告別厭奶牛

尋日媽媽放工返到屋企, Auntie抱住牛牛開門~

原來呢隻嘢未夠鐘飲奶奶就喊喇! 搞到要人抱~ 於是, 媽媽洗好手就接棒.. 

Auntie仲話: 牛牛今日餐餐清呀!

媽媽好開心, 因為牛牛嘅厭奶期唔長, 亦唔算嚴重, 起碼佢只係飲到一半頭擰擰, 休息一陣之後.. 都或者可以飲多少少, 唔似好多bb, 喊到好鬼慘咁!

因為牛牛喊, Auntie唔等媽媽送貨, 已經溶緊儲備~ 牛牛照樣極速完成任務! (牛牛真係抵錫, 唔會唔飲冰奶!)

睇佢今日嘅表現, 媽媽決定: 加奶啦!  (罐奶粉開咗成個月, 終於可以食吓, 再唔食, 就益埋哥哥架喇!)

牛牛~ 要告別120ml x 6餐喇!

-------------------------

牛牛依家日頭仲係3個鐘一餐, 夜晚就好叻, 可以6-9個鐘喇!

好似尋晚, 7點幾食完, 去到朝早4點幾 (9個鐘!!!) 不過下餐.. 又係3個鐘~

今朝嗰餐130ml, 佢都食剩少少.. 不過媽媽相信好快牛牛就可以完成新任務架喇~ (唔該, 唔好唔夠3個鐘就喊好無~ )

雖然, 牛牛食量唔大, 但係~ 可能瞓得啦~ 佢有14磅喇!

嘻嘻~ 對手臂同肉腿... 好誘人呀!

 

--------

牛牛依家食手食到... 出神入化!

呢張相都成個星期喇.. 依家開始識食雞髀仔添喇!!!!

 

今日數過.. 隻手瓜起展 x4 節! 

仲有~ 可能捉住玩具shake-shake喇!!!!