Planning for London Trip

諗住去旅行, 諗咗好耐喇~

終於, 呢個幾星期開始搵料book機票住宿, 先知道.. 咪以為預早3個月好叻呀~ 已經有兩班夜機full咗, 仲要係我地計劃行程前後個幾星期都full!

唔坐CX可以坐Virgin啫~ 嘩! 有d 叫"priceline.com"嘅公司, 唔憂無生意做咁.. 唔覆call架! 想買個package? 佢覆返你 FULL 就算! 咩服務態度呀?!

好急好急要confirm機票呀..  原來有朋友屋企人做agent, call佢, 好快覆到剩返兩個機位!!!

點知~ 唉~ 恐龍爸話有同事嗰日放假, 最好唔好啦~ 咁即係點呀? 又要再check過!!!  不過遲d出發, 應該仲有位嘅..

跟住到住邊喇~ 初初搵b&b, 但係好多都無浴室 (唔係套房), 咁酒店唔平d房又細喎.. 不如搵apartment啦, 大d之外, 價錢可能平過酒店添!  ok.. 都搵到喇, 留埋機票confirm到就book!

不過仲未改假..

煩~煩~煩!

點解要11月開始凍先去London? 因為想餵奶餵到牛牛足6個月先囉~ 本來照顧呢兩個小朋友會有d頭痛, 諗過帶埋牛牛去, 不過, 太凍喇! 唔好搞d咁嘅嘢喇!