學游水

一早打算俾恐龍仔早d學游水, 呢個暑假, 我地報咗大x泳會嘅泳班!

上一堂媽媽無去到, 爸爸話好搞笑架~

哈哈~ 搞到媽媽都出去熱吓曬吓! 睇吓有幾好玩!

首先~ 去到就當然要換衫啦!

呢隻嘢就係唔鍾意正正經經俾人影張相!

教練好有心機, 見佢笑住同d小朋友講嘢~

3個小朋友一組.. 恐龍仔好曳! 成日唔聽話, 搞搞震~ 跟住就當然俾教練鬧啦!!! (曳ing~)

3個小朋友裡面, 恐龍仔真係細粒好多! 又懶喎~ 人地不停踢水, 但係佢就踢吓停吓!

基本上, 佢唔係太怕水, 唔係太怕死~ 但係真係唔係幾聽話, 成日做埋d危險動作!! 教練一個睇三個, 你攞條noodle玩, 唔好好捉實, 真係~ 好危險架仔!