Nursery.. 讀唔讀? 插唔插班?

好耐之前.. 大約係恐龍仔得6-7個月大, 恐龍爸同恐龍媽第一次去睇幼稚園開放日~ 想知道係點嘅, 要expect d乜, 方便第日加深了解..

當日, 康傑嘅老師真係好nice, 好有耐性咁介紹學校, 同埋返全日嘅好處!

因為係工人湊仔嘅關係, 我地覺得見吓其他人.. 應該係好事! 老師仲提到, 返nursery 唔係真係返學.. 其實係學習守紀律同埋自理能力! 對家中稱王多時嘅獨子好有幫助!

之後~ 去過威寶, 可能我地去嘅時間, 佢地將近收工啦, d老師全部睇我地唔到! (咁大架BB車加兩個大人都見唔到呀!) 個個三五成群咁傾計.. 地方就真係唔錯, 不過應該幾多蚊... anyways, 印象太差喇, 已經唔想講話.. 如果讀全日會over-budget!

恐龍爸同恐龍媽後來limit咗目標: 唔要國際班 (因為中文比英文難學! 打好中文底子好緊要!) nursery 要近 (K1先出去讀), 有戶外地方玩, 希望有全日班讀 (如果生多個, 工人要湊細B)

到恐龍仔歲半, 真係要報名喇.. 我地睇埋合一堂, 地方幾大, 不過唔鍾意佢好多樓梯上落.. 唔鍾意佢較"傳統" (感覺上..)

最後~ 2008年10月, 報咗康傑, 因為近, 全日班價錢ok, 有戶外操場, 老師細心, 多活動.. 諗住恐龍仔足兩歲就插班, 新學年轉全日!

插班~ 係想佢唔好成日對住工人, 亦因為佢學習進度似乎較快, 想俾多d 學習機會佢, 見多d嘢! 雖然~ 好多人會話咁早返學好辛苦啫~ 仲話返全日, 嚇親唔少人! 不過~ 恐龍家相信: 學習係開心嘅, 唔係辛苦嘅! 爸爸媽媽都仲返緊學讀書, 學自己有興趣嘅嘢! 學習~ 係終生事業, 一定要make it fun! 連家長都話讀書辛苦, 小朋友當然會話辛苦啦!

至於讀唔讀~ 其實如果係媽媽自己湊~ 唔讀nursery都得, 無問題! 重點唔係返唔返學定辛唔辛苦~ 而係: 記住0-3歲係學習黃金時期, 其次就係4-6歲, 自己湊就要好用心去教, 帶小朋友四圍走! 

但係~ 有時.. 有d嘢未必盡如人意.. 康傑am班响年尾已經full咗! 2009年2月會加開pm班!

另外~ 身邊朋友個個都好似報好多間學校, 又有人話K1嘅競爭仲大, 2007年又多bb出世~ 咁~會唔會更多嘢唔會好似恐龍媽咁諗咁順利架?! 朋友又話~ 讀康傑, 好似有d浪費咗恐龍仔喎..  (呢個又係計劃裡面無諗嘅嘢~ 無諗到恐龍仔可能需要多d深d嘅課程.. 雖然, 人地話康傑都幾深~)

於是~ 我地報咗區外一間心儀嘅學校~ 一間原本諗住讀K1嘅學校! (其實恐龍媽做咗唔多research關於K1.. 呢間係其中一個選擇) 恐龍仔面試表現唔係幾好, 做到到平時識嘅嘢, 恐龍媽嗰刻~好失望! 但係後尾就無諗喇~ 人人都表現唔到平日咁架啦! 算啦~ 等消息啦!

最後~ 係收咗.. 交埋留位費喇!

然後~ 响插班前, 因為工人放假問題, 開學時間延期一個月! 又~ 响開學前, 爆出個豬流感!!!! 諗嚟諗去.. 都係唔好返學住, 睇定d先! 錢財身外物, 買落嘅嘢無用唔緊要, 最緊要有驚無險!

至於9月前仲返唔返.. 好難講, 因為恐龍爸同恐龍媽未達成共識! 恐龍媽唔想俾咁多新環境俾恐龍仔去適應, 仲要係嗰頭適應咗就即走! 又去第二個新環境... 真係好有保留!

尋~ 蕃茄

恐龍仔出親街就話睇呢樣花~嗰樣花.. 第一鍾意嘅係三色堇!

尋日~ 佢又話要睇三色堇, 本來要出公園先有, 但係呢排見到平台另一邊嘅遊樂場附近, 都有一棵.. 於是, 我地向嗰塊田出發!

尋日~ 三色堇無乜精神(就謝咁~) 但係, 我地發現蕃茄仔開始變紅喇!

今日, 再去探蕃茄仔.. 已經見到有好幾個變紅, 最紅最大嗰兩個已經俾雀仔咬過喇 (咁識食呀~)

奇怪~ 三色堇今朝竟然抬起頭~

恐龍仔似乎對蕃茄仔無乜興趣.. 咁~ 不如睇吓木瓜仔啦~ 係呀~ 仲有幾棵木瓜, 開始有幾個細細木瓜仔喇! (之前~ 恐龍仔睇過木瓜樹開花架喇~)

其實~ 平台另一邊, 我地真係好少去, 不過嗰邊多d樹, 仲有一小塊田 (約長闊兩三米左右), 唔知係咪d住戶種架呢~ 呢排春天, 好多花開, 所以就帶恐龍仔去睇杜鵑, 山茶花, 仲有聞桂花香.... 咁至會過去行吓~ 塊田真係幾得意, 平時無乜機會見到呢d植物嘛!

呀~ 真係唔經唔覺行咗年幾晨運喇.. 舊年見到嘅花, 今年又開花, 其中有幾棵不知名嘅樹, 開d好大朶嘅白色花, 今日~終於又見面喇! 舊年講話要影相, 都影唔到, 因為佢好快謝架! 希望今年有機會影到喇...

 

兒 童 足 部 保 護 有 秘 訣

「 千 里 之 行 ， 始 於 足 下 」 ， 兒 童 開 始 學 習 站 立 及 走 路 時 ， 家 長 就 要 應 注 意 護 理 他 們 的 雙 足 ， 因 為 足 部 是 人 體 骨 架 的 基 礎 ， 若 要 身 體 各 部 份 得 到 良 好 發 育 ， 足 部 便 要 有 足 夠 的 「 承 托 」 及 「 保 護 」 。
對 於 兒 童 足 部 保 護 有 以 下 的 建 議 ：
‧ 養 成 做 運 動 的 習 慣 ， 強 化 足 部 的 肌 肉 ， 運 動 量 則 要 循 序 漸 進 。
‧ 要 定 期 檢 查 ， 如 發 現 有 扁 平 足 或 足 跟 痛 等 足 部 問 題 ， 應 及 早 醫 治 。
‧ 穿 着 合 適 的 鞋 子 及 需 要 時 加 鞋 墊 承 托 足 弓 或 吸 震 ， 並 保 持 良 好 的 足 部 姿 勢 。
在 選 擇 鞋 子 時 ， 必 須 依 據 兒 童 的 腳 型 來 選 擇 ， 並 以 穿 着 舒 適 為 首 要 原 則 ， 並 不 是 貴 價 、 新 款 或 名 牌 便 最 好 ， 一 雙 不 合 適 的 鞋 子 會 造 成 創 傷 及 阻 礙 足 部 發 育 。
以 下 是 一 些 選 鞋 的 小 貼 士 ：
‧ 宜 在 黃 昏 時 段 購 買 鞋 子 ， 因 腳 部 在 整 天 步 行 後 尺 碼 會 較 大 。
‧ 穿 着 新 鞋 後 ， 若 足 部 有 紅 印 或 痛 楚 ， 表 示 鞋 子 可 能 過 緊 或 不 適 合 腳 型 。
‧ 鞋 底 磨 損 應 立 即 更 換 ， 更 不 要 穿 兄 姊 的 舊 鞋 。 由 於 每 個 人 的 腳 型 及 走 路 的 方 式 皆 不 同 ， 鞋 底 有 其 獨 特 的 足 型 及 磨 損 情 況 ， 穿 着 別 人 的 舊 鞋 會 造 成 足 部 受 力 不 平 均 ， 易 引 致 肌 肉 勞 損 或 變 弱 ， 引 發 入 字 腳 、 八 字 腳 、 扁 平 足 、 足 踝 扭 傷 等 問 題 。

撰 文 ： 香 港 理 工 大 學 康 復 治 療 科 學 系 物 理 治 療 臨 床 導 師 方 少 萌

 

幼 兒 排 便 困 難 非 便 秘

家 長 發 現 年 幼 子 女 排 便 不 暢 順 或 大 便 帶 血 會 很 擔 心 ， 更 容 易 誤 以 為 是 便 秘 ， 香 港 大 學 一 項 調 查 發 現 近 三 成 家 長 誤 以 為 幼 兒 一 天 不 排 便 就 是 便 秘 ， 更 有 家 長 企 圖 以 轉 奶 粉 或 替 幼 兒 挖 出 大 便 等 錯 誤 方 法 解 決 。 有 兒 科 醫 生 指 ， 大 部 份 排 便 不 暢 順 的 幼 兒 其 實 不 是 便 秘 ， 很 多 時 也 是 因 為 飲 食 習 慣 改 變 所 致 ， 多 餵 幼 兒 飲 水 或 稀 釋 果 汁 可 改 善 問 題 。

港 大 民 意 研 究 計 劃 於 去 年 10 月 至 11 月 期 間 ， 電 話 訪 問 505 名 認 為 其 3 歲 以 下 幼 兒 ， 曾 於 過 去 三 個 月 出 現 便 秘 症 狀 的 家 長 ， 發 現 有 61% 受 訪 者 指 過 去 三 個 月 ， 幼 兒 曾 出 現 一 至 三 次 便 秘 ， 更 有 近 兩 成 人 指 幼 兒 便 秘 次 數 達 六 次 以 上 ； 近 三 成 家 長 誤 以 為 超 過 一 日 無 排 便 就 屬 便 秘 ， 亦 有 人 誤 將 大 便 不 暢 順 、 大 便 帶 血 、 大 便 質 地 頭 硬 尾 軟 。

 

腹 部 按 摩 亦 有 幫 助

調 查 又 發 現 家 長 普 遍 會 給 幼 兒 多 飲 水 ， 或 於 飲 食 中 多 加 含 纖 維 食 物 改 善 便 秘 ， 但 有 部 份 人 則 會 將 奶 粉 冲 淡 、 幫 幼 兒 將 大 便 挖 出 、 或 轉 換 奶 粉 等 錯 誤 方 法 處 理 便 秘 問 題 。
兒 科 專 科 醫 生 譚 一 翔 指 ， 幼 兒 有 便 秘 症 狀 不 等 於 一 定 有 便 秘 ， 大 部 份 幼 兒 的 便 秘 也 屬 功 能 性 ， 主 要 由 飲 水 不 足 、 腸 胃 不 適 、 食 物 纖 維 不 足 、 奶 粉 和 水 的 調 校 份 量 不 合 比 例 等 引 發 ， 而 幼 兒 於 6 個 月 開 始 改 變 飲 食 習 慣 ， 開 始 進 食 半 固 體 食 物 ， 例 如 肉 粥 等 ， 腸 胃 吸 收 的 水 份 減 少 ， 也 會 令 排 便 的 習 慣 及 糞 便 形 狀 改 變 ， 易 出 現 排 便 不 暢 順 問 題 ， 但 未 必 是 便 秘 。
譚 一 翔 建 議 家 長 可 逐 漸 增 加 半 固 體 食 物 份 量 ， 使 幼 兒 腸 胃 慢 慢 適 應 轉 變 ， 平 時 需 給 幼 兒 飲 用 充 足 開 水 ， 也 可 加 入 稀 釋 果 汁 ； 並 多 食 高 纖 維 生 果 及 殼 類 ， 如 蘋 果 、 桃 、 提 子 等 ， 進 行 腹 部 按 摩 也 有 幫 助 ， 但 不 應 強 迫 幼 兒 進 食 不 喜 歡 的 食 物 ， 或 強 制 進 行 排 便 訓 練 ； 食 用 母 乳 因 水 份 充 足 也 可 減 便 秘 風 險 。
樊 太 的 19 個 月 大 兒 子 灝 霆 ， 於 出 生 後 六 個 月 排 便 次 數 減 少 ， 每 星 期 只 有 兩 次 ， 她 嘗 試 給 兒 子 多 飲 水 、 使 用 甘 油 條 等 ， 但 情 況 未 有 改 善 。 她 說 傭 人 曾 建 議 用 手 挖 出 大 便 ， 但 因 不 衞 生 未 有 嘗 試 。 至 四 個 月 前 ， 兒 子 的 大 便 有 少 量 血 迹 ， 求 醫 後 才 知 道 是 因 飲 食 習 慣 改 變 而 出 現 便 秘 症 狀 ， 只 要 多 飲 水 及 進 食 高 纖 食 物 便 可 逐 步 改 善 。

不 同 的 大 便 形 狀

第 一 類
呈 粒 粒 狀
（ 難 以 排 出 ）

第 二 類
香 腸 狀 ， 由 小 堆 組 成

第 三 類
香 腸 狀 ， 表 面 有 裂 痕

第 四 類
香 腸 狀 ， 軟 身 且 表 面 平 滑

第 五 類
軟 身 及 呈 小 堆 形 狀
（ 容 易 排 出 ）

第 六 類
軟 身 、 參 差 不 齊 及 呈 稀 爛

第 七 類
非 固 體 及 呈 水 狀

** 除 第 一 類 外 ， 全 部 也 不 屬 便 秘
資 料 來 源 ： 譚 一 翔 醫 生

幼 兒 便 秘 定 義

註 ︰ 幼 兒 需 同 時 出 現 以 下 症 狀 才 算 便 秘

1. 每 星 期 排 便 少 於 兩 次 或 排 便 次 數 較 平 常 明 顯 減 少
2. 因 排 便 問 題 導 致 幼 兒 哭 泣 、 腹 脹 、 腹 痛 或 肛 裂
3. 幼 兒 排 便 時 要 非 常 用 力 ， 以 致 雙 頰 通 紅
4. 費 力 排 出 如 波 子 般 的 粒 粒 大 便

恐龍仔 與 caterpillar

今朝早~ 無乜特別, 照上去行晨運..

恐龍仔唔多願行.. 走去恐龍媽面前, 捉住手話:swing swing!

恐龍媽: 咁我地落地下打韆鞦啦~

恐龍仔: 濕濕!

恐龍媽: 尋晚無落雨呀~ 你睇~ 地下乾架!

佢成日記得早兩日因為濕濕~ 無得玩!

由平台落到地下~ 恐龍爸見到牆壁上有好大嘅一條 caterpillar! 有四五吋長架!

一路打韆鞦.. 恐龍媽一路諗: 點解走咗上牆架? 又無嘢食.. 好慘呀!

恐龍爸見到.. 就四圍搵嘢幫手.. 諗住"撩"佢落嚟, 然後放返上樹上面~ 搵咗好耐, 真係想放棄架, 終於搵到塊木板, 我地成功咁撩咗毛毛蟲落嚟.. 但係, 放佢响邊好呢?

草叢? 大紅花葉上面? 定係.. 回歸大自然, 返去樹林呢?

我地嘗試將毛毛蟲搬上圍欄外嘅樹葉上面, 但係肥蟲蟲太重喇, 就算塊樹葉都幾大片, 但真係受唔起佢嘅體重!

恐龍仔近距離睇到毛毛蟲爬吓爬吓.. 無乜特別反應咁~

最後~ 我地唯有拋佢出圍欄外嘅樹林.. 希望佢會搵到啱佢嘅樹葉啦!

 

唔知肥蟲蟲回歸大自然之後, 會唔會俾大雀仔食咗呢? 定係安全變身, 變成一隻肥蝴蝶呢?

 

下雨天

今日落好大雨呀~

恐龍媽無諗到會咁, 仲帶埋工人同恐龍仔出街街~ 早知自己去好過啦!

話說响火車站月台, 恐龍仔自己行咗去, 走向月台邊, 恐龍媽示意恐龍爸唔好去捉住恐龍仔, 睇吓佢做乜.. 結果, 恐龍仔係好乖咁企定定响黃格裡面呀!

好乖呀!

之後~去到大圍, 恐龍仔指住Tai Wai.. 讀咗出嚟! 恐龍媽諗咗一吓: 有無教過? 好似無喎~

今日真係好大雨, 我地响學校停留咗一陣避雨~ 恐龍仔又..玩到唔捨得走!

假期尾聲

工人姨姨同爸爸媽媽嘅假期即將結束..

响呢個時候, 恐龍仔出現咗d好奇怪嘅行為

尋晚~ 恐龍媽諗住同恐龍爸拍一陣拖, 煮好粥仔分成兩份, 餵咗一啖俾恐龍仔食, 肯定佢肯食先出門口.. 交帶咗會八點左右返到陪阿仔瞓~

點知個c蠢新工人, 只係餵咗嗰碗仔+兩spoon喎! 大佬呀, 嗰度得三分一左右! 未等到我地返到, 恐龍仔叫奶奶! 佢又以為自己搞得掂呢個麻煩人喎, 竟然開奶俾恐龍仔瞓!!!!

當然~ 失敗啦!

又話說恐龍仔走返出廳玩咗一陣, 又話要奶奶! 佢又夠膽再開奶喎!

到我地返到屋企.. 恐龍仔超級興奮, 已經無咗飲奶嘅magic..

唉~

恐龍爸唯有同恐龍仔玩咗一陣.. 都叫好好彩, 搞咗一個鐘! 辛苦哂! 不過佢就好唔高興個新工人講咗都唔聽囉!

今朝~ 應該話半夜三點幾, 恐龍媽聽到有bb叫"奶奶"! 聽真d又好似無... 出面又無燈, 於是繼續瞓..

八點諗住接更啦~ 工人話個麻煩人三點幾醒咗唔瞓, 一路玩! 鬼咩!~ 尋晚食咁少粥!!!

唉~ 同恐龍爸商量過, 怕恐龍又興趣過頭, 不如等我地食飽先算! 於是~ 出街食早餐啦...估佢唔到! 呢隻嘢竟然五分鐘嘅車程都捱唔住, 吊魚喇!

就咁~ 恐龍媽抱住隻豬, 恐龍爸就食早餐, 返屋企前換過手都唔醒.. 就咁, 瞓到12點~

夜晚, 我地都唔敢出街食飯喇, 怕太夜~ 麻煩人會攰! 叫做好乖食咗大半碗粥.. 等我地大人開餐時, 恐龍仔已經呆滯.. 恐龍媽放低碗筷就開奶.. 即時昏迷!

今晚~ 工人姨姨返咗嚟喇!

有好日子過喇!

病倒了

日日出街, 食同瞓都無時無候, 又熱又曬, 轉頭又一陣涼風..

恐龍仔終於病咗喇! 尋晚鼻塞瞓唔着(搞到11點呀!), 今朝一早又嘔哂餐奶! 十點食咗碗粥.. 一點瞓着咳醒~嘔到成床都係...又瞓唔返...

唉~

可能尋日吹親呀~

恐龍仔早幾日仲話要上playgroup, 上堂.. 唔知聽日會唔會好d..

-----

陪瞓~ 唔係恐龍媽強項, 由恐龍仔出世以來, 恐龍仔見到媽媽係最唔會想瞓覺嘅~

今晚~ hyperactive!

又搞到十點幾~ 佢話要奶奶, 咁咪開俾佢啦.. 點之電話響, 返到入去已經半睡.. 但係俾佢見到媽媽~ 又興奮過!

唉~

辛苦恐龍爸喇!

------

恐龍媽行出房唔夠5分鐘, 恐龍仔喊住叫咗幾聲媽咪..就~瞓着咗喇!

不打不罵

知易行難~

恐龍媽坐月時已經知道, 自己一定唔可以全職湊仔, 真係無呢份耐性!

呢個星期日日湊仔, 有時都會好嬲.. 每次推到耐性邊緣嘅..都係得兩味: 食同瞓~

估唔到~ 打~只係覺得好玩好笑.. 鬧更加無用! 上次唔食飯, 用naughty cornner已經俾爺爺話.. 恐龍爸唔贊成..

都唔知點搞好~

devil two 又好, trouble two 又好.. 我家有個小茶煲啦!

 

蓮花? 荷花?

一路分唔清荷花同蓮花~ 睡蓮又係乜~

終於~ 的起心肝做吓功課..

荷花
Nelumbo nucifera
蓮科

荷花 (前)與睡蓮(後）

有「出水芙蓉」美譽的荷花，今年夏天，在濕地公園開得特別燦爛，淡水沼澤、溪畔漫遊徑，濕地工作間及探索中心附近的點水池均可見到她們的美態。遊人一旦遇見她，均被她的清新脫俗姿色所吸引，駐足投以艷羨目光，或替她拍上數張『艷照』留作記念。

荷花是多年生的水生草本植物，喜歡穩定的平靜淺水，湖沼、澤地、池塘是她最佳的生長地方。葉為鮮綠色，盾形；每年六至八月開花，花期只得三至四天，而且開花模樣頗特別。花開的第一天，花苞會在早上微微打開，直到黃昏才閉合起來，第二天的早上，花苞會展開更大，直至第三或第四天，花苞完全盛開，露出藏在花心中的小小蓮蓬，待花瓣凋謝，蓮蓬便慢慢脹大，一粒粒青色連殼的蓮子鑲在蓮蓬內，當蓮子轉為褐色時，即可採收蓮蓬及蓮子了。

荷花又名「蓮花」，所以經常被人誤會為『睡蓮』，其實他們的分辨的方法很簡單，視乎葉片的形狀及特性。荷花的葉大部份挺出水面，而葉片完整，睡蓮則浮於水面，葉片有缺口。

你知道嗎？荷花全株所有部位，都可以食用，亦可入藥，簡直是寶物。由蓮藕、荷梗、荷葉、荷花及蓮子都可以做出不同的菜色，今個夏日，當你遊覽完濕地公園後，不妨做一道與「花之君子」有關的菜色吧！

 

睡蓮（睡蓮科） Nymphaea spp.

• 多年生草本植物。
  
• 葉從地下莖長出，葉柄長，葉片浮於水面，呈心形，邊緣多有鋸齒。
  
• 夏天開花。花有白、紅、黃、藍、紫等色。花時而開，時而閉。受精後花莖會彎曲，沉入水中結實。 

 

 

我愛大自然

呢排工人放大假, 日日湊仔出街.. 目的地包括近近地嘅公園 (遊樂場+花草樹木+藍天白雲+鳥語花香+海)後山, 濕地公園, 北潭涌.. 附近海邊(石灘)

其實..都係d平日想去又懶未去嘅地方~

令恐龍媽有感而發嘅~ 係濕地公園遇到嘅一個爸爸, 佢同個仔講: 呢度就係大自然喇!!

吓?! 乜唔係濕地嘅公園咩?!

恐龍家住喺郊野公園附近, 高密度住宅嘅盡頭.. 初初住時, 腳下一大片松樹林! 依家~松樹林就只淨返平台旁一列老松樹, 恐龍仔知道叫樹林~

未有孩子時~ 會話等有之後就搬出市區; 但係依家, 真係唔願搬! 恐龍爸話: 呢度真係好~ 有山有水!  (唔怪之得聽見有人為孩子由九龍塘搬嚟呢度住..)

我地連附近嘅石灘都未去過哂呀! 仲有大把空間發掘!

大自然? 跟本就响身邊! 有太陽每朝出現 (屋企向東!) 晨運時經歷四季天氣轉變, 仲有樹木同埋小動物相對嘅轉變 (依家夜晚有青蛙叫聲!) 走遠少少.. 去聽海浪聲, 看潮漲海浪湧埋嚟(跟住逃跑)

想講: 濕地公園係一個好接近自然環境嘅一個窗口, 呢個係一個叫"濕地"嘅habitat~ 生活响呢度嘅生物好特別, 有自己一套方法去適應咸水呢個特殊嘅生態環境, 如果你未做功課去, 就無咗部份教育意義, 恐龍仔好好彩~佢阿媽讀生物出身嘅(多謝恐龍爸提醒~其他人好可能唔識呢d嘢.. 不過mangrove係A-level biology嘅嘢!)

想講~ 教孩子懂得欣賞自己四周嘅事物, 家長可能都要做d功課..一齊學!

北潭涌

 

路邊~ 好奇怪嘅花花

去到遊客中心門口..

遊客中心個姐姐同恐龍仔玩咗好耐, 耐到恐龍爸同恐龍媽商量.. 好唔好出去拍一陣拖~

姐姐介紹遊家幾俓~

this is 北潭涌!

唔知發咩癲~~~

Monkey???

作怪~

好有型@餐廳

响餐廳, 恐龍仔想撩鼻鼻, 恐龍媽出手制止, 變成俾人捉住抹鼻! 幾次之後, 手背有鼻c一大舊 + 濕哂!!!

夜晚~原來嫲嫲生日, 恐龍仔不停咁唱: Happy birthday to you~嫲嫲~

嫲嫲當然好開心啦!

燒豬仔@濕地公園

 

我地去到上水~啱啱去咗班車, 咁啱附近好多樹.. 唔停咁有樹葉同花花飄落地.. 咁又玩一大歺喇! 玩到連爸爸媽媽都可以唔要! 佢要搵返邊棵樹跌咗塊葉落嚟呀!!!

去到~ 玩吓鴨..

俾女仔追吓..  都唔明點解合照會企到咁開嘅!

Andrea好乖, 幫手拉行李, 仲會拖住恐龍仔行呀!

第一站~睇green turtle! 仲有採花恐龍!

小朋友好鍾意d石頭~

行到熱哂.. 飲包果汁休息吓.. 我地見到彈塗魚.. 仲有好多mangrove先見到嘅生物!

靚靚花花~

其實恐龍爸影咗好多相, 不過恐龍媽無心機執~

恐龍仔曬完又ok, 只係黑咗..

學生相

好惡呀~ 佢個樣!

恐龍生蛋

從小~ 恐龍仔無便秘問題.. 有~都係未滿月時食A+, 不過真係食雅培咁耐未試過! 平均1-2日就會去一次ng-ng

但係~工人姨姨放假呢幾日, 瞓無定時.. 食就更加日日新鮮, 有時見佢周身痕都唔知係咪食錯嘢~

由星期日生過蛋之後.. 呢幾日雖然有話要ng-ng, 不過次次都係流嘅~

恐龍媽到今日第四日, 有d不安..

好在恐龍爸話: 今晚臨瞓前恐龍生咗蛋喇!!! 仲要係好多添~ (所以今晚唔係幾願食飯.. 頂住肚仔!)

生完蛋~恐龍仔瞓返上床話: 好辛苦~~ (?!?!?!?!?!)

俾支奶佢~ 佢話: AH~ GOOD!

跟住話: 好熱!  (唔熱呀~) 後面好熱!

有時聽到d咁有智慧嘅對話, 真係覺得好搞笑架!

恐龍爸仲報告: 尋日恐龍仔話"好難爬"嘅遊樂場旋轉型梯, 今日已經成功爬到!!!

嘩! 一日千里! 真係睇少陣都錯過好多嘢~

 

 

SO disappointed~

to have a long story short~

I had sore throat/flu/cough in this two weeks.  Still need to work overtime to prepare for the external audit on this Monday.

Things were fine~

But comments from the CEO-will-be.. was a long list of room for improvement~

I wrote a reply to her that, her point had been considered but some hardware/resource problem which I cannot control and made the idea cannot be worked out. 

Indeed, I think the main project turn out fine would be great already, no need to be perfect.

I got her reply this morning, and she said, she is not looking for explanation or excuse!

ok~ fine then.

Her idea is hers, she is another queen.  Other wont have the intelligent to know how to make it better.  Even, for something need not to be perfect.

Male boss, looking for result.  If it pass, you would have appreciation and clapping hands.

Female boss, looking at both process and result (and some minor things).  If the process is not good enough, even you got a good result, you will still have a long list of "room for improvement".  Never have appreciation.

心淡~

No matter how hard I work, how good is the impression of the external assessor/auditor, I will still be a black pig.  Then, what's the point?! Doesnt she know that, nobody wanna take this job and I was so green when I take the job?! It works out finally.  I didn't promise that everything will be perfect. I am still learning.

Yes, I am naive.  I like appreciation more than money.  But she is stupid then.  A good manager should use her personal technique to make a staff work for her/him. 

So tired.

 

下水禮 + 開學準備

自從上次恐龍爸去泳池游完水, 就成日話帶恐龍仔去玩水..

恐龍媽諗:舊年五月都咁凍啦..四月就落水, 會唔會凍c人架?! 呢排又無乜太陽..

但係恐龍爸話唔凍喎~

咁好啦...見到有少少陽光, 去玩吓啦!

weekday, 個家庭更衣室無人爭, 可以慢慢用, 唔錯!

出到去, 個池真係唔錯, 不過恐龍仔太細喇, sir滑梯之後會飲水! 咩都唔敢玩, 只係好開心咁潑水! 係一路震一路潑!

恐龍爸一路話無嘢...但係阿仔就震到唔停! 好在泳池休息, 我地玩咗10-15分鐘就換衫, 沖返個暖水涼!

---------

飲完茶臨去學校, 見到星仔一家! 咁Q大家都偷懶唔返工?!

去到學校, 要試校服, 恐龍仔見到咁多嘢玩就當然好難搞啦...幾經辛苦, 都係買最細個碼, 雖然著得嗰三個月..

嘩~淨係書包校服+書都要九百幾喇! 仲未計自己出街買嗰兩對百波鞋+一對黑皮鞋!!!!

等恐龍仔午睡後, 我地出咗鑽石山, 响M&S四咗白襪同埋白底衫~

再睇咗幾間鋪唔鞋仔.. 最後買咗d 平嘢..

兩對波鞋分別$129@, 黑鞋就$179~

咁~又駛咗六百幾!! 好在呢d嘢第日响另一間學校都應該用得返~

呢次係第一次買波鞋.. 真係好大對呀!

大昏迷?!

尋日~ 恐龍爸正式開始放假

一早安排咗活動~ 就係同爺爺去行孫中山博物館

於是~ 一行三爺孫向中環出發! 不過~ 爺爺怕凍, 先後兩次返上樓攞衫! (最後都係無著到) 仲要去食早歺!! 去到都12點喇!

然後俾恐龍仔食d嘢.. 佢飲咗好多維他奶呀! 飲完自己嗰包仲要9飲埋恐龍爸嗰包麥精!!!!

好似話... 兩點半返到屋企... 瞓到6點俾人嘈醒 (仲唔起身?! 要食飯架!)

晚餐.. 我d去咗意粉屋, 恐龍仔唔停咁話要"長麵麵" (龍蝦天使麵~ 小朋友都係唔好食咁多) 唔知食咗幾耐, 總之返到屋企都9點半!

沖涼瞓覺~

又~ 大昏迷~ 瞓到八點半!!! 從來未試過連氣瞓咁多個鐘架!

 

summer time?

 

出街玩之前.. 恐龍仔想玩puzzle

好叻仔喎~識得自己砌喇!

路過見到遊樂場, 當然唔會放過啦!

自己爬架!

跟住上咗後山行..

聽到蟬叫.. 原來對翼咁靚靚架!

仲有好多好多怕醜草

嘩~~你睇吓我地見到乜?!

蜥蜴呀!!!!

跟住~爸爸帶咗恐龍仔..上山!

恐龍媽就自己影相相..

有奇怪樹..上面禿哂, 下面生哂嫩葉

有啡紅色嘅新葉

有嫩葉中間夾雜住深綠色嘅舊葉

仲有小小一棵樹

呢期好多杜鵑都謝喇.. 當然仲有d開緊..同埋未開

落返山嘅恐龍仔成頭濕哂!

除咗衫就要拍手仔?

嘩~有肚dum!

我地仲搵到草蜢!

爸爸見到水喉.. 叫恐龍仔洗手仔

應該係玩水至真!

有隻靚靚蝴蝶飛過.. 竟然咁都影到!

真係好熱..熱到呆哂

有嘢睇! 排骨呀!!!

wahahaha~

返到屋企洗白白.. 食飯飯

然後覺覺豬!