聖誕海報設計比賽

學校年年都搞聖誕咭設計比賽，年年d家長都玩得好大，贏嘅好多都大玩3D創作

當中有幾多係小朋友參與呢？！

所以，玩玩下都懶，上次參加係哥哥K3，牛牛PN

舊年無玩呀~

今年見主題改咗，變咗係海報設計，仲講明係平面創作！

好！又等我問下牛牛想唔想玩

佢就當然話好啦！

我隨便攞張紙俾佢起稿，問佢要有d乜

講下講下，就變成咁！
 

因為時間緊迫，即日買哂所有可能幫到手嘅嘢

呢度有唔同物料，買咗過百蚊架！

但一路跟住個初稿做，牛牛好開心，連我都好有滿足感！

完成喇！

我用咗最大嘅努力，忠於原稿架！

好滿足，我估參賽作品中應該絕少係小朋友自己嘅主意

更加唔好講成個設計係牛牛自己諗嘅

有無獎唔緊要，重要嘅係過程！

好開心呀！