2009年6月28日星期日

參加講座嘅日子

好特別嘅日子~

今日, 參加咗一個行業內嘅會, 有講座有展覽睇嗰d。

我一路都知, 大學同學VW, SC分別做咗唔同美國公司嘅香港區division head, 參加呢d展覽會, 除咗聽書, 其實都係同舊朋友舊同事聚舊嘅地方.. 估唔到, 另一位舊同學SL又轉咗少少field, 去咗J公司做, title 好得人驚, 係Country leader Hong Kong!

唉~ 個個都咁叻! 好在~ 個個都係男同學, 俾佢地叻哂喇! Whahahahah~

難得機會碰頭~ 好一個難得嘅組合~ 呢三間大廠嘅阿頭同我呢個薯仔嚟咗個大合照!

仲有~ VW個仔仔竟然會係恐龍仔個同學仔!!! 佢大恐龍仔兩個月, 我地見過一次面架喇, 不過嗰時兩隻嘢都仲未識行..

返到屋企, 將奇遇話俾恐龍爸聽~ 佢怪我多口呀! 因為~ 我話應該會繼續讀落去, 就算St. Cat收都唔會讀~ (嘩~好大口氣咁!)… 我對阿仔有信心~

其實, 响媽媽心目中, 恐龍仔唔係因為佢識幾多嘢所以叻~所以對佢有信心! 而係~ 對佢嘅特質/性格/優點有信心~ 呢樣嘢, 又係要多謝Sam Sir! 响pg咁耐, 見到好多唔同嘅小朋友, 大過幾個月又有, 細過嘅都有.. 上咗成年喇, 見到恐龍仔同其他小朋友有d唔同, 成日都覺得佢好特別.. 唔識點形容, 但係Sam Sir 會話: 我明! 我識咗恐龍仔咁耐, 當然了解佢啦! 呢個仔去到邊都會有老師錫, 間間學校都想收呢d仔, 不過收唔收就好睇面試時表現喇!

嚟緊考K1, 相信都未必可以輕鬆面對, 因為聽聞學校好遲先通知家長升唔升到K1~ 希望~ 學校嘅老師都識得欣賞恐龍仔啦!

2009年6月27日星期六

無playgroup~

今日~ 係交學費, 攞書包嘅日子~

同上次交留位費一樣: 好大好大雨!!!

我地改變策略, 恐龍媽坐的士去學校, 恐龍父子去商場行街街~

去到, 等埋Andrea姐姐~ 我地去揾dino弟弟玩! (Andrea 重覆咗好多次! 佢真係好想同dino玩! 仲有~ Andrea好鍾意拖實恐龍媽!)

去到酒樓, 兩個小朋友都好乖, 恐龍仔都食到一碗仔粥.. 仲好想好想食春卷!

臨走~ 恐龍仔濕濕!!!! 唉~ 第一次响街出事呀!

跟住~ 當然係換衫啦... 鞋都濕哂呀!

我地响商場玩咗一陣先走.. Andrea好鍾意同恐龍仔玩, 追到實~ 而恐龍仔就想走, 但走唔甩! 玩玩吓~ 又好似開始鍾意同小朋友玩咁喎~ 兩隻嘢又跳又跑, 仲玩火車頭呀!

去到婆婆度~ 唔願瞓, 瞓咗一陣又喊醒!

晚飯算乖~ 自己食架!!! 難得難得~

恐龍媽一個其帶恐龍仔返屋企, 一切都算順利..

恐龍仔臨瞓前講咗句: 小朋友病病, 所以無得玩playgroup!

恐龍媽之前解釋過一次, 點解無得上堂, 估唔到佢咁上心, 真係好掛住上堂!

佐敦~ 真係幾遠, 不過~ 無辦法啦! 希望恐龍仔打尖成功啦! (其實唔知要唔要排隊架~ 不過, 應該有人情講嘅~)

2009年6月25日星期四

Free Resources

幼兒線條練習/填色

http://www.first-school.ws/theme/handwriting.htm
http://www.hkkids.com/download/main.htm
http://abcteach.com/directory/fun_activities/dot_to_dot/
http://www.senteacher.org/Worksheet/16/Handwriting.xhtml
http://www.kidslearningstation.com/preschool/pattern-worksheets.asp
http://www.scribd.com/doc/6961513/Motor-Skills-Cutting-Tracing-1

www.highlightskids.com
www.starfall.com
www.cbc.ca
www.kidzone.ws http://www.coloring-book.info/coloring/index.php

http://abcteach.com/directory/fun_activities/dot_to_dot/

http://www.kizclub.com/activities.htm

http://www.coloring.ws/coloring.html

http://abcteach.com/directory/fun_activities/dot_to_dot/

http://www.classroom.com.hk/weblink/c%2Dprepri/

2009年6月24日星期三

又有新玩意

好似好耐無影相喇!

今晚~ 順利影影恐龍仔d新玩意~

首先~ 係用恐龍仔d生日利是買嘅三輪車~ 唔知點解, 最近好鍾意泰山裝!

其實~ 恐龍仔對腳未夠長, 就算坐前d, 都係勉強掂到~

今日~ 仲玩咗一陣摺紙.. 响張新枱度~ 又玩咗陣dino eggs

~係呀! 係恐龍仔攞住小恐龍.. 執返d恐龍蛋呀! (呢set嘢係教小朋友用筆/分顏色/數數字架! 响信義新光三越買, 幾百蚊港紙架!)

呢排~ 真係買咗好多嘢! 再次多謝Auntie Caroline 同嫲嫲嘅大利是! 恐龍仔有新車同新枱玩! 仲有恐龍爸碌咭嘅恐龍蛋玩具! 諗咗一輪先捨得買, 不過真係幾好玩!

今晚~ 仲有一樣嘢好特別, 就係叔叔自己上咗嚟攞嘢, 恐龍仔臨瞓見到叔叔, 識得自己叫人呀!!! 仲要同叔叔玩添!

-----------------

恐龍仔成日掛住去playgroup, 落樓又行去會所上堂嘅地方... 唉~ 可惜會所取消哂之後嗰幾堂啦... 恐龍仔真係好掛住Sam Sir呀!

點好?

2009年6月23日星期二

荷花出版: 全港幼稚園入學天書 - 幼稚園精選 2010

恐龍媽有日見到.. 訂呢本書加<選校指南>, 有7折 (唔記得實數喇~) 於是.. 訂嚟睇睇~

收到coupon 兩三個星期, 終於記得叫恐龍爸去攞..

攞起呢本所謂天書.. 真係有d失望架~ 因為佢提都無提KM!

其他內容~ 好多廣告囉~ 如果家長一d idea都無, 都有d參考作用嘅~

至於<選校指南>, 其實之前都買過(2008年版!), 所以都係想攞d update少少嘅資料~ 呢本係幾好嘅handbook, 不過你預咗其實上網都會好易搵到相關嘅資料囉!

2009年6月22日星期一

閱讀計劃

响討論區發現.. 原來有小朋友嘅閱讀計劃..

search睇吓, 原來仲有reading club!

可惜閱讀計劃係俾4-9歲小朋友嘅.. 仲要寫閱讀報告!!!!

讀書會 , 閱讀計劃

申請圖書証~ 好似無年齡限制喎... 等恐龍仔都申請返張先!

2009年6月20日星期六

大曳人!

恐龍仔今日唔乖.. 响圖書館周圍走, 走甩幾次, 明明講好企定定都走開.. 仲俾lift門撞到! (痛痛~ 媽媽仲要俾個阿伯鬧! 然後恐龍仔當然又俾媽媽鬧啦~)

返到屋企~ 媽媽煮飯俾恐龍仔食, 差唔多食得~媽媽行出廳, 恐龍仔話要shsh.. 抱上手, 發現褲仔濕濕, 但係見唔到"水"?!

原來有人識得用大cushion擋住sofa水跡!!!

順手洗完白白先食飯啦.. 最近都係食咗好少飯, lur到一地都係!!!

輪到爸爸同媽媽食.. 恐龍仔竟然放媽媽部手機落茶杯度! 反咗杯茶~好彩唔熱咋!

(手機... 唉~開唔着喇!)

---------------------------

以下.. 係恐龍仔同媽媽嘅對話:

恐龍媽: 你要唔要雪糕呀?

恐龍仔: YES~ (好堅定咁講!)

恐龍媽: 咁好啦~ 食少少啦~

恐龍仔咳咳!

恐龍媽: 小朋友~你咳咳呀?!

恐龍仔: yes~

恐龍媽: 咳咳唔食得雪糕架~ 媽媽咳咳~ 有無得食呀?

恐龍仔: no~

恐龍媽: 咁bb仲有無咳咳呀?

恐龍仔: no more!

----------------

瞓晏覺, 喊醒~ 原來撞到鼻樑! (唔明!)

去到公公婆婆度~ 打爛公公隻碟!

晚飯~又係食少少...

------

扭抱~ 扭足一日!!!

豬流感

好多時~恐龍媽對一d医護topic有自己一套見解.. 好多時, 同恐龍爸會有爭辯情況出現!

豬流感, 由最初決定唔插班, 恐龍媽其實唔多願意, 只不過知嘅嘢實在太少, 有咩事擔當唔起, 所以無出聲..

今日睇到區樂民嘅文章:

緩疫問題一大堆

人類豬流感出現後，本港的衞生和醫療部門都很努力，我萬分感激他們。
隨着資料逐漸增多，醫學界很多人相信，人類豬流感的傳染性高，但殺傷力低，跟一般流感差不多。好些問題開始在我腦中湧現。
對於一般流感病人，我們不會把他們隔離。為甚麼我們要將人類豬流感患者送進隔離病房？如果病人不願入院，當局會否運用法律強制送院治理？
基於病毒的傳染性高但殺傷力低，有專家合理地推測每發現一宗確診個案，其實有十宗走漏了眼。那麼，把屬少量的確診個案送入醫院，對「緩疫」有重大幫助嗎？
另有專家說，人類豬流感病毒有可能變種，將來的殺傷力或許更大。若是這樣，我們應否趁病毒溫和時先感染一下，讓身體產生抗體對付他朝變惡的病毒呢？
雖然有許多問題，但我是個服從的人，我會乖乖地戴口罩勤洗手，保持身體健康，以免加添醫護人員的壓力。（區樂民）

哈哈~就係傳染性高，但殺傷力低，跟一般流感差不多喇!!!!!

新聞報導, 有學校取消畢業營, 不過家長自己搞!

其實, 年年都有流感, 係咪年年都放假先? 之前覺得美國咩都唔做,好差咁~ 其實係做好多嘢, 成效只係推遲個高峰..處理上係件好事, 但係家長就為安排照顧同埋$$方面好唔開心!

恐龍仔..雖然無返學, 無去人多嘅地方(坐吓MTR/巴士都有), 5月尾病咗一次, 早幾日又發高燒 (已經好返喇!), 大人個個無事! 医生話, 我地鍾意嘅~可以去check check!

咁~ 人就自然會病架喇!

2009年6月18日星期四

睇書睇到喊

之前, 响書局買咗幾本Disney Level 1-2 嘅Readers~

呢日, 恐龍爸响屋企.. 陪恐龍仔睇書, 又攞起Nemo..

Nemo好貪玩.. 點知俾人捉咗, 唔見咗爸爸!

恐龍仔每次讀到Nemo揾唔到爸爸就會扁咀..想喊! 然後.. 又要tum一輪, 順便教佢出街要跟住爸爸媽媽~

-------

到底, d英文佢明幾多?

似乎比想像中更多!

-----

搵到呢套書嘅website : Step into reading 都幾好咁喎~

Step 1: Ready to Read (Preschool–Kindergarten)

Big type and easy words
Rhyme and rhythm
Picture clues
Step 2: Reading with Help (Preschool–Grade 1 )

Basic vocabulary
Short sentences
Simple stories
Step 3: Reading on your Own (Grades 1–3)

Longer sentences
Engaging characters
Easy-to-follow plots
Step 4: Reading Paragraphs (Grades 2–3 )

More challenging vocabulary
Short paragraphs
Exciting stories
Step 5: Ready for Chapters (Grades 2–4 )

Chapters
Long paragraphs
Full color art
Phonics, Writing, and More

Learn to read and write Step by Step with our new leveled Write-In Readers. Plus, crack the code of phonics with Phonics Boxed Sets!

2009年6月16日星期二

恐龍妙語

男仔講嘢真係慢過女仔架!

雖然話已經兩歲幾, 恐龍仔嘅對答都只限於YES or NO! 又~可能我地又講英文又講廣東話啦.. 真係唔知有無關係呢?

不過~久唔久都會有d驚喜架!

~ * ~

有日~ 爺爺嫲嫲帶恐龍仔去海洋公園, 上咗纜車.. 當架纜車飛出去之後.. 恐龍仔講咗句:

Like a bird, flying in the sky!

~ * ~

最近, 恐龍仔見親爸爸著短褲對飛毛腿, 就會話:

爸爸有毛毛~ 媽咪無毛毛!

~ * ~

有日睇婆婆去旅行d相, 有d女仔跳緊舞~ 恐龍仔話:

They are dancing~

~ * ~

其實~ 佢有樣嘢好, 就係大部份時候都好肯跟人講嘢 (對住陌生人例外~) , 不過, 未必識自己用返~

整體而言, 恐龍仔鍾意講英文多d, 用到完整句子, 不過答問題就弱d!

模仿能力好強, 恐龍媽攞住小恐龍一齊執嘢, 恐龍仔會攞住另一隻小恐龍一齊執!

到依家都仲好鍾意大人抱住跳舞, 轉~ 拋起~ 飛飛!

繼續熱愛唱歌, 指住歌詞讀/唱! 拼音能力就一半半啦.. 基本上如果有mood, 攞起乜都會讀一歺, 依家睇緊readers..

2009年6月15日星期一

彩虹鈴

等我都花少少時間summerize返彩虹鈴嘅資料先!

<--- 資料圖片for reference only

BK post 可以睇睇其他媽媽點訓練絕對音感~

七彩手鈴是專門為幼兒設計的手鈴樂器。彩虹七色設計讓小朋友從顏色認對的方式開始學習，從而輕鬆地奏出動聽的樂曲。

學習手鈴的好處
奠定音樂基礎的好開始
手鈴訓練著重手，腦，眼，耳的配合，能幫助小朋友培養專注力，為將來學習其他樂器奠定穩固的音樂基礎，培養團隊合作精神。

手鈴是一種合奏音樂，小朋友能在群體中互相配合共創美好音樂同時也是學習溝通的一個好方法。

三之三文化的<嬰幼兒智能提昇秘訣>

教學宗旨:
現在，很多家長把孩子送去補習

班學習外語，卻很少有家長能預先想到：孩子是否具備了良好的學習基礎？一般沒受過聽覺智能提昇訓練的孩子，因為缺乏優越的語音和腔調辨別力，學起來常顯得很吃力，往往學了好幾年，說起外語來還是帶著本國語的腔調。
其實，腔調就是一些差異不大的音符所組成的「音樂」而已；有絕對辨音能力的孩子，即使是差異很小的兩個音，也能分辨出來，在學習語言時自然較能掌握準確的腔調。
美國研究聽覺智能生學的科學家，在1989年了一項研究，發覺絕對辨音這個能力，有所謂的「學習窗口」，必須在窗口尚未關閉之前培養，否則就再也學不來了。那麼，絕對辨音的學習窗口會在幾歲關閉呢？答案是六歲。所以，要培養這個能力，必須在六歲以前起步。
絕對辨音的學習在0~6歲之間，而最佳學習年齡是6個月至3歲之間，做父母的必須把握住這個黃金學習時段，一方面陪著孩子學習成長，另一方面在不斷的親子互動中，讓親情滋潤著共同的心靈！
訓練方法:
玩的時候，在這17個音裡任選一個，例如中音的D，在寶寶面前敲一下。然後告訴他：「是中音的D。」停個兩三秒，再重複做一遍。同樣過程連續做30秒，每天最少玩三次。
一個音教過10次後才換教另一個音，直到17個音全部教熟。注意做完活動後要將絕對辨音器收起來，不要讓孩子把玩。
這個活動認真做，快則三四個月，慢則六七個月，就可以把孩子絕對辨音的能力培養起來，以後學外語會易如反掌，佔盡先機，如果將來想往音樂方面發展，也有了紮實的辨音基礎。這項活動對提昇聽覺智能有非常大的幫助，宜儘早開始。
要特別提醒您注意的是，在說每一個音名時，一定要說辨音器上所標示的「絕對音名」：例如「中音的C，中音的D升半音，高音的D……」等，這也是正統音樂樂理上的音名。千萬不要唱成「Do，Re，Me，Fa……」，因為這種唱法不是「絕對」的；好比中音F，在C調時它固然唱成Fa，但在F調時它就要唱成Do，這樣寶寶將會無所適從。
接下來我們可以玩兩個音的組合遊戲。玩的時候，你先選定兩個音，隨意選就好，例如選出「中音階的E」跟「高音階的C升半音」；兩個音各敲一下，然後告訴他：「這兩個音是中音階的E，跟高音階的C升半音。」像這樣重複個五、六遍，失30秒算一次。
整個過程只奏這兩個音，10次以後再換另外兩個音。17個音可有很多種組合，照這樣反覆不斷地玩，孩子對每個音都會聽得很熟，絕對辨音的能力就培養出來了。我在bb只有3個月大時,參考卡爾威特的彩色吊鈴,都買了set類似的比bb睇下色彩&聽下不同音調.不過就唔算係訓練佢絕對音感.
果時又睇到一d對絕對音感的研究, 大致上係擁有絕對音感,相對某一d腦的功能有別於人,是好是壞,仍待相確...:
http://homepage.ntu.edu.tw/~gim/gia/pub/ap05_p.pdf
於是,又沒有好認真開始囉~

不過,而家我又想訓練了...因為過了學習window就很難再訓練到嘞！　正如我之前所講,我覺得女兒對文字不太敏感,也不太有興趣.現在亦然! 成長中,越來越覺得佢嘅語言能力好高,想計劃下幫助發展女女的長處,就以訓練聽覺著手吧!
我就係諗到佢地可能會"攪攪震"多過聽呢個問題, 想睇下大家有冇d咩好方法或經驗.

如果唔用辨音器, 我見有生產說專for訓練絕對音感的"音磚", 佢同辨音器一樣,只不過是可獨立拿出來, 咁教果個音先拿一個note bar出來唔知會唔會易控制d呢?

本想買音磚作訓練之用,但關於音磚,還有一個考慮因素...網上有人說:
音磚:
將每一音板固定於一個盒子上方,盒子的作用為共鳴用,它將每一個音做放大效果,所以如果為8音音磚,他則有8個音板分別固定於8個音箱上方,也由於每一音皆須有一個音箱,故其單價相對較高!!
鐵琴:
將數支音板固定於1個基座上(一般為木製)成排列狀,以8音鐵琴而言,8個音固定於同一基座上,其製作成本相對較低,單然單價較低了.
如果以上講嘅"共鳴"係同鋼琴的共鳴作用是類同的話,所產生的聲音係會比較渾圓柔和，咁ｂｂ會比較難辨認這種頻率。

2009年6月14日星期日

選校攻畋------- 熱門學校 (三)

淨係想講講收K2嘅...

CCKG~ 一間無K1嘅KG, 得高班同低班, 出名入DBS/DGS嘅比率極高! 畢業生富獨立思考能力, 非常smart, 有膽色!

application~ early Nov, 留意11月1日嘅SCMP or 問學校~ by hand only, $30@, 2009年會係11月2日,星期一, 9-11am (幾寸喎~)

CCKG一定要學生獨立，不怕陌生人，因為面試要單對單進行，家長不可以陪伴入內，如果小朋友喊，收的機會很微！

面試全英文, 內容都係顏色圖型, 重點唔係小朋友識唔識~ Mrs. Fielding仲會請小朋友食糖!

聽說此校一向喜歡由爸爸帶孩子面試

教學語言係英文, 有中文堂, 無普通話, 有默書, 課程較KV淺

Do you know if the curriculum in CCKG is easy, just right, or difficult (I mean very "koak")?
{Definitely not "koak". Whether it's just right or easy will depend on with which kindergarten you will like to compare it with. It is definitely easier than KV}.

Is that a traditional way of teaching or the modern one like Victoria?
{traditional}.

Will kids learnt a lot or just play most of the time in school?
{The kids do learn, but the syllabus is not too transparent. Other than chinese, where they have to do writing everyday, they don't have any maths
or english homework at all, although they have readers to take home to read.}

apart from English, what's the "strength" that the kinder can nuture to most of the kids?
{Independence - parents are not allowed up in the classroom, so they are pretty much on their own since day 1. Also, because the children stay together for 2 years, they develope quite a strong bonding amongst themselves. It's a small school so the teachers know everyone of them.}

any extracurricular activities arranged by the school for the kids?
{they have a number of outings, eg. visits to Kadoriee Farm, Ocean Park, HK Park..etc. and sports day.}

Are most of the teacher strict and cool or warm and caring?
{Some are really nice and caring, but there are a few who are very strict.}

入讀小學: DBS/DGS/SPCC/Ying Wa 等等嘅名校!!!!

想入CCKG, 唔一定要讀St. Cat, 有家長話, 好多同學仔from York/think/hkps/vitoria

嘩~ 睇完一大堆料, 真係要好好考慮會唔會報! actually~ DBS都唔係恐龍媽杯茶 (有童年陰影呀!)

2009年6月13日星期六

puzzle迷

尋晚等恐龍仔瞓咗~ 恐龍媽去咗千色百貨買咗盒puzzle, 分別有12/16/20/24塊共4副

今朝揾出嚟玩.. 又玩到唔願出街!! 最後都陪爸爸媽媽出咗街.. 行咗一陣公園..

之後~恐龍媽去咗聽一個講座.. 然後去咗忠僕號~ 買咗d書.. 買咗一大張世界地圖!

不出所料~恐龍仔對唔同嘅國旗好感興趣, 佢識得(South)Africa, Asia, America etc (多得OZMO啦!) 都睇咗有半個鐘呀!

臨瞓, 同被被玩咗一陣(至愛!!!)叫佢擦牙竟然喊喎! 上咗床都有15分鐘喇~仲聽見佢大叫!!! 唉~咁大個仔仲係唔願瞓!

無修!

2009年6月12日星期五

砌puzzle ~ 挑戰100pcs?!?!

呢副puzzle~ 係公公同恐龍媽分別去開Disney戶口時返嘅.. 兩年都有喇!

100pcs~ 其實無諗住開架!

不過見恐龍仔玩咗幾日副7pcs, 唔抵得..咪攞出嚟教佢玩囉!

~80%係恐龍媽砌嘅~ 唔駛驚!

恐龍仔依家識講: 角落頭同埋邊邊

識得攞住個紅色"頭"試吓呢度嗰度啱唔啱~

識得話呢塊葉葉响呢度(指住個盒)

今日咁啱响BK見到有個媽媽話: 小朋友3歲10分鐘砌到90塊嘅puzzle

另一個話: 佢個仔都好叻.. 可惜有自閉症!!!

專家話係咁架喎~ 呢d小朋友砌puzzle好叻!

恐龍仔仲未肯同其他小朋友玩呀! 不過.. 唔會掛!

最近~ 鍾意返玩腳趾同食腳趾呀! dirty~

(陪相機俾恐龍爸用過就係咁~ 恐龍媽唔識較返, d色古古怪怪~)

2009年6月11日星期四

選校攻略 ------- 熱門學校 (二)

上一回提咗兩間熱爆嘅幼稚園, 都無提到, 其實大量生產型嘅學校並非我杯茶!

FYI~ data from 幼稚園概覽2008 for 2007年度

St. Cat (兩間) - K1 共694人

KV - K1共625人

KM - N1 124人; K1 114人

HKPS (kln tong) - N1 85; K1 72

HPKS (ascot) - N1 93; K1 96

Baptist U - K1 83

學之園/LH (海逸) - N1 50; K1 55

學之園 (凱帆) - N1 75; K1 59

學之園(青衣) - N1 69, K1 69

維多利亞(何文田) - N1 89; K1 74

Think (Kln tong) - K1 32

Creative - K1 69

CCKG - K2 84 (2009 K2, 108)

創價 - K1 189

嘉德麗 (第一城) - N1 62, K1 115

Boxhill - N1 50, K1 50

Think (MOS) - N1 46, K1 38

當然~ 太多喇, 未能盡錄~ 而呢d大部份都幾熱門架.. 不過多數無學卷~

呢兩間超級工廠, 年年生產出過千學生, 要幾多間小學先可以收哂佢地嘅畢業生呀?! (等我做個簡單計算: 如果一間小學開6班, 每班30人, 而平均收20%兩間大廠畢業生, 咁... 要36間小學囉! 就算extreme d, 收50%都要14間小學呀!!! 所以如果你發現心儀小學收好多呢兩間嘅畢業生, 一d都唔出奇, 因為佢地人多! --- well, 叻d都可能係嘅~ 不過其他KG嘅畢業生唔係無機會架!)

當然, 有需求~佢地先有咁多學額.. 不過, 如果KG已經一班三十幾人(3個老師), 照顧會唔會爭d呢?

有家長提過: KM响個別學童照顧上好細心, N1 day 1都堅持唔好著片返學, 學校寧願抹地換褲!!! 唔似有d名校咁, 跟本唔care, 你最好著片添! (康傑~恐龍仔買齊哂校服嗰間~ 就話帶spare片, 帶兩套衫返學, 學校會教, 不過純粹睇對toilet training嘅態度, KM真係~~令人印象深刻! 希望其他方面都咁caring就好喇!)

想提一吓:

創價個視學報告very good, 值得想揾學卷KG嘅家長考慮 (不過聽講都係活動教學型)

嘉德麗有樣好出名嘅嘢, 就係要小朋友背弟子規!

Boxhill响沙田/馬鞍山幾出名架~ 國際課程~

KM/LH/HKPS 近年都幾熱門, 競爭唔會細過嗰兩間工廠!

浸大~ 先兩年做得唔錯, 好多人爭! 不過2008年頭聽聞有人事變動, 大換血! 本來有個响浸大做嘅媽媽話過, 如果KG嗰邊玩完politics會通知恐龍媽, 不過一路無聲氣~~ anyways, 都係活動教學!

2009年6月10日星期三

選校攻略 ------- 熱門學校 (一)

恐龍媽只係想將响討論區見到嘅嘢, 放埋一齊, 做個summary~~~ 所以有可能會不停update架!

再講多次: 想了解一間學校~可以看看佢嘅網頁, 同埋教育署嘅概覽~ (有學費/什費/學生人數等等嘅資料, 部份學校亦會提供教學理念等等嘅資料供家長參考)

首先~ 如果想了解HKPS同埋KM, 可以睇返之前嘅網誌..

St. Catherine vs 根德園

放St. Cat响首位~ 因為佢真係好多人心目中嘅no.1~

理念是以「兒童為本」

促進幼兒在德、智、體、群、美各方面獲得全面的發展

讓兒童在學前階段對兩文三語有穩固的基礎

為兒童進階小學作好準備

除了認知和語言基礎, 更重視兒童良好的道德思想，從幼兒期就給予他們充份的自由和機會去發展邏輯性思維和判斷能力，培養他們的自信和獨立自主能力。

好多時d人會將 St. Cat 同根德園比較, 呢兩間係有好多年歷史嘅學校, 入名校比率高 (又~ 唔知係咪因為揀得呢d KG都係會報出名小學嘅人, 而且佢地一年幾百人畢業.. 好幾間小學都收唔哂佢地d畢業生!!!) , 呢兩間KG, 幾乎所以報得九龍塘嘅家長都必報, 競爭大, 不過三幾千收六百, 唔算太難 (compare with 有d 一千收一百嘅學校)~

根德園 (KV)~ 比較"老套"d, 連網頁都無! 係傳統要坐定定嘅學校, 無乜出外嘅活動 (响概覽度又話有參觀活動喎~ 神奇!) 甚至internal活動都少! 因為呢間KG無親子活動, 對好多要返工嘅媽媽可能係件好事; 無NET, 出名中文數學好强, 課程出名深, 英文較弱, 學生有禮貌有紀律, 老師有辦法令活躍小朋友知道要坐定定上堂! 功課, K2每日3份, 讀緊嘅小朋友唔覺辛苦 (當然亦聽過有人要quit啦), 家長唔會太知上堂情況, 同時下其他KG比, 真係好黑箱架! 因為佢太封閉, 想知多d就要問返讀緊嘅小朋友/家長!

好多comments話如果小朋友活躍嘅, St. Cat 會啱d, 不過都係要睇家長想唔想小朋友習慣咁多紀律喇~ 有人buy~ 不過呢度有少少個人嘅睇法: discipline kills creativity! 我相信根德園應該係一個typical 嘅極端 (at least 聽落似~), 唔係想玩活動教學, 都唔等於要咁細就磨圓哂佢地d角架?! we are looking for something in-between~ 到底有無呢?

而St. Cat ~ 就有NET, 活好多! 有親子活動有出外活動 (e.g. 响BK見過, 佢地响學校門口數車), 每年畢業生比KV略多, 英文強而中文較弱, 其他方面評價非常好! 都係讀傳統名校嘅小朋友常揀嘅KG~

(update @OCT2009: application form 先到先得,11 Sept公報detail, 12號寄出都會收到form, 但係遲咗就無.. 估計有4000多件form寄出)

睇落~ 除咗中文差d, 其他文面好吸引! 但係想講講: 中文比英文難學, 想搵人補習英文或者自己搵教材都唔難, 但係如果你想自己教好中文, 呢樣嘢可能對好多家長有一定難度囉! 恐龍媽自己就無信心教好中文喇!

有人話~ 劍鳴係兩者中間... 係都唔錯架!

玩拼圖

今晚玩同一塊拼圖(7pcs)玩咗超過十次..

恐龍媽問恐龍仔: 玩其他嘢好唔好呀?

恐龍仔: NO!

恐龍媽: 你想自己玩定同媽咪玩呀?

恐龍仔: 自己玩~

基於唔好阻礙孩子"工作", 要俾佢盡情咁做過夠...

連過嚟探孫嘅爺爺嫲嫲都好識做, 話唔好搞住佢, 隨得佢自己玩! 到爺爺嫲嫲走..

恐龍仔: goodbye everybody!

恐龍媽: 咁媽媽駛唔駛走呀?

恐龍仔: NO~

最後, 恐龍媽一邊寫blog.. 阿仔就繼續努力!

2009年6月9日星期二

恐龍party!

wahahahaha~ 好開心嘅一個晚上!

呢排揾返唔同size嘅恐龍出嚟, 嗰日去東坪洲嗰隻係中碼, 平時陪瞓嗰隻係大碼... 今晚揾哂四隻出嚟認大中細~

估唔到~ 恐龍仔玩得好開心, 仲玩排隊隊添!

仲有唔同花式...

總之就笑死人啦!

絕對係經恐龍仔手嘅傑作!

一邊玩~ 我地一邊聽mother goose歌仔~

恐龍仔不時會跳起舞嚟.. 就係賞心悅目!

2009年6月8日星期一

選校攻略? ------ 邊間好呀?

成日見到有家長响討論區問: 邊間幼兒/幼稚園好呀? 最搞笑嘅~ 見過有個家長好堅持咁問: 邊間學校出名? (!!!!! 出名衰嘅~唔知啱唔啱呢?)

有無發現, 呢d post會有兩個下場: 一, 無人回覆; 二, 好心又得閒嘅人(如恐龍媽)就會問樓主: 你想要d乜先? 我心目中嘅好~ 可能同你嘅好唔同!

家長~ 你應該問自己: 邊間學校適合小朋友呢?

任何人嘅意見, 坦白講, 都唔可能apply to all~ 只有家長最了解你小朋友嘅強/弱點, 最最緊要嘅係: 你想點教!!! 揀一間教學理念一致嘅學校好緊要!

所以~ 首先, 唔該兩公婆傾吓將來會想小朋友行咩路, 讀邊類型嘅中小學, 唔係誇張~ 唔係講笑架! 當然嗰條路可能過咗一排會變, 有新嘅安排, 好似我地咁~ 舊年12月都仲堅持留响屋企附近讀N1, 一月就交咗另一份報名表! 入咗~

呢個係恐龍家嘅思考模式:

國際學校? no way, 每次見到d老豆老母講廣東話, 但係d細路答英文~ 就頭都大埋! so~ 國際課程(IB)? no way喇!

活動教學? 好似好理想咁~ 不過, 聽d小學老師同埋一位小朋友啱啱升小一嘅家長講... 我諗, 都係試咗坐定定先, 唔得先"活動"啦! 如果"活動"開, 坐唔到架喇! 開心3年換嚟漫長嘅痛苦~ 咁就唔好啦! 除非你立定主意要一路"活動"到中學畢業啦! 我地唔想冒呢個險~ 因為未有行呢條路嘅小朋友見到.. 保守d好!

全日班好辛苦? 如果家長都覺得讀書辛苦, 小朋友又點會鍾意返學呢? (正如, 如果家長唔鍾意睇書, 就唔好話個細路唔鍾意囉!) 個人認為: 如果安排照顧上有困難, 就應該返全日班, 唔好以為好辛苦, 其實全日班教嘅嘢同半日班有d分別, 佢地會注重自理能力多d, 會多d時間玩同瞓同食, 所以一d都唔會辛苦!

課程深d好? 呢樣要因應家長要求同埋小朋友能力喇! 肯定深d就唔怕升小一時適應上有問題, 但係小朋友都好adaptive架~ 而且, 0-6歲嘅小朋友好似海棉一樣咁吸收知識, 多d input, 咪等佢自己吸囉! 吸都幾多就幾多啦~ (呢個係hkps嘅approach)

NET? (native english teacher) 市面上~ 好容易搵到d又好又平嘅英語教材, 但係中文呢? 唔係簡體字就係有埋台灣拼音! 而且中文其實難學過英文架! 基於恐龍仔接觸英文嘅機會較多, 我地無專登搵有NET係班主任嘅學校~ 注意: 0-6歲(有d又話0-3)係學習語言嘅敏感期, 想學好就一定要响KG學, 所以近年兩文三語嘅學校好搶手! 有人會擔心小朋友會混亂~ 所以就要搵NET教, 小朋友會學識見人講人話, 見鬼講鬼話喇!

小學呢? 所謂傳統名校, 其實唔一定係傳統教學架喇! 而且, 呢d名校其實係家長"幫助"下繼續培育出一班優秀嘅學生~ 其實恐龍媽唔buy呢套, 不過基於名牌效應, 都可以一試嘅~ 肯定嘅係, 直資名校家長會有錢d囉~ 質素就唔敢講, 有d人有錢但係好無品架! 郁d就出律師信!!!!

ok~ 我地target咗一d九龍塘區嘅所謂名校(for K1), 羊群心態, 多人爭就爭埋一份! 好唔好? sorry, 其實無得比較! 除非有人將對twins放响唔同學校啦..

恐龍媽同朋友媽媽講過一個笑話: 大家唔好成日以為响九龍塘嘅就係名校先得架! 如果康傑都响度開返間, 即刻變名校呀! (唔係想話康傑唔好! 呢間係本來唯一一間我地報咗嘅幼兒園呀! 我地幾鍾意架! 只不過, 對其他人嚟講, 佢可能普通d~ 就好似我地唔會諗迦南一樣.. )

跟住~ 就係睇多d學校同埋有關資料喇!

幼稚園概覽 (有學生人數/全日半日班/有無N1兩歲班/教學理念/學費什費/學卷/網頁等等嘅資料, 好有用架!)

當然~ 要上BK睇吓其他媽媽嘅post, 睇多d, 了解咗, 如果仲有問題嘅先問都未遲!

另外~ 成日見到人問: 有無報名日期/open day嘅list呀?

好心啦~唔該! 有無諗過呢d名單响邊度嚟架? 一早就問, 連個別學校都未知自己幾時接受報名呀! 呢個世界無不勞而獲架! 自己問心儀嘅學校啦! 你鍾意嘅~ 大家好歡迎你share囉!

仲想提多個point~ 就係你會發覺有d學校好多人話好, 客觀而言, 家長話學校好係好正常嘅一件事, 特別係嗰d名校, 佢一年收幾百人呀!!!! 相比有d一年收得一百個嘅, 好評相對一定爭d, 所以唔係有幾多個人讚好就即係真係好! (similar, 唔係某小學收某KG嘅畢業生多就即係佢地buy呢間KG多d, 要睇埋比率先知, 可惜唔係咁易俾大家搵到呢d料.. 不過CCKG嘅學生又真係幾受DBS/DGS歡迎嘅~)

不過~ FYI