又有新玩意

好似好耐無影相喇!

今晚~ 順利影影恐龍仔d新玩意~

首先~ 係用恐龍仔d生日利是買嘅三輪車~ 唔知點解, 最近好鍾意泰山裝!

其實~ 恐龍仔對腳未夠長, 就算坐前d, 都係勉強掂到~

今日~ 仲玩咗一陣摺紙.. 响張新枱度~ 又玩咗陣dino eggs

~係呀! 係恐龍仔攞住小恐龍.. 執返d恐龍蛋呀! (呢set嘢係教小朋友 用筆/分顏色/數數字 架! 响信義新光三越買, 幾百蚊港紙架!)

呢排~ 真係買咗好多嘢! 再次多謝Auntie Caroline 同嫲嫲嘅大利是! 恐龍仔有新車同新枱玩! 仲有恐龍爸碌咭嘅恐龍蛋玩具! 諗咗一輪先捨得買, 不過真係幾好玩!

今晚~ 仲有一樣嘢好特別, 就係叔叔自己上咗嚟攞嘢, 恐龍仔臨瞓見到叔叔, 識得自己叫人呀!!! 仲要同叔叔玩添!

-----------------

恐龍仔成日掛住去playgroup, 落樓又行去會所上堂嘅地方... 唉~ 可惜會所取消哂之後嗰幾堂啦... 恐龍仔真係好掛住Sam Sir呀!

點好?