恐龍仔自少就有一個嚴重問題, 就係唔鍾意食嘢!
bb時唔食粥~ 邊食邊lur邊喊!
有一段時間係用電視餸飯! 或者睇書~ 玩玩具!
到依家3歲幾, 都係多數要人氹先食幾啖 (响婆婆屋企就好d~ 可以自己食!) 鬧都無用!
話說~ 呢排恐龍仔唔願食飯又唔願飲奶, 但係轉頭又話肚餓, 恐龍爸媽都覺得, 係時候要治吓呢隻嘢!
呢晚~ 恐龍仔自己點菜: 香腸炒蛋青豆飯(with kitchup), 雖然就唔係幾健康架喇.. 不過總好過唔食呀! 點知~ 食咗幾啖, 嫲嫲就上咗嚟! 恐龍仔望住嫲嫲抱住牛牛玩.. 就無再食過喇!
無幾耐~ 恐龍爸就返到 (今晚早咗!), 爸爸下令, 食多20分鐘, 然後收嘢! 恐龍仔自己話: 咁就要快d食喇!
講囉! 食多兩三啖囉!
夠鐘~ 收嘢~ 即喊!
喊乜? 佢話: 我肚餓呀!
恐龍仔走嚟搵媽媽~ 唔好喇~ 邊個收你d飯, 你就搵嗰個好d~
嫲嫲教恐龍仔同爸爸講sorry.. 硬頸嘅人仔無講到..
嫲嫲又邊忍心睇住個心肝寶貝喊呀?! 於是發功分別"哦"咗恐龍媽同恐龍爸兩句~
恐龍爸堅持到底.. 嫲嫲爺爺走咗, 到恐龍仔玩咗一陣, 但係都無俾嘢佢食.. 臨瞓, 又喊喇! 爸爸於是又訓話一輪, 俾咗兩塊餅仔 (又邊夠呀?!) 奶? 個衰豬自己話唔要!
十點鐘~ 爺爺打嚟俾恐龍爸, 話嫲嫲返到屋企喊呀! 覺得人仔無嘢食好慘好可憐囉~
唉~
係做父母嘅唔好~ 無好好教佢正經食飯
所以~ 咪要依家教囉!
可憐?! 仲記得恐龍仔邊食邊喊嘅年代, 嫲嫲仲未搬走.. 到底~ 係煮嘢同餵佢嗰個可憐? 定係唔食嘢嗰個可憐d呢?
唉.. 慢慢教啦... 愛唔愛食野係天生架..
回覆刪除[版主回覆07/29/2010 14:36:00]我都知~ 都唔明, 我同老公都好鍾意食架!
我家2兄弟, 細個食得唔錯㗎... 越大食得越衰, 大嘅仲得返棚骨 呢個短暑假 (10日only), 晚晚煲飯都落片芝士, 希望可以極速"操肥佢" (落咗芝士, 可以半個鐘食2大碗, 平時半碗食一粒鐘!)
回覆刪除[版主回覆07/29/2010 14:36:00]我乜都試過, 隻衰豬係要人attention, 同d食物無關!
我覺得你做得啱，再唔教遲D可能仲煩，試多幾次相信會有好結果﹗互勉﹗
回覆刪除[版主回覆07/29/2010 14:35:00]多謝支持!
感同身受...我仔食一餐飯又係磨你2粒鐘.
回覆刪除[版主回覆07/29/2010 14:35:00]唉~ 諗起都頭痛! 不過呢幾日好似好d喇!
以為我家的女兒係咁, 原來男仔都會
回覆刪除女兒餐餐都要1-2個鐘, (99)喂果個其實好慘-,-''
但係當初邊個習慣佢邊玩邊周屋跑, 唔很坐定定食丫
最後............果又咪係自己食番(99)
真係身同感受, 仔仔現在10M old, 唔喜歡吃正餐, 每次餵佢, 我就好勞氣, 明明我哋兩夫婦勁鐘意食嘢, 點解個仔唔係, 不過點都好,我堅持唔準落地, 唔補奶, 唔食就算, 我真係好希望這只是過渡期!
回覆刪除