燒咗3日喇!

星期五嫲嫲接放校, 已經覺得恐龍仔作病，發燒! 但係除咗燒，又好似無乜嘢咁, 食咗退燒藥又肯玩喎, 所以無帶佢睇医生

夜晚, 成晚話肚痛要去poopoo, 但又痾唔出喎, 搞到要出動甘油條! 可憐豬~ 佢唔肯架! 最後俾媽媽捉住, 爸爸落手!

星期六, 一早去睇医生, 無乜新意.. 都係退燒藥~

又呆咗一日~ d燒退吓燒吓咁

星期日, 當然唔去上游水堂啦.. 但係第一堂音樂堂喎.. 媽媽話:如果無燒嘅, 就去啦!

退燒唔係咁難, 但呢隻嘢對新環境新老師新同學..就唔多enjoy, 有少少怕羞咁, 唔肯出去試玩喎!

怕緊就自己易攰, 陪爸媽食完午餐 (恐龍仔食咗好少嘢), 行咗一陣就話攰, 呢隻嘢衰到唔俾爸爸抱, 硬要媽媽抱喎.. 激嬲咗恐龍爸!

返到屋企又嘔~  唉!

好在食咗藥無再嘔!  放佢返上床就行開.. 恐龍媽都好攰喇!

 

仔呀~ 見到你無哂精神個樣.. 好心痛呀! 快d好返啦! 

轉個頭退咗燒..又一隻monkey!