牛牛@ 3 months

唔經唔覺, 牛牛三個月大喇!

媽媽都餵咗三個月奶奶.. 返咗工呢兩個星期, 搞到對手好攰, 有d痛! 雖然呢間公司所有房都係有玻璃但無簾, 但係總算有個好乾淨舒適嘅洗手間, 唔會有人排長龍等厠所! 亦唔熱唔臭! (如果唔係咁~ 可能已經放棄咗!)

講返隻牛~

因為呢個月唔駛去健康院, 所以只有體重約數: 牛牛有14磅喇!  作為一隻由mixed-feed慢慢轉全人奶嘅bb, 佢重得好好! 見到佢肥嘟嘟嘅手仔腳仔, 仲有已經唔啱身嘅衫仔.. 好滿足呀!!!

除咗4am嗰餐, 牛牛正式食到130ml喇! 初初加奶俾佢, 佢都係食剩10ml左右~ 

基於食媽媽奶嘅關係, 牛牛唔係日日有臭臭, 試過6日先有!!! 一痾就.. 幾條片滿滿咁! 臭死人!

不過, 因為媽媽返工之後, 奶量都無多到 (少咗少少添!) 所以, 牛牛一個星期要食三四餐奶粉喇! 就好似余醫生之前講過: 重質不重量! d 抗體有就有抵抗力, 多d少d唔太緊要!

牛牛已經可以定到個隱定嘅作息時間表喇! 佢每晚8點左右食完奶奶, 玩一陣, 到9點前就會瞓覺豬, 到4點至4點半左右先會再醒~ 飲完奶又會瞓返.. 然後7點起身! 哥哥當年差唔多都係咁..

牛牛好鍾意撩人玩, 好鍾意笑架! 有時好鬼馬... 仲有, 佢愛上咗佢隻雞髀仔呀!!!! 完全唔多理個奶咀, 一無聊就食手!!! 唉~  (不過佢食得好鬼cutie 架!)

自從媽媽返工, 無乜時間陪牛牛玩喇! 爸爸又忙喎~  佢提起幾時開始睇ybcr.. 媽媽仲係諗緊睇電視嘅問題, 最快應該會6個月先開始~