Dino@15mths

恐龍仔15個月大喇~

呢排, 講好多嘢, 最多嘅係: 謝謝!

其實, 都無特別教, 只係每次叫恐龍仔俾俾, Babi Mimi都會講謝謝或者thank you~ 如是者, 講咗幾個星期~

呢個星期, 你俾嘢佢嘅話, 會講~ 佢自己俾嘢人都講: 謝謝!

好乖呀!!!

咁~ 仲識講乜?  咪就係成日動物園囉!

DOG~ 自waff~ turtle~ rabbit~ lie (lion) ~

sorry, 仲爭elephant, 不過就識叫佢個名: 波波!

上星期去婆婆屋企, 識叫公公婆婆, 兩個星期前, 叫咗一次爺爺 (係自己指住爺爺, 突然叫架!)

不過~ 仲未叫媽媽! 屋企都係仲有兩個BABA!

人哋話, 男仔學講嘢係慢d~ 但係行, 都係13個半月先肯放手自己行~ 都唔算早啦~

Mimi其實最滿意嘅, 係佢大小肌肉嘅能力, 好多較細微嘅動作都做到, 新玩意玩幾日就做到喇! 有個18mth+ 嘅砌block玩具, 恐龍仔e+啱啱開始做到喇!

响其他bb嘅blog, 好少見到話識玩邊d玩具, 係無留意佢地嘅能力, 定係玩電子玩具多呢? 恐龍仔d玩具, 係Mimi上完感統之後去搵架! 因應Sam Sir上堂時嘅道具或者佢嘅意見買架! 我地一家係Sam Sir Fans~ 好在恐龍仔上堂時都好乖, 成日俾Sam Sir讚佢好stable, 好叻!

其他小朋友見到就走人/喊嗰d身體平衡/前庭訓練動作, 恐龍仔係笑住做架! 呢個都係improvement嚟架, 初初, 佢都驚驚架! e+有時大動作d, 都有d驚驚, 不過就唔會喊囉~ 見到佢咁, 我又点會唔上感統呢?! 其實, 都放棄咗試其他playgroup嘅機會.. 試過Kindermusik, 幼潛, 英文playgroup (玩玩具), 都係最愛感統!

感統係d乜? 如果你上過幼潛嘅話, 感統係無歌仔, 但係就由專業治療師教, 注重大小肌肉,  前庭訓練, 有助小朋友專注能力嘅活動, 會講咩表現有問題, 會点教~ 平過幼潛, 唔駛一早去排隊!