話說，牛牛有個同班同學係住同一個屋苑嘅，而兩位媽媽响學期初已經相認。
佢兩個好好朋友，有時晴晴會約牛牛玩，有時牛牛會約晴晴玩，不過佢地成日唔記得咗同阿媽講，亦唔識得約好時間。
學校教師發展日，放假一天
牛牛話要約晴晴玩，佢話自己約喎！
你兩個嘢，乜可以自己落街架咩？
呢次當然係媽媽出馬啦！
由9點玩到11點，兩個都唔捨得走！
多謝晴媽影低佢兩個玩嘅相！
見到都好開心，現場睇一定俾佢兩隻嘢笑死！
牛牛玩完仲要黃昏話喉嚨痛，唔去畫班！
~ * ~ * ~
最經典係，有日佢話：我係小白菜 (我姓蔡架嘛！)，要有太陽先可以生長......
我好驚訝，點解我個仔識講d咁嘅嘢？！
仲要咁鬼浪漫添！
而佢兩個仲要都係四月出世，嚟緊响學校會一齊開生日會！
開心死！
沒有留言:
發佈留言