麻煩人!

呢隻恐龍, 每逢週末就作怪!

星期六, 恐龍爸有嘢做, 恐龍媽又好早醒咗, 食咗d嘢仲想瞓多陣, 搞咗一輪10點同隻仔去街街啦~ 佢話去圖書館! 响shuttle bus遇到吉吉同daddy, 佢地去遊樂場喎~ 於是恐龍就話要去遊樂場!

等我地買+食完塊蔥油餅 (yummy!) 去到遊樂場見唔到吉吉, 玩吓個細仔區再行去大仔區, 跟住就去咗睇植物喇! 同佢講要觀察植物嘅外型特徵, 佢就只顧搵標籤名牌! 連大紅花都唔識!

幾經辛苦, 終於離開公園, 排隊等小巴返屋企.. 恐龍仔開始喊: 唔要返屋企! 我要玩多一陣! 唔要下次再嚟!!!

唉~

落小巴之後, 開始唔願行, 仲要响過馬路嘅位, 即係唔可以行咗去唔理佢! 又喊~

仔呀~ 你阿媽我抱唔到咁多喇!

-------------------

星期日, 放咗音樂堂, 佢話要去遊樂場玩.. 好啦! 不過媽媽又要充電先! 我地買咗prezel 同埋lemonade, 原來恐龍都有為食時候, 叫佢試食就當然唔願啦, 但係食過番尋味, 玩玩吓就返嚟搵食! 哈哈~

lunch, 自己食咗兩大隻鍋貼, 少少麵, 原來除咗蔥油餅, 恐龍都鍾意食鍋貼嘅~

去到婆婆度又唔願瞓.. dinner又唔願食飯

唉~ 好在有恐龍爸! 佢用無限耐性, 又再一次搞掂個貪玩嘅仔! 一邊玩一邊食哂碗飯!

要走喇.. 又喊!

----------------

想推介Usborne phonics readers

隻恐龍聽咗兩日都仲係好鍾意, 一路聽一路笑, 仲想要多d, 但係媽媽買咗4本咋.. 睇嚟要搵搵邊度仲有貨.. 平平地嘅~