做咗一日湊仔婆

自從工人報到, 恐龍仔搬返屋企, 我甚少湊足一日仔, 好多時, 會去咗婆婆度避難~

工人今日放假~

一早, 七点~ 我食咗早歺 (blueberries, banana, corn flakes + home-made yogurt) 就叫醒恐龍爸落樓行晨運.. 行咗一粒鐘左右, 就返屋企食奶奶~ 以為平時行半粒鐘, 咁今日應該會幾攰吓~ 点知, 恐龍仔食飽奶奶唔肯瞓!

10am, 不如洗白白, 然後再瞓啦~ sorry, 都係唔肯瞓~

好~又改plan, 極速準備恐龍仔嘅午歺 (organic turkey pumpkin baby food + oatmeal), 就出街諗住11am應該有位飲茶啦~ 但係.. 過咗半粒鐘發現唔多對路, 走人去咗味千~~ 一間無baby seat嘅歺廳!

恐龍仔好合作~ 响我碟冷面到之前已經完成佢嘅午歺.. 跟住, 當然係極速返屋企瞓覺啦!

又係唔願瞓! 無理由架! 醒咗有六個鐘, 要覺覺囉, 2pm仲要上playgroup呀! 最後, 响恐龍爸反對之下.. 我抱住恐龍仔, 呢次唔夠5分鐘就瞓着咗!!! 跟住, 一家三口响大床瞓哂~~~

突然, 恐龍爸手提响~ 一睇時間 2:10pm喇! 遲到喇! 攞水攞key就抱起恐龍仔落樓! 係呀~ 有人未瞓夠架~ 不過又無喊喎! 上堂無乜特別, 係唔多投入, 發吓皮4... 但係, 表現都好過某d同學仔喎!

係媽媽衰, 不過鬼叫有d BB上午唔願瞓呀!

落堂返上樓再瞓過啦?! 可惜, 一落堂就想玩, 笑哂咁! 無著鞋仔落樓, 就咁赤腳响會所行嚟行去呀!

3点幾唔瞓~ 又做d乜好?

hmm... 不如去圖書館? 恐龍爸睇住Austin Power話好~ 咁又係時間諗吓恐龍仔嘅dinner.. 就Salmon+鵝肝+菜+ 糙白米飯仔啦~ 出得門口都4:30pm

呢日~ 係恐龍仔第一次去圖書館, 除咗佢有時講嘢大聲咗d, 同埋唔多專心 (太多書响附近, too attractive!) 基本上, 佢應該幾鍾意, 我地最後臨走見到本card book, 仲要係講Dinosaur架!

食飯, 佢都OK肯食, 仲食咗d 雞同蒸魚, 一路食一路睇書, 無扭計! 好乖!

食食吓, 恐龍爸突然話今日辛苦哂喇~  有d意外!

食飽飯, 路過扭蛋~

好新奇喎~ shake shake!

返到屋企, 真係好想沖涼, 不過, 當然要服待完少爺仔先啦.. 都算乖, 飲唔哂d奶奶, 不過就20分鐘左右瞓着~~~

終於完成辛勞嘅一日, 可以沖涼喇!