今朝3點.. 聽見外面有聲.. 工人開燈沖水~ 唉! 自從入冬之後, 呢隻仔又食返夜奶!
5點~ 被d怪聲嘈醒咗.. 聽真d, 有人仔喊喎~ 頭先至飲完奶, 搞乜?
出去睇睇~ 喊得好慘慘喎! 工人已經安撫緊呢隻喊包, 媽咪嚟到, 當要要錫返先啦.. 3秒就收聲! (都好~ 起碼証明自己對隻恐龍都好緊要嘅!)
佢話床上隻大恐龍蝦佢!!
再氹吓.. 又喊幾聲, 之後總算瞓返落床.
但係就一定要捉實媽咪隻手, 郁吓都唔得! 咁點呢? 兩個大人都無得瞓喎, 完全唔俾走!
仔~ 如果你乖乖地唔嘈住爸爸嘅, 我地去大床一齊瞓啦!
隻恐龍不停咁講嘢! 又想同d Miffy玩~
唉~ 轉地頭, 去客房啦!
都係唔得, 佢話: I don't want to sleep! I want to play!!!
好~ 你同auntie玩啦, 媽咪要瞓覺喇!
最後.. 7點幾, 當媽媽起身, 發現隻恐龍喺自己張床瞓緊!
都話你最鍾意蝦媽咪架啦!!!
晴晴咪係一樣 生飛滋, 唔肯食, 就算食都唔多, 睡前奶吃了12-13安都唔夠, 平時她5點幾吃完飯, 到8:00我們吃飯時會再吃, 10:30飲奶睡覺, 現在食得少, 半夜嘈要奶奶, 晴爸又唔準, 一晚都睡唔好, 晴爸睡自己房當然沒有問題, 但我和姐姐都是勁醒瞓的人, 一聽到隻豬叫, 又醒, 好多時姐姐費事麻煩, 開奶比晴就算, 大家有覺好瞓
回覆刪除豬弟放完聖誕假都作反... 上星期晚晚3點5點咁喊! 一晚話要食麫包, 一晚話要飲奶, 一晚話要洗白白... 真係人都癲
回覆刪除係咪冬天d 被重左, 所以發惡夢? sasa 早幾晚都有發惡夢, 話見到有怪獸喎~
回覆刪除