自從上次恐龍爸去泳池游完水, 就成日話帶恐龍仔去玩水..
恐龍媽諗:舊年五月都咁凍啦..四月就落水, 會唔會凍c人架?! 呢排又無乜太陽..
但係恐龍爸話唔凍喎~
咁好啦...見到有少少陽光, 去玩吓啦!
weekday, 個家庭更衣室無人爭, 可以慢慢用, 唔錯!
出到去, 個池真係唔錯, 不過恐龍仔太細喇, sir滑梯之後會飲水! 咩都唔敢玩, 只係好開心咁潑水! 係一路震一路潑!
恐龍爸一路話無嘢...但係阿仔就震到唔停! 好在泳池休息, 我地玩咗10-15分鐘就換衫, 沖返個暖水涼!
---------
飲完茶臨去學校, 見到星仔一家! 咁Q大家都偷懶唔返工?!
去到學校, 要試校服, 恐龍仔見到咁多嘢玩就當然好難搞啦...幾經辛苦, 都係買最細個碼, 雖然著得嗰三個月..
嘩~淨係書包校服+書都要九百幾喇! 仲未計自己出街買嗰兩對百波鞋+一對黑皮鞋!!!!
等恐龍仔午睡後, 我地出咗鑽石山, 响M&S四咗白襪同埋白底衫~
再睇咗幾間鋪唔鞋仔.. 最後買咗d 平嘢..
兩對波鞋分別$129@, 黑鞋就$179~
咁~又駛咗六百幾!! 好在呢d嘢第日响另一間學校都應該用得返~
呢次係第一次買波鞋.. 真係好大對呀!
依家恐龍仔究竟幾時同返邊間呀??
回覆刪除[版主回覆04/09/2009 13:49:00]5月插班响附近嗰間~
9月就出九龍塘~
哦! 9月要衝出馬鞍山..... 好呀不過會辛苦啲囉, 咁即係讀邊間呀? 成日都聽你哋講一堆名校嘅名, 我呢個鄉下阿ma都一舊雲, 可能下年真係要認真啲研究吓, 其實我都買咗本2009-10幼稚園光碟, 不過未有心機慢慢睇, 睇嚟我真開始啦, 唔係阿仔都變埋鄉下仔啦......
回覆刪除[版主回覆04/09/2009 23:01:00]唔好咁講~我都無乜準備下報咗一間咁多..
如果你想有學卷, 其實出面都有好多選擇
搵日影恐龍仔著校服d相貼出來啊
回覆刪除[版主回覆04/10/2009 22:49:00]it's coming~~~