22mth

話咁快~ 恐龍仔22個月大喇!

呢個星期放假日日對住個仔, 恐龍媽發現~ 恐龍仔嘅能力進步得好快!

帶佢去遊樂場, 可以自由活動, 當然有d動作要睇實啦, 但係試過唔夠佢快, 腳仔踏空!! 好在手仔捉實扶手~ 無由一米半空跌落地下! 嚇死人!!!

語言~好多驚喜+笑話!

好似尋日爸B生日, 早幾日開始教"Happy Birthday to BABA", 点知原來OZMO有教過~ 佢不停咁講Happy Birthday to Randolph!  好辛苦先講到BABA!

新年~ 當然要恭喜發財啦! 加送萬事勝意~ 身體健康! 尋日上恐龍爸公司, 見到d揮春就唔停咁恭喜發財! 又試過响lift度突然恭喜發財..咁啱有個伯伯响度, 俾咗封利是佢!

最鍾意問人"做咩呀?"

有日~小賊偷嘢!

恐龍媽: BEEP~ BEEP~BEEP

恐龍仔: 媽咪做咩呀?

恐龍爸

早兩日話同佢落樓打鞦韆, 咁爸爸出門口返工, 恐龍仔話"街街", 恐龍爸話byebye

恐龍仔答: 媽咪~ 落樓~ 打韆鞦!

服哂!

仲有~ 鬱金香謝緊.. 恐龍仔就話: 好似大紅花! (樓下d大紅花謝嘅時候講過佢聽~)

句子大有進步~ 新嘢都學得好快! 講嘢好咗..脾氣都細咗! 無咁易喊喇!

仲有一個笑話: 嫲嫲話恐龍仔唔怕曱甴, 試過搵拖鞋~一手拍死咗隻曱甴!!!

 

Happy Birthday to You~ BABA!

教咗幾日..

恐龍仔經提示下講到:

Happy Birthday to You~ BABA!

I love YOU!

恐龍爸話, 今個生日好開心! 不過唔係因為d造作嘢! 係因為恐龍仔不停咁爸爸, 個心甜哂!

話時話~ 恐龍仔食咗d飯團, 唔知d飯餸有無味精呢?

呢隻仔响爸爸office先好笑, 突然話"莆公英", 搞到3個大人响樹搵.. 原來係月曆上面嘅大相! 嚇親個大哥哥! (可能佢諗: 未夠兩歲嘅小朋友.. 点會識d咁嘅嘢?!?!)

仲有~ 唔停咁對住揮春講:恭喜發財!

 

烏溪沙青年營開放日

恐龍媽同恐龍仔一樣, 因為尋晚夜瞓, 今朝晏咗起身! 係呀~ 尋晚9點先離開酒樓, 然後破戒坐咗的士返屋企! 尋晚~ 恐龍仔好乖~ 佢所謂” 眼瞓~開始發癲” 响d長輩眼中都唔算發緊癲! 差d唔記得講: 尋晚恐龍仔第一次” 玩麻雀” 呀! 不過只限一至九筒! 玩咗有一個鐘! 仲有~ 恐龍仔好鍾意食燒鴨! 因為上菜慢, 恐龍媽覺得白飯太悶.. 所以.. 估唔到平時唔多食肉嘅人仔, 狂叫: 肉肉!

講返初三..

恐龍媽帶住恐龍仔去烏溪沙青年營開放日~

首先.. 行大草地, 有得自由活動, 恐龍仔當然超級HAPPY啦! 所以~完全聽唔到恐龍媽講乜~ 真係啋你都傻! 佢自己行嚟行去~ 攞住個長型氣球响頸後兩邊向前屈~ 有時又張個氣球對摺…見到都驚! 哈哈!

行咗差唔多半個鐘, 終於俾恐龍媽强行帶走! 本來想搵佢未見過嘅爆仗花引佢, 但係人仔一啲興趣都無!

我地去搵地圖上面嘅魚池! 去到.. 發現水池裡面無魚魚，好失望呀! 點知原來佢地全部躲在池中間石山嘅後面!!! 十多條錦鯉, 不太大, 躲在石山下, 不動! 但係恐龍仔已經好開心, 唔停咁: 嘩!

又過咗十幾分鐘, 又係强行帶走! 因為差唔多到恐龍仔嘅午飯時間喇!

去到門口, 見到小蜜蜂~

恐龍媽: 小蜜蜂呀!

恐龍仔: 採蜜!

過咗幾秒, 加多句: 嗡~嗡~嗡!

然後: BEE~

That’s all he knows about BEES!

-------

行花市嗰日, 買咗盆鬱金香俾恐龍仔~

今日, 佢攞住本花花書, 行埋盆花花度, 揭開鬱金香嗰頁..好興奮咁: 嘩! 一樣!!!

(朝早)

(中午)

係呀~ 一樣!! 連顏色都一樣架!

跟住~佢行開咗.. 諗吓諗吓又行返埋盆花花度: 嘩!!!!

如是者~ 好幾次! 真係俾佢笑鬼死!!!

 

恭喜~恭喜!

 

大年初一

一早去咗拜年~

我地見到公公婆婆舅父舅母同埋表弟~

之後坐車車去探大伯公同大伯婆.. 見到大舅父.. 仲有二舅父一家, 三叔公一家~ 大舅父仲抱住恐龍仔同表弟一齊影相相呀!

無幾耐就走.. 一落樓見到遊樂場, 兩隻BB好似放監咁.. 終於自由活動喇!!!!

返到屋企就當然要開歺同埋覺覺豬啦....

 

年三十晚~

恐龍爸話過: 年年嘅年三十晚都响屋企食~

ok啦~ 响街都未必有位!

於是, 呢日工人返工~ 恐龍媽偷吓懶.. 執相!

-----

有咩玩?

泥膠!

各位觀眾~ 恐龍仔克服咗"泥膠"呢個怪物喇!

好開心咁喎!

恐龍仔呢身打扮都有段古~

工人姨姨將rabbit放咗入背囊度.. 好可愛!

呢件shirt衫買咗好耐都未著過..

同嫲嫲出街食飯, 著住佢織嘅溫暖牌!

 

-------

唉~ 尋晚唔記得講.. 恐龍媽整跌阿5D呀! 個蓋整花咗個鏡頭! 雖然部機好似無事, 但係.. 睇怕有排唔敢影相相喇!

行花市

年三十晚~ 一早起身!

出發去花市!

恐龍仔响火車好活躍(唔肯坐!)

豬咀!

我地第一站係去奇趣買油角

然後去行花市

恐龍仔見到"好多birds" 就話要影相!

難得少d人, 就放佢落地~

佢真係企定定等影相!

回程响酒店門口, 見到大吉吉

又話影相相!

睇吓佢幾正經!

返到屋企, 食mum-mum

好攰喇~

唔好意思~

尋日見恐龍仔仲有幾聲咳, 就叫工人帶佢睇多次醫生, 諗住假期有d藥旁身~ 工人應咗句.. BB食咗好多藥喇 (最後睇過5次醫生!!!) 恐龍媽無為意.. 放工返屋企先知, 工人無帶恐龍仔去睇醫生呀!!!

年紀大嘅人~ 總係有自己一套!

好啦~ 今日恐龍媽自己帶人仔去啦!

姑娘話要等一個鐘~ 咁配藥啦! 都等咗有20分鐘!

恐龍仔做過乜?

周圍捐~ 竟然細細聲同個姐姐講: 唔好意思~

搬櫈! 恐龍媽諗住坐咗佢就無得搬~ 恐龍仔指住另一邊: 嗰邊仲有!

跟住去咗剪頭髮.. 個叔叔雖然話恐龍仔咁郁法, 剪唔到! 其實上次仲郁得勁! 最後~ 叫做修過, 不過耳腳仲係長! 個叔叔話: 嗰度最危險, 剪唔到!

洗完白白~ 變身!

好可愛呀!!!!

爸B餵粥~

食飽無耐就瞓~ 瞓醒...

NG~NG!

夜晚~ 去咗探公公婆婆..

回程坐巴士.. 恐龍仔竟然~嘔~呀! 好彩~ 只係一啖仔! 好彩~無整烏糟地方/衫衫!

不幸嘅~ 係恐龍媽隻左手! 最慘係d老公/老豆唔識反應, 响樹發呆!!!

 

營養謬誤 -- 袁維康

營養謬誤

簡介：

本港市民的健康意識普遍提高，報章雜誌上不斷披露的健康資訊往往惹起港人關注。但是，高脂食物無益、高膽固醇食物引致血管阻塞、維他命補充劑不能多吃等我們已認為是常識的資訊是否真確？它們有足夠的科學數據支持嗎？如有數據顯示，我們又是否能讀懂？ 現為私人執業的自然療法醫生袁維康告訴大家不要人云亦云，未經瞭解便儘信坊間的健康資訊。袁醫生探索了過千份醫學文獻，寫成《營養謬誤》一書，誓要打破一般大眾對營養的錯誤觀念。以下是一些例子： 謬誤一：進食高膽固膽固醇食物會導致血管阻塞及心臟病。 真相：膽固醇在血液的水平，是不會明顯地被餐膳裡的脂肪和膽固醇所影響。很多有高血膽固醇的人沒患上冠心病，也有不少於30%曾心臟病突發的病人，其血膽固醇水平是低於正常範圍的。美國心臟學會制定的降膽固醇飲食法，已被多次證明無助減低心臟病患率。市民更不要輕信西藥業的宣傳技倆服食降膽固醇藥，因降膽固醇西藥副作用嚴重，既不能預防心臟病，更危害健康。 謬誤二：素食最健康。 真相：每年素食男性的死亡率都輕微高出非素食者(93%對89%)；素食婦女的全年死亡率非素食婦女，更明顯高出近三成 (86%對54%)。 謬誤三：低脂飲食最健康。 真相：低脂飲食與患上憂鬱症、心理精神病、困倦、暴戾、自殺的比率增加有關連。 謬誤四：無卡路里減肥汔水可減肥。 真相：美國德州聖安東尼奧市大學科研發現，每日喝減肥汔水比不喝的，超重機會高出65%，甚至比喝傳統汔水的更易肥！ 謬誤五：飲豆漿、食豆類有益健康。 真相：黃豆其實含有多種有害物質，如植酸(Phytic acid)阻礙必需礦物質的吸收，強力的蛋白酶抑制劑(Trypsin inhibitor) 阻礙蛋白質的消化吸收，導致氣脹及消化不良，長期更導致氨基酸缺乏症。 袁維康醫生告誡市民，不要輕信權威和所謂的專家三言兩語說話，傳媒亦有責任多角度，以不同觀點查証，才作廣泛報導。他認為嚴謹的科學研究和數據支持很重要。

 

信還是不信??!?!?!

其實有d似大家信牛奶係有益定係有害! 有利益嘅人用廣告話俾大眾聽佢係有益嘅~

個人~ 有d保留.. 但開始有d懷疑現今營養學所講嗰套!

以下係關於維他命及其他嘅內容:

• 無機農作物缺乏營養, 你食緊嘅橙可能維他命C對於零!


• 護體功臣: 維他命A (魚肝油, 雞蛋, 牛油, 肝腎), 抗敏感維他命


• 維他命B群: 抗壓維他命 (全麥胚芽) 50-100mg/day


• 維他命C- 1000-2000mg/day, 抗病毒感染


• 維他命D- 曬太陽, 魚肝油, 蛋黃; 防治糖尿病, 骨質疏鬆, 骨質性關節炎, 高血壓, 心血管疾病etc


• 維他命E- 防止流產, 抗氧化劑, 防心臟病, 400-800IU (臨床療效)


• 紫錐花 (Echinacea)能增強抵抗力, 900mg可大減傷風徵狀


• 橄欖葉完全抗病毒


• 益菌: Bifidobacterium & Lactobacillus


• 微波爐避之則吉~ 破壞食物營養

坦白講, 呢本書嘅角度, 唔係咁多人接受到! 不過, 因為都經歷過舊有科學知識被新理論推翻.. 恐龍媽對內容保持開放態度, 不過, 就一定從新對待supplements!

幸運地.. 遇上另一本書: Secrets of Supplements - The Good, The Bad, The Totally Terrific

作者少時在鄉村渡過, 父親對供給家畜的飼料總是特別小心, 如果家畜出現什麼異樣, 他和獸醫總是首先把這些異樣和所給的食物聯繫在一起。

人們治療疾病的表面症狀, 卻沒有考慮疾病真正的跟源。

...每個人遺傳因數不同，營養需求也不盡同。

其實只睇咗十幾頁, 不過兩本書內容相近, 角度就大不同! 希望幫到恐龍家多年嚟嘅奇難雜症啦!

 

新年新希望~~~

越諗越開心.. 真係鬆哂!

恐龍爸出咗份大bonus呀!!!! 只係少過舊年0.3個月! 

雖然無人工加, 但係都叫做升職 (佢地公司係咁架.. 升職就加好少人工),  了咗佢多年 "manager" 嘅心願.. 雖然比佢自己諗個target: "30歲前" 係遲咗兩三年...  生日之前知道, 都仲叫做遲咗兩三年嘅~~   (c 啦, 突然覺得自己好老添!)

呢個年關無問題喇!

真係鬆咗口氣!!!

唔駛問婆婆借錢喇~

唔睇星星

恐龍媽放工返到屋企, 恐龍仔啱啱開始食飯! 因為工人姨姨帶咗恐龍仔去騎木馬 (每日5-6pm 開放), 所以晏咗~

恐龍仔見到媽咪, 又要睇星星! 當然~ 係要食哂飯先啦!

過咗大約20分鐘, 有人仔話要ng-ng! 工人姨姨放佢上厠板, 恐龍仔就開始玩!

工人話佢食剩少少~~~ 恐龍媽諗: 呢隻嘢係真唔係呀?!?!

又過咗一陣, 恐龍仔又出返嚟, 好啦~ 睇星星啦!

唔知係咪改咗行道, 呢幾個月唔見哂d飛機! 之前佢好醒架, 一眼就知係飛機定係星星架!  記得之前~ 可以同一時間見到兩架飛機架!!!

依家恐龍仔好掛住飛機咁~~

不過~ 睇咗無幾耐... 恐龍仔話: 唔睇星星!

吓?!?! 你講真架?!

都話咗係有智慧嘅生物~~~ 後尾話俾恐龍爸聽, 笑鬼c佢!

BB~ 做咩呀?

恐龍仔成日話: 媽咪~做咩呀?

恐龍媽會不厭其煩咁答, 就算佢係不停咁問相同動作~

今晚, 恐龍爸突然攞咗隻牙刷出嚟擦牙! 咁恐龍仔又擦埋一份..

恐龍媽就問: BB~做咩呀?

恐龍仔: 擦牙仔!

恐龍爸媽都好驚訝~ 係真唔係呀?!?!

轉頭~ 响大床玩緊... 有d人仔坐唔定, 恐龍媽又問: BB~做咩呀?

恐龍仔: 爬爬~

係呀~ 恐龍仔爬嚟爬去中!

呢次真係有問有答喇!

 

------

恐龍爸話: BB呢排識多咗嘢, 無咁曳添呀!

有時~ 從小朋友嘅角度諗.. d大人又真係好鬼煩嘅! 不過如果溝通做好咗, 就唔駛成日發脾氣啦!

蒙特梳利 -- 8 小時家長基礎班

終於上咗呢個家長班!

之前都上過由另一間教室搞嘅家長班, 兩者好唔同! 之前嗰個, 似係日常生活嘅處理手法, 大少少 (3-6歲), 但呢班就好多理論! 好充實嘅8.5小時!!!!

兒童無限─蒙特梭利

其實, 佢個網頁有好多關於蒙氏嘅info, 估唔到, 香港嘅教學落後... 係落後幾十年!!!

其實, 好高興聽到d"專家" 所講.. 應該做嘅, 好多恐龍家都做緊! 當然, 好多都仲未做到! 不過知易行難, 希望遲d爺爺嫲嫲搬走咗會易d啦!

 

堂上提到~

要多帶小朋友去公園, 每日最少一個鐘!!!! 多d "movement", 對訓練空間感好重要!

唔好睇電視~ 兩歲前應該係零電視!

玩具唔好玩有電嘅~ 因為小朋友唔會明白個因果關係

多做家務, 營造一個小朋友都啱嘅環境, 俾佢地安全咁學習人類嘅生活

講起戒片問題, 導師教: 可以响片片裡面著條底褲仔, 俾佢地知道"濕咗" 係好唔舒服嘅! (let's try!) 

語言同經驗同時進行/發展, 小朋友好容易記住佢接觸過嘅事物

識行後, 其實唔需要推車出街

如果小朋友對一樣事物好有興趣, 大人唔應該終斷呢個過程, 應該俾佢玩到夠! 就好似BB好鍾意咬嘢, 應該俾嘢佢咬到夠!

唔應該say NO! 危險就話危險~ 唔可以俾小朋友玩嘅嘢唔應該放出嚟

 

全身相?

早半年左右, 終於搵咗d相send去某雜誌嘅成長日記..

最近~ 終於有回音喇!

update返每日個日程, 發覺恐龍仔大個仔好多, 嗰時仲用M片片, 著80碼衫衫, 一日瞓兩覺! 夜晚瞓覺仲係好麻煩...

依家~唔同哂喇!

不過怕煩, 都無俾過d近照, 淨係搵咗欠嘅全身相~ 都諗咗兩日!

唔知會唔會嚟緊2月號出街呢?

------

出咗公園晨運....

去KFC 食早歺先~ 恐龍仔見到apple juice發狂, 不過到食飽飽, 媽媽肯開嘅時候.. 恐龍仔太心急喇, 飲管有血!!!! 然後就係成口血!

恐龍媽估: 可能係支飲管較硬又薄, 恐龍仔心急整傷咗, 所以流血! 陰功豬~ 流咗好幾分鐘呀! 又唔俾人抹喎!!!

終於止血~ 再去公園行行..

恐龍仔開始鍾意玩平衡喇! 成日行上花糟邊, 不過當然要拖實手仔啦!

今日.. 唔知係咪落過雨呢? 遊樂場好濕呀! 所以好無癮..  不過我地都行咗一輪草地! 行到介紹公園內植物品種嗰本書時.. 有個哥哥睇緊~

恐龍仔話: 一齊玩!

恐龍媽: 排隊隊~ 哥哥睇緊, 要等哥哥睇完先!

恐龍仔無扭計呀!!!

------

夜晚~ 同公公婆婆舅父舅母表弟食飯

表弟俾d姨姨嘈醒, 好唔開心呀!

恐龍仔就一路玩緊圖咭, 之後玩車仔..

点知~ 恐龍仔突別攞起架車車, 向住表弟伸長隻手, 話: 一齊玩!

嘩! 好乖呀!

 

幼兒園面試

今朝一早, 換上恐龍媽尋晚襯定嘅衫衫, 恐龍仔出發——去睇医生!

出街前~ 搞搞震!

d鼻水好似無乜停過~ 都唔知点搞!轉唔轉医生好呢?! 最後都係去返容医生度! 原來~ 已經食緊antibiotics! 唉!

之後, 會合埋恐龍爸, 一齊食早歺~ 然後慢慢行去幼兒園..

去到~ 除咗鞋仔就玩玩玩~ 恐龍仔對每樣玩具都充滿好奇!

到老師攞住一小盆玩具出嚟喇~ 老師攞住波波問係咩嚟架? 恐龍仔唔啋老師呀! 問咗幾次都唔啋, 但係當老師攞架車仔出嚟... 恐龍仔好大聲咁講: 黃色車車!

老師話: 識講嘢喇~   (?????)

跟住~ 搖吓手鈴, 推吓波波 ( 俾媽咪, Daddy, 俾老師) 咁就完成喇!

我地跟住都無即係走, 玩咗成半個鐘先走呀! 恐龍仔完全唔想走! HAHAH~

我地放低留位費準備離開, 恐龍仔指住其中一個玩具: rooster, sheep, dog, cat, duck, frog... 講咗一大歺, 書記姐姐聽住恐龍仔講~ 笑哂!

我地真係要返屋企喇!

打咗一陣swingswing... 就上樓喇!

電腦啫~ 好好奇喎!

你睇你d鼻水!

 

 

睇星星

冬天~ 空氣清d, 無雲~ 晚晚都見到星空!

由上星期開始, 我地晚晚睇星~

起初, 恐龍仔都有d怕黑! 之後, 媽媽抱起就自己熄燈, 然後一齊坐喺床邊睇星星!

今晚~ 恐龍媽返到屋企, 恐龍仔仲未食完飯, 一見到媽媽就拖入房, 大叫睇星星!!!

當然要食埋飯啦!

然後爸B都返到喇! 於是.. 排排坐~ 睇星星!

so sweet~~ 

 

仲有早兩日同Melanie玩嘅情況--經删剪版 (poor little Melanie~)

茅菁華博士~細談整全療法

遇上茅菁華.. 係由Oggi開始! 每期都有一編短文~ 關於健康飲食, 而角度唔係一段營養師嗰套!

2005年.. 有日~ 响書店遇到佢: 

於是~買咗返屋企~

好多人都問:"咩係整全療法呀??"

這個名其實係由"Wholistic Approach"直繹.."Wholistic Approach"簡單來說,是無論人生際遇,健康問題又或皮膚問題都唔只由單一問題所誘發的,我地要從客觀角度來分析....um...例如...血壓高問題可能同遺傳、飲食上過高鹽份、工作/家庭壓力、更年期、運動量不足...等等有關;總括而言,所有健康、皮膚上的問題,其實有95%以上係因為自己本身飲食、生活習慣不當所引致的~

呢本書.. 講嘅係邊d食物係高致敏度 e.g. 奶!!!  只要唔食~ 好多都市病都可以好轉!

而我~ 當時有濕疹, 氣管敏感~ 諗緊想書講唔好食甜嘢定係manuka honey好~ 最後, manuka honey幫唔到我, 但係停咗之後.. 慢慢好返... 咁~當然我一路盡量唔食書裡面講嘅食物啦! 從此~ 氣管敏感無乜点發過! 有咳都係一星期內好返!!!!

濕疹? 幾乎好哂!

呢本書仲教人食supplement~ e.g. 傷風食garlic oil, zinc, vitamin C; 成日有念珠菌? 戒甜!

所以~ 如果你覺得藥房貨架上面嗰d supplement好多好奇怪, 可能呢本書幫到手~ 當作入門!

 

 

 

茅菁華 嘅blogs:

茅菁華博士~細談整全療法

 

cup返埋~ 覺覺豬!

呢兩日都無乜時間update恐龍仔近況~

早兩日, 人仔起身, 個頭.. 好型~

攞起咗又放返低.. 一路都無畫過!!!

------

 

恐龍媽尋晚去咗街街, 恐龍爸話..

恐龍仔玩玩吓, 八点鬆啲, 就講: cup返埋~覺覺豬~ Auntie 奶奶!

當時~ 手仔一路執緊同爸B玩緊嘅圖咭!

眼瞓識得自己講喇!

------

姨姨們~

唔好再笑恐龍仔唔係0703... 而係0603好唔好! 佢只不過係一個小朋友~ 一個啱啱接觸呢個世界嘅newbie, 好奇~ 記性好! 但係~邊個小朋友唔係咁呀? 只係可能佢肯講, 有啲小朋友唔願講啫!

------

恐龍仔好返無幾多日, 尋晚又流鼻涕喇!

唉~ 又要食藥藥! 慘慘!

都唔知係凍親定熱親喇!

呢隻傻豬~ 會自己講: 流鼻涕! 抹抹!!