畢業喇!

7月10日~ 係恐龍仔學校嘅家長日

嗰日~ 我地去攞成績表! 仲有學校做嘅portfolio, 裡面有好多校內活動嘅相

但係最特別嘅~ 就係呢張!

媽媽攞起嘅反應係: 嘩! 好靚仔呀!!!

老師話~ 影咗兩次呀! 攝影師哥哥真係叻, 呢隻嘢無時停周身郁, 但係都俾佢影到個咁正經嘅樣!

老師仲話呢個小朋友學嘢好快, 識咗就走! 停唔到落嚟咁~

 

告別N1, 恐龍仔好期待做K1哥哥!

暑假開始, 我地參加咗學校嘅暑期班! 返咗幾日喇~

先係頭痛無校車坐 (MOS少人, 校車唔入!!) 跟住.. 日日話想返學嘅恐龍仔, 返咗一日就話唔想返~

點解?!

可能因為d朋友仔唔係個個上, 同埋老師都唔同駛 (係K1嘅老師呀!)

不過相信到真正返學時, 就無適應問題!