超級扭紋恐龍

病咗咁多日.. (嘩~十日!!!!) 終於出關喇! 唔係因為好番哂, 而係.. Mimi無本事一個人睇住恐龍仔一日, 於是, 我地去咗永遠歡迎我地嘅頭号避難所------ 公公婆婆屋企

今朝行完晨運食完奶奶小睡個幾鐘, 就陪Babi Mimi去咗食lunch

臨出門口~~ 鼻涕蟲!

坐火車~ 出面落緊雨呀!

坐落~ Mimi第一時間當然係餵仔啦, 初初都ok, 但係Mimi碟菠菜三文魚扁意粉一到, 就唔食粥喇! 好啦~ 都係叫嚟分d俾恐龍仔食架喇~ 嘩! 原來三文魚都幾好味架喎~

好境不常, 恐龍仔開始轉身周圍望, Mimi極速完成剩返落嚟嘅食物, 身後嘅小朋友俾daddy鬧緊, (因為小朋友話BB搞佢, Daddy話小朋友講大話!) 恐龍仔開始喊... 好好好~ 埋單! Babi抱住恐龍仔, Mimi收拾行裝... 突然, 恐龍仔隻training cup跌咗落地~ 散哂! 隔離枱個小姐對腳濕哂!!! 唉~ 真係想逃走! 

講真~ 未試過搞成咁! 就算有人扭眼瞓計, 都未試過影響四周圍嘅人!

好喇, 食飽就同Babi分手, 我地坐MTR去藍田~ 人多, 我地無位坐呀, 恐龍仔仲要扭紋! 又係唔知扭乜, 總之坐車仔唔啱, 抱住唔啱, 落地唔啱! 喊下停下

d人睇住Mimi咁, 當然唔會讓位, 只會覺得做人阿媽嗰個唔掂! 唉~

上到婆婆度, 玩咗一陣就瞓覺, 好順利~

你睇佢~ 双手插袋, 心口有條粗金鏈~ 似乜呀!?!  (成隻人仔瘦哂呀!)

瞓醒, 飲咗6oz奶呀!

 好叻叻!!! 咪以為惡夢完結.. 最可怕嘅未開始! 由5pm 開始, 事事不滿, 連從來唔俾玩食物嘅公公婆婆, 竟然俾恐龍仔玩袋橙! 恐龍仔話 : ball-ball!

之後係唔停咁喊/扭,

公公提早煮飯, 恐龍仔乜都唔食, 婆婆抱住恐龍仔等Mimi同公公食先.. 公公送我地落樓坐的士!  (我地好少坐的架~)

响車度~ 恐龍仔好靜

, Mimi同司機叔叔吹水講湊仔經.. 唉~ 恐龍仔, 你眼瞓呀? 7点咋bor??!! 仲要5pm開始扭??!! c未?!

返到屋企, 又係食藥食奶瞓覺~

不過呢歺食得好少, 3oz咋~

公公話: 未見過有bb扭計扭到咁 (恐龍仔响佢度住咗半年架), 真係大新聞!

好辛苦嘅一日!