Daddy is not home (Day 2)

媽媽返到屋企, 咁啱電話響, 爸爸打返嚟呀!

呢隻恐龍含住啖飯 (點解唔係等埋媽媽一齊開飯架?!) 一邊同嫲嫲玩緊!

同爸爸say hello 啦?

恐龍仔推開個電話!

再試.. 飛吻呀!

遠方應該聽唔到..

恐龍爸唔多高興.. 個仔咁, 恐龍媽都無乜計, 佢依然含住啖飯!

唉~ 再試啦.. 都係推開!

最後收線啦.. 仔呀, 你老爹掛住你架!

可能爸爸一個星期都有一兩晚唔返嚟食飯, 就算返都可能响恐龍仔臨瞓先返到, 再加上嫲嫲响度, 佢話唔掛住爸爸喎~ 大件事!

 

Story time ~ 呢隻仔又講數喇! 媽媽話3個故仔, 佢話100個! 之後講到5個..

但係到媽媽講到第二個時, 佢搶走咗本書, 話要講俾媽媽聽喎.. 好啦! 佢好認真咁講咗一頁 (兩行中文, 字偏細) 得個"捉"字唔識讀!

之後開始唔正經喇, 咁搞法, 點都講唔完架喎? 唯有"搶"返本書啦.. 搞咗一大輪, 終於完成任務.. 係5個故仔! 收工!

恐龍仔: 我要媽咪陪.. 唔要Auntie!

又出呢招! sorry, 媽媽好攰呀, 坐唔到咁耐, 好辛苦架!