親子枕邊100故事

大約恐龍仔返N班前後開始, 我地臨瞓前會講故事~ 多數係d好短嘅故事書, 一晚讀3-4本~

初初讀英文~ 後嚟恐龍仔只准媽媽講中文.. 仲要~ 有得揀就唔要恐龍爸講!

早兩個月, 買咗兩本有100個故事嘅親子故事書~

愛得不得了!

不過, 每晚都係要求讀嗰幾個故事, 佢連頁數都記得 (媽媽就可以背個故事!), 媽媽一攞起, 佢就會大叫: 第xx頁呀!

睇過d教仔書, 話小朋友好鍾意重覆又重覆聽故事~但係一本書有成100個故事, 點可以只讀三五個呢?!

於是~每晚只得一個自選機會!

雖然書中d故事有分歲數, 但係恐龍仔偏好大朋友嘅故事 (7-8歲嗰d!) 都好~ 一個甩牙嘅故事, 佢學識咗乳齒同恆齒, 仲有門牙犬齒大小臼齒!

佢仲會..自己攞起本書睇!

唔知佢明(識)幾多, 睇住佢睇呀睇.. 好enjoy咁, 好好笑! 到底~ 3歲人仔, 係咪可以讀到兩版紙嘅故事呢?!