無playgroup~

今日~ 係交學費, 攞書包嘅日子~

同上次交留位費一樣: 好大好大雨!!!

我地改變策略, 恐龍媽坐的士去學校, 恐龍父子去商場行街街~

去到, 等埋Andrea姐姐~ 我地去揾dino弟弟玩! (Andrea 重覆咗好多次! 佢真係好想同dino玩! 仲有~ Andrea好鍾意拖實恐龍媽!)

去到酒樓, 兩個小朋友都好乖, 恐龍仔都食到一碗仔粥.. 仲好想好想食春卷!

臨走~ 恐龍仔濕濕!!!! 唉~ 第一次响街出事呀!

跟住~ 當然係換衫啦... 鞋都濕哂呀!

我地响商場玩咗一陣先走.. Andrea好鍾意同恐龍仔玩, 追到實~ 而恐龍仔就想走, 但走唔甩! 玩玩吓~ 又好似開始鍾意同小朋友玩咁喎~ 兩隻嘢又跳又跑, 仲玩火車頭呀!

去到婆婆度~ 唔願瞓, 瞓咗一陣又喊醒!

晚飯算乖~ 自己食架!!! 難得難得~

恐龍媽一個其帶恐龍仔返屋企, 一切都算順利..

恐龍仔臨瞓前講咗句: 小朋友病病, 所以無得玩playgroup!

恐龍媽之前解釋過一次, 點解無得上堂, 估唔到佢咁上心, 真係好掛住上堂!

佐敦~ 真係幾遠, 不過~ 無辦法啦! 希望恐龍仔打尖成功啦! (其實唔知要唔要排隊架~ 不過, 應該有人情講嘅~)