新年第一件好消息

恐龍家嘅工人姨姨.. 幾好! 恐龍媽一路都好放心!

但係有一件事一路未解決, 就係佢之前嚟HK兩次都只係做咗兩年就返老家.. 到底~係乜原因? 但係見到佢咁做得嘢, 我都相信係佢自己要走..

咁, 佢會唔會唔到我地續約架? 最慘如果佢走, 但啱啱恐龍仔返新環境(全日班 or 新校) 無耐嘅十月, 唔想响嗰個時候有乜改變!

之前計唔掂外傭稅/提前續約條數, 又唔清楚正苦仲會唔會改policy.. 所以都無襯熱鬧, 亦都唔得閒煩呢件事!

今晚~ 同工人講咗, 我地會睇吓点樣提早續約, 其實到依家只欠一期外傭稅, 如果自己搞到, 應該無乜extra嘅支出.. 佢續約始終要返屋企架! 不過就可能要就返我地放假嘅時間先俾佢返去10日.. 恐龍媽計過, 都係請5-6日假就得!

有無人試過自己搞賓賓提前續約呀??

----

另外~ 因為恐龍家同爺爺嫲嫲住, 一路都無請過朋友上嚟屋企玩, 諗緊.. 不如幫恐龍仔開生日Party囉?  hehe.. 到時.. 可以去會所搞? 定係屋企好玩d? hmm.. 不過我地屋企幾亂架.. 地方係有, 不過爺爺嫲嫲會搬走一張梳化, 朋友們可能要坐地下, 仲有.. 佢地仲有可能搬走埋部電視 (恐龍爸當初買時話送俾爺爺架) 係呀~ 無錢買新電視住呀! 係呀~ 不如搵人送部電視俾恐龍仔睇dvd?

(sorry~發吓白日夢都得卦!)