我要去嫲嫲度！

話說，如果兩個少爺無乜特別嘢，佢地會輪流嫲嫲屋企過夜，咁啱暑假無乜嘢搞，呢幾個星期就個個星期5去嫲嫲屋企晚飯，我就成機偷懶，放自己假。 今個星期輪到牛牛，佢星期二問我，我話無問題，但要問嫲嫲 星期三，佢未問嫲嫲 星期四，我應承幫佢問嫲嫲... 佢如常返學校暑期班，我如常放工接佢地興趣班... 一邊行，牛牛懶醒咁同我講：我帶咗鞋袋返屋企呀！ 吓？！你聽日仲要返學架喎！ 牛：我同老師講，我要去嫲嫲度呀！ 呢隻牛，好記得要去玩，但無乜時間觀念，係夜晚去，唔係朝早去嘛！ 但佢又好鬼醒，知道如果返唔到學，就要攞鞋袋返屋企！哈哈~ 呢隻牛牛真係好鬼可愛！