恐龍生蛋

從小~ 恐龍仔無便秘問題.. 有~都係未滿月時食A+, 不過真係食雅培咁耐未試過! 平均1-2日就會去一次ng-ng

但係~工人姨姨放假呢幾日, 瞓無定時.. 食就更加日日新鮮, 有時見佢周身痕都唔知係咪食錯嘢~

由星期日生過蛋之後.. 呢幾日雖然有話要ng-ng, 不過次次都係流嘅~

恐龍媽到今日第四日, 有d不安..

好在恐龍爸話: 今晚臨瞓前恐龍生咗蛋喇!!! 仲要係好多添~ (所以今晚唔係幾願食飯.. 頂住肚仔!)

生完蛋~恐龍仔瞓返上床話: 好辛苦~~ (?!?!?!?!?!)

俾支奶佢~ 佢話: AH~ GOOD!

跟住話: 好熱!  (唔熱呀~) 後面好熱!

有時聽到d咁有智慧嘅對話, 真係覺得好搞笑架!

恐龍爸仲報告: 尋日恐龍仔話"好難爬"嘅遊樂場旋轉型梯, 今日已經成功爬到!!!

嘩! 一日千里! 真係睇少陣都錯過好多嘢~