書中，健康教母馬悅凌完整分享十多年來的行醫心得及育兒經驗，從孕期護理、孩子的飲食調配、日常鍛鍊到生活保健，幫助父母輕鬆養成全面性的小兒保健知識和教養觀念。隨書並收錄各種方法示範圖解、【食物屬性一覽表】、【兒童經絡穴位圖】、【生長發育測量表】及【婦幼保健Q&A】，讓父母快速掌握最關鍵的實用資訊，時時守護孩子的身心健康。

　　母親是世界上最累最苦的角色，既然做了，只能做好。作為一個母親，不論生活出現什麼變故與不順，都要讓孩子感覺到你對他的愛。

　　在這本書中，我將自己對生命的理解、對孩子的愛，毫無保留奉獻給了大家，方法很簡單，操作起來並不難，難的是對好習慣的長久堅持；難的是隨時抵禦對生命有害的各種誘惑；難的是踏踏實實、認認真真地過好每一天、吃好每一頓飯。願這本書能成為父母的好幫手，願孩子們都能在父母正確的培養和教育下茁壯成長。 ——馬悅淩

作者簡介

馬悅凌

　　大陸著名民間中醫，根據多年的親身實踐與研究，獨創各種食療和經絡療法，被譽為「健康教母」，著有《不生病的智慧》、《溫度決定生老病死》等養生保健暢銷書。
馬悅凌健康養生網www.mayueling.com/

2010年11月19日星期五

揀playgroup

最近見到同牛牛同月齡嘅bb媽媽問起PG問題.. 其實我地都未開始住呀, 不過都開始留意緊喇!

以下係响哥哥時得嚟嘅經驗, 小小嘅總結:

Playgroup可以分兩大類:

第一類係好似返學形式嘅, 有唱歌跳舞郁吓手腳, 玩吓玩具, 講吓故事, 部份仲有茶點時間, 無都會休息飲吓水

第二類係比較"功能性"嘅, 有特定目的, 由"專業" 導師帶領 e.g. Gym, 音樂, 大小肌訓練 etc

我所接觸過嘅第一類pg, 包括幼潛同埋一d英文pg

有部份家長覺得, 上pg可以令小朋友識多d朋友仔, 學社交! 但係~ 有所不知, 其實小朋友起碼到兩歲先會同人一齊玩! 到三歲前先叫好d, 真係有溝通/交流!

因為第一類實在有d"無聊", 所以上咗好短時間就放棄咗~

但係上第二類, 就真係學到嘢, 見到有所"進步"!

呢個係之前寫落嘅分享: http://hk.myblog.yahoo.com/baby-dinosaur/article?mid=2653

經過哥哥上動身又動腦前後一年, 恐龍媽自問真係學到好多嘢! 最難得遇到個欣賞恐龍仔嘅導師, 我地無再上喇~ 佢仲不時打嚟問候! 好多謝你呀~ Sam Sir!

動身又動腦以外, 其實仲有Dr. Poon有類似嘅pg, 不過Dr. Poon多數要自己組班..

另~ 協康會都有辦呢類pg, 不過主要係俾有發展問題嘅小朋友, 但近年好似開多咗俾普通小朋友喇~ 不過網頁搵唔到詳細資料, 我地都諗緊去屋企附近嗰間實地睇睇.. 聽講個pg好多人排隊架!

呢類型pg, 我覺得家長先係去上堂嘅人! 學到唔少同小朋友玩嘅技巧, 有問題嘅話, 導師好樂意回答, 教家長要點去幫小朋友!

至於KinderMusik, 恐龍仔都上過兩個課程:Village 同 Our Time. 上堂時會跟住音樂郁吓, 接觸唔同嘅質感, 樂器, 跳吓舞.. 聽吓英文歌仔! 真係好鍾意佢d歌仔!

教養孩子, 要俾機會佢地做合適佢地月齡/能力嘅活動, 食合適嘅食物, 等佢地有能力探索, 帶佢地多d接觸大自然, 認識生活環境.. 引發無限好奇心~ 當中, 引領佢地對文字嘅興趣, 只有認識文字, 然後在書本搵到答案, 先能夠讓呢d好奇心得到滿足, 繼續成長~ 成就一個有自理能力, 能解決問題, 愛學習嘅孩子!

好似越講越遠..

2010年11月17日星期三

進化中..

得閒觀察吓d BB, 會從新發現, 一隻有智慧嘅生物係點成長嘅~

就好似.. 口腔期嘅牛牛, 照例乜都放入口, 但係~ 唔睇唔知, 原來佢經過觀察, 然後先放入口架!

每次佢發現大人隻手, 牛牛會首先捉住, 望一大輪, 轉嚟轉去, 跟住.. 定哂咁望住目標~ 然後突然一啖咬埋去! (個咬字可能唔啱, 因為牛牛未有牙仔!)

話說, 牛牛一兩個月時, 媽媽已經攞咗哥哥細個時玩過嘅bb玩具出嚟, 但係哥哥好似發現新大陸咁: 自已攞哂去玩!

d玩具嘅下場好明顯係.. 俾工人放埋一邊, 而哥哥亦唔會再攞出嚟玩!

今晚, 哥哥攞咗個搖鈴出嚟! 媽媽順手攞去俾牛牛玩~ 牛牛望住.. 望住.. 跟手就張開口一啖咬埋去! 呢個時候.. 俾哥哥睇見, 當然唔會放過機會"扮大人", 一手拉開牛牛個搖鈴, 大聲話牛牛: "牛牛~唔食得架!! 係咁玩架~" 然後搖個搖鈴~~ 噹噹響!

媽媽都未嚟得切讚哥哥, 佢已經行開咗, 然後, 牛牛開始自己嘗試搖~ 搖~ 搖~ 搖咗一大輪, 夠喇~ 再張開口...

哥哥真係乖喇! 識得教牛牛玩, 仲會輕輕力, 唔好太粗魯喎~

-----------------

哥哥話要聽故事, 於是媽媽拉埋牛牛一齊聽啦~

原本唔多耐煩要自己坐highchair嘅牛牛, 聽聽吓就靜哂, 好專心咁聽故事!

哥哥呢? 繼續走嚟走去! (有時都唔明佢點解又要人講故事, 自己就做其他嘢~ 嬲架!)

呢次係牛牛第一次聽故事咋! 叻叻!

---------------

趣事一則

媽媽返到屋企, 哥哥玩緊, 牛牛响highchair~

媽媽同牛牛講: 叫哥哥啦!

牛牛: Hmm~Hmm~

媽媽: 係哥哥~ 唔係Ng-Ng呀!

牛牛: Hmm~Hmm~Hmm~

媽媽: 係哥哥呀~ 牛牛!

牛牛: Hmm~Hmm~

....

哥哥: 我係Ng-Ng 呀!

2010年11月15日星期一

返嚟喇!

同恐龍爸頭尾去咗8日旅行, 成日諗起d仔嘅可愛樣.. 掛死我喇!

返到嚟.. 好似refresh咗咁, 覺得兩個都唔同哂!

恐龍仔精靈鬼馬咗~ 口甜舌滑! 氹死人! 食嘢乖咗dd~

牛牛就硬淨咗, 依家佢自己都會試吓唔扶住坐, 不過會搖搖擺擺囉!

希望快d有時間update返個blog啦!

2010年11月14日星期日

鬼靈精!

返到嚟之後, 發覺恐龍仔呢幾日都算乖, 食嘢ok, 瞓覺ok, 試過自己一個瞓添!

仲有~ 佢好鬼好口, 成日講"I love you"

甜死人!

今日去上泳水堂, 仲識自己換衫 (恐龍爸訓練有功, 不過阿仔只會响daddy面前表演!) 上音樂堂仲俾老師大讚上堂好乖 (乜無爸媽响身邊仲乖! 咁曳架!)

夜晚~ story time, 講咗個中文故事, 當中有"來來回回"呢個詞語, 講講吓, 恐龍仔突然問媽媽: "回"點解~

媽媽: 來本回回~ 即係氹氹圈, 行來行去, 行咗好多次囉!

恐龍仔: 哈哈~ 個"回"字都氹氹圈咁行嚟行去嘅! 咁得意!

媽媽真係有d意外, 恐龍仔觀察能力好強, 佢又學多個字喇!

熄哂燈仲唔捨個瞓.. 要同媽媽傾計..

突然~ 恐龍仔: Mami~ I love you!

照慣常.. 媽媽: I love you too~

恐龍仔: I love you 3~

媽媽: I love you 4.... (沒完沒了!)

恐龍仔: Mami 呀~ 係 T-O-O, 唔係 T-W-O 呀!

仔呀~ 好高興你開始自己串字喇!

唔知係咪好幾日無見~ 覺得呢個仔唔同咗! 鬼靈精咗!

2010年11月13日星期六

牛牛@7mth

因為去過成個星期旅行, 錯過咗牛牛嘅7mth大日子!

返到嚟, 發覺佢硬淨咗好多, 原本一定要扶住腳仔先坐到, 依家唔駛扶住, 搖搖擺擺咁坐到幾秒!

體重大約19磅~

唔知係咁因為開始食固體食物嘅關係 (定係食多咗奶粉?), 牛牛個身出疹呀! 如果又係敏感底就煩喇!

另外~ 返到嚟仲發現牛牛識得擰頭!

個樣好搞笑架!

瞓覺依然係成晚醒~ 不過自從媽媽外旅, 依家由工人姨姨陪瞓, 媽媽可以一覺瞓天光喇! 辛苦工人姨姨~

2010年11月11日星期四

倫敦遊2010 <3>

第5日, 星期二, 我地一早訂咗opera飛, 朝早行去大英博物館短遊之後, 食d嘢, 就行咗去戲喇~

個場地相對香港文化中心細好多, 但係感覺就好好多~

睇完.. 又行咗去唐人街食咗餐中菜~ 跟住, 行返apartment!

哈哈~ 全日無坐過車呀!!!

第6日, 市內遊覽

行藝術館, 去地道酒吧食lunch (fish & chips!), 再坐船~欣賞Thames 嘅黃昏..

跟住錯過咗一個castle.. 再去Tower Bridge..

第7日, 市內遊覽, 再去大英博物館 (係呀~ 有人未睇哂嘛!) 但係我呢個shopping怪一定要買d嘢!!! 於是自己行咗去Covent Garden~ 是日天晴!

呢度有d小店, 周邊好多香港人熟識嘅品牌.. 响溫莎時已經入過Cath Kidston逛過.. 無買嘢, 呢日再經過, 都係忍住手!

街頭見到呢個~"人像"~

2010年11月10日星期三

小一選校時間表

抄低佢~ 第時可以參加~

K2: 開學後至翌年5月

搜集學校資訊
參觀心儀學校，在校門外觀察學生的表現，與家長傾談
鼓勵子女參加各式各樣興趣班
多到圖書館，參加閱讀獎勵計劃
留意子女學習模式，思考子女會對傳統教學或活動教學較適合
考慮是否需要搬往校網較佳的地區
考慮是否轉讀心儀小學的附屬幼稚園，當插班生以增加將來入讀同系小學機會

K2: 6月-7月

留意心儀學校升中派位最新資訊
參加升小座談會
選購最新小學選校書籍
與其他家長研究報校策略
考慮報讀與心儀小學有關的暑期課程
不時到圖書館、博物館、科學館等參觀
提醒子女準備報讀小學
為免往後忙碌的準備工夫影響家長心情，這段時間或許是搬家的最後機會

K2: 8月

留意心儀學校取表日期及報名時限
加強子女的中英數基本學術能力
與家人商量，定出初步官津校名單
選定直資、私立學校，預備報名
提醒子女注意禮儀
開始進行模擬面試
提升子女自我形象和自信心
帶子女參觀心儀學校，並在校門前替子女拍照，方便製作個人檔案
和子女一起製作個人檔案
拍照並整理證書

K3: 9月

參加幼稚園為家長預備的小一講座
繼續參觀心儀學校，特別是開放日
繼續加強子女的中英數基本學術能力
幫助子女放鬆心情
完成子女個人檔案
報讀數間心儀私校及直資學校
參與小一自行分配計劃，報讀一所心儀官津小學
找朋友為子女進行模擬面試

K3: 10月

讓子女對面試有足夠的心理預備
報讀私校及直資學校的最後機會
重點到各校進行面試

K3: 11月

留意各直資及私校取錄及註冊日期
如獲取錄，比較各直資或私校是否適合孩子，在個別學校留位
留意小一自行分配計劃公佈，進行註冊

K3: 12月-1月

預備及參加小學統一派位

K3: 2月-5月

繼續加強子女的中英數基本學術能力
寫信到心儀學校以表誠意

K3: 6月

留意小一統一派位結果
每天留意心儀小學的收生資訊，隨時準備報名
關心子女選擇小學的感受
到心儀小學叩門，並進行面試

K3: 7月-8月

參與入學前預備班
幫助子女接受小學

http://www.happyfamilynet.com/baby/

2010年11月9日星期二

倫敦遊2010<2>

Day 3, Sunday

部份地方竟然唔開! 慢慢行咗去白金漢宮.. 好多人! 唔想同佢迫, 於是買圍行吓~

去咗側近個公園~

恐龍爸好想入白金漢宮睇吓.. 我地行極都見唔到入口, 再問人, 原來只係响Summer時間開放 (至9月) 唉~

跟住去咗西敏寺~ 又唔開! 而個天又成日落雨..

無無聊聊~ 食完嘢去咗福爾摩c博物館, 再去check-in搵Key.. 我地呢晚開始就會入住apartment, 而呢間apartment幾煩, 要去office攞key架!

再返酒店攞行李... 搬屋!

嘩!!! 一見到就好滿意! 所有廚具齊全, 我地帶咗d食油同洗衣粉, 掂哂!

www.apartmentsapart.com - Chancery Lane

恐龍爸好滿意呢間屋! 仲平過住酒店, 3xx尺地方, 9x磅一晚~

第二朝~ 係豐富嘅早餐!

第4日~ 我地去咗溫莎..

呢個Mr. Postman攞住我地張postcard.. 呢張亦係我地最早收到嘅postcard!!

溫莎呢日唔多人, 個商場好大! 我買咗個Miffy袋, 同埋一對鞋仔俾哥哥! 仲咗boots買咗好多嘢.. (呢間boots好大! ) bb嘢平過HK好多!! e.g. BPA free嘅8oz奶樽x3係2磅幾, 800g奶粉係6.99定7.99磅! 心諗~ 無乜理由要攞咁遠返London架~ 所以唔係買咗好多.. 只係幾包baby food俾牛牛, 仲有兩盒tissue box (Mr. Happy + Miffy!!!) 總之~ 真係收獲豐富啦!

2010年11月6日星期六

SFA 面試2010

What SFA had examine on our kids? (copy from bk)

早上同下午d papers係唔同架。以我所知, 9-11點時段嘅問題就差唔多。
1 group 19人, 有3位老師

(1個Miss負責指揮helpers, 1個Miss 負責筆試部份讀問題, 1個阿Sir負責單對單面試

)。

筆試部份(4 pages)
1) 先聲播英文故事聲帶內容, paper 上亦有圖片提示的, 然後老師

讀問題, 小朋友"tick"答案(MC 題)。每個故事都非常短, 共5個故事。 e.g. 聲帶 - son : Dad, How are you feeling? Dad : I am angry. 問題就係 :
What is dad's feeling? 答案 : "tick" angry. 就係咁簡單!

2) 聲播ｌ個中文故事 (關於小燕子跟媽媽學飛, 但害怕跌倒的故事), 然後老師

讀問題, 圈ABC (MC題)

完成這2頁後, 開始call 人出去單對單見阿sir 面試

, 其它同學就自行要完成餘下筆試的第3, 4頁(這兩頁冇老師

讀問題, 靠自巳睇)。

3) 行迷宮。找同, 阿囡話兩幅圖入面, 睇到3處不同, 但問題係話, 請圈出其中1處不同的地方而巳, 所以佢只敢圈一個。
4) Drawing (紙上有一circle, circle 內有一條斜線, 利用佢地自由發揮畫)

單對單面試

內容(阿囡話條條問題都有mark 分, 每條滿分都不同, 答完即時mark 分), 不過佢話呢part 有成 8 pages 咁多, 嚇c我!

1) 中文句子認讀 : 公園裏有很多動物
2) 英文句子認讀 : 佢話一時醒唔起, 不過記得係好簡單的。
3) 中文重組句子 : 妹妹玩洋娃娃
4) 16-3=? , ?+3=10, 3+3+1=?
5) 有圖片問係乜野? 係蝴蝶
有四幅圖片, 排序蝴蝶演變過程。
6) "它"字係乜野意思? 阿囡死左係呢絛4分題。

7) 有個小朋友手上有塊樹葉, 拋左落地, 啱唔啱? (呢條要用英文回答)
8) 有一個sign, 係兩枝燒烤义, 交义搭住, 下面有火的, 是甚麼意思?
9) 阿甲企係度, 阿乙踎係度, 一齊放風箏, 應該邊個風箏可放得高d?
10) 有2條序列問題。

冇普通話, 冇串字!

http://forum.edu-kingdom.com/viewthread.php?tid=2251434&extra=&page=1

The process was about 1 hr to complete.