健康院檢查@4mth

今日係牛牛去健康院檢查+打針嘅大日子! 呢幾日都成日落雨, 一朝早都落咗場大雨呀, 到我地出門口, 又無雨喎~ yeah!

上星期六, 已經去咗羅叔叔度打5合1 (牛牛好叻, 無喊! 不過夜晚有少少燒呀!), 呢次去健康院, 就只係打肺鏈~

首先, 係重要節目: 磅重!

牛牛有16.3磅呀! 身高同體重都係响75線~

見姑娘時, 眼仔會望玩具, 手仔會捉玩具, 趴轉可以抬起頭仔, 一切正常! 姑娘個個都話佢叻叻, 好長肉呀! 仲話人奶b唔會超磅, 長肉都係實肉嘅, 唔會要減肥, 通常過重嗰d都係奶粉b..

打針時間到喇~ 嘩~ 支針吉到好入架! 成吋入哂大髀仔架! 傻豬仔喊咗兩聲就唔喊喇! 十個叻~~~

之後, 飲埋奶奶先走..

 呢隻曳豬唔多願飲奶奶, 竟然想食手指多d~

佢嗰兩隻手指公排住隊咁, 同個奶咀爭位! 幾肉緊呀!

之後, 見到有個喊包bb出打針房, 可憐豬6個月大, 打咗3針, 喊到..

所以~ 都係分開打好!

總結今日健康院之行, 天公造美, 無落雨, 好開心呀! 姑娘們開始識讀牛牛個名喇.. 叫咗3次名, 得第一個錯!  牛牛好叻叻, 好健康好正常~