唔睇星星

恐龍媽放工返到屋企, 恐龍仔啱啱開始食飯! 因為工人姨姨帶咗恐龍仔去騎木馬 (每日5-6pm 開放), 所以晏咗~

恐龍仔見到媽咪, 又要睇星星! 當然~ 係要食哂飯先啦!

過咗大約20分鐘, 有人仔話要ng-ng! 工人姨姨放佢上厠板, 恐龍仔就開始玩!

工人話佢食剩少少~~~ 恐龍媽諗: 呢隻嘢係真唔係呀?!?!

又過咗一陣, 恐龍仔又出返嚟, 好啦~ 睇星星啦!

唔知係咪改咗行道, 呢幾個月唔見哂d飛機! 之前佢好醒架, 一眼就知係飛機定係星星架!  記得之前~ 可以同一時間見到兩架飛機架!!!

依家恐龍仔好掛住飛機咁~~

不過~ 睇咗無幾耐... 恐龍仔話: 唔睇星星!

吓?!?! 你講真架?!

都話咗係有智慧嘅生物~~~ 後尾話俾恐龍爸聽, 笑鬼c佢!