牛牛與牛

今晚~ 玩玩吓.. auntie攞咗隻舞獅出嚟

牛牛睇到超開心!

4個月大嘅牛牛, 開始好好運用佢對手仔..

唔想飲奶? 除咗可以用脷仔頂奶奶出嚟之外, 仲可以用手仔推個奶樽! (好精彩~ 好搞笑架!)

佢隻手指公呢~ 就最鍾意同個奶咀爭位!

今晚上床瞓..

媽媽放咗牛牛落床之後, 轉身執d嘢.. 轉頭見佢兩隻手仔捉實床上其中一隻牛唔放!

係好耐都唔放!

於是, 搵部手機.. 開返燈.. 影底佢!

嘻嘻~ 唔知牛patpat臭唔臭嘅呢?

其實.. 呢個媽媽都幾曳~ 放到哥哥成床都係恐龍之外, 牛牛張床都已經有3隻牛喇! 牛牛~ 多數捉住呢隻長手長腳嘅 (另外有一隻太重, 一隻手腳短, 唔太易捉住~)