食垃圾的牛

因為無預恐龍爸返屋企食飯，臨時加餸，開咗罐午餐肉。
呢世仔第一次見到午餐肉嘅牛牛話：咩嚟架？係咪我鍾意食嘅嘢嚟架？！
我真係俾佢笑死，呢隻牛真係....肉類唔食，但食垃圾！
過咗一陣，媽媽話：呢樣嘢無益架...
我都未講完，佢就話：我知~無益，好似香腸咁，係垃圾！
好鬼醒！
最後，佢只食咗半塊午餐肉，但狂食炸魚片！
(罪過罪過~一個月頂多食一次炸魚片嘅日子，遇着午餐肉！)