媽媽病了

早兩日有幾聲咳, 尋日終於請咗日病假, 瞓~瞓~瞓!

牛牛呢幾晚改變咗佢嘅習慣: 平時8pm飲完奶, 玩一陣就瞓, 呢幾日, 飲完5點幾嗰餐奶就瞓! 係一路瞓, 初初覺得好輕鬆, 唔駛忙住呢隻同嗰隻.. 但係過咗幾晚, 好似少咗d嘢咁~ 係全日都無同過牛牛玩呀!!!

尋晚, 見佢好似醒醒地, 好想抱起佢, 但係諗起自己仲未好返哂, 仲咳緊.. 就放棄咗喇!

唉~

唔通牛牛知道媽媽病, 所以避開媽媽?!

呢兩晚, 辛苦咗爸爸喇~ 佢湊足全晚, 餵兩餐! 媽媽只係起身泵一次奶, 天光見牛牛醒就搬佢出廳~

爸爸建議早一日送牛牛去婆婆度, 但係媽媽好唔捨得呀! 好想呢個星期留牛牛响身邊! 其實, 好似無乜自己湊過佢咁! 好驚遲d親auntie多過媽咪!

就係只得朝早嗰一陣.. 可以同佢玩吓! 佢真係好鍾意笑~ 雖然, 都仲係成日食唔哂d奶奶(120-130ml), 但係, 佢真係好長肉!

3-6mth d衫仔.. e+啱啱好! 又一個理由俾媽媽去shopping喇!

估唔到~ 生多個仔, 差唔多日子出世, 都係幾乎要買過哂d衫!