海洋公園2016

我家嘅小孩好少去樂園玩，一嚟路程遠，二嚟價錢貴，三嚟...其實我地兩公婆都好怕人多嘅地方！

已經唔記得有無試過一家四口一齊去海洋公園喇！只知恐龍爸有個別帶過佢地，而我有同過牛牛參加學校N班海洋公園之旅。

兩個小朋友都好期待呢個旅程，因為係恐龍爸生日嘅優惠，我地當然要等爸爸瞓夠先出門啦！

到達時，已見到纜車因大風停駛，我地順步遊覽，無幾耐就見到纜車行返，兩個小朋友好興奮！不停咁話要去坐纜車~

等咗半個鐘左右就到我地，我呢個畏高人，好驚！最驚係中途停咗好幾次，大風到左右搖擺！好在~每次停嘅時間唔長，好快又行返....

跟住，哥哥同爸爸就開始玩一個又一個嘅機動遊戲！牛牛同媽媽就行一個又一個嘅展覽館，又食咗d嘢，終於等到哥哥玩完！

臨走，都仲要去威威嗰邊玩一轉，牛牛仲同哥哥+爸爸玩咗跳樓機！佢話有少少驚喎~

因為大部份嘅機動遊戲，牛牛都無份玩 (唔夠高)，所以呢個跳樓機對佢好緊要！佢覺得自己好叻，大個仔呀！

哈哈~~

明珠930 <天才兒童>

英國節目《天才兒童》與國際天才組織門薩（Mensa）合辦天才兒童大賽，嚴選天才小學生，比拼心算及串字等智力競賽。參賽者須獨自站在講台上，對着鐵臉考官、觀眾席上的父母以至全國觀眾，回答極難的問題，過五關斬六將，以競逐「天才兒童」之銜。有參賽兒童曾因答錯問題，或得分太低，在鏡頭前大哭起來，節目因而有「最殘酷真人騷」之名。節目第四輯邀請了21名七至十一歲的資優兒童，包括八歲的「棋材」──國際象棋能手Josh、十歲的鐵道迷Hugo、Scrabble世界賽（十二歲以下組別）的兩屆冠軍Shrinidhi等，全都大有來頭，他們會在《天才兒童》展開一場激烈智力賽！

尋晚係新一輯天才兒童嘅第二集，上一集錯過咗，今個星期好期待...

<第一集>節目第四輯邀請了21名七至十一歲的資優兒童，包括八歲的「棋材」──國際象棋能手Josh、十歲的鐵道迷Hugo、Scrabble世界賽（十二歲以下組別）的兩屆冠軍Shrinidhi等，全都大有來頭，他們會在《天才兒童》展開一場激烈智力賽！

<第二集>九歲的數學天才Oscar因數學天賦出眾，被視為冠軍大熱，但在考核常識和記憶力的環節，他是否亦能迎刃而解？熱衷工程學的十歲參賽者Hugo自詡才智過人，他的性格會否影響比賽表現？十一歲的Leonard年紀雖小，詞彙量卻可與十八歲的成人匹敵；「人肉計數機」Rosa則心算了得。每位參賽者都有其過人之處，到底最後誰能從芸芸對手中脫穎而出，獲得「天才兒童」的榮譽？

我無咁好記性記得幾個參賽者個名，片中特寫咗好幾位參賽者，包括(A)IQ眾人之冠嘅數學世家男孩，兩個無乜做預備功夫嘅男仔 ((B)一個數學仔，(C)一個工程仔)，(D)一個被媽媽安排好多補充練習、一個星期得一日可睇電視嘅女，(E)一個心算快過計數機嘅女，仲有旅英港人子弟longyin。

片段中有兩個回合，首先係常識比賽，限時內答，A答得五題！B同C都好似答到12-13題。
第二個回合，响一小時內，記熟一件洗過嘅紙牌，之後5分鐘內背返出嚟。各人賽前各自練習自己記牌嘅方法 (除咗B/C)，响一個房間當中，每個參賽者好努力咁去記自己手上嘅紙牌.... 無幾耐C就開始講嘢，騷擾到其他人，有人揾工作人員投訴，A同D大受影響，喊哂！乜都唔記得哂！

睇睇下，恐龍爸話C嘅動靜神態好似恐龍仔！

最後，A好似答到8個左右，D係5-6個，而佢兩個要答到超過12個先可以入圍，所以out咗，喊哂！
C答到3x個！好好成績！
B答哂全部！然後播出個平時去玩橋牌嘅片段...
longyin好似都答到十幾廿個，其他就無好詳細講喇

睇返EK一d人睇完嘅感覺：天才係唔駛操嘅！

阿仔就係C嗰種人，平時去咩比賽我都唔會迫佢做準備，有mock卷都係望兩眼就算，玩玩下，滿不在乎樣，出到嚟就話好淺，巴之閉樣！

另，原本打算等仔到中學先教佢玩橋牌，依然恐龍爸想我早d教。仔~你有無咁多時間呀？！

有些藥越吃，病越難好

所以我好堅持要減，要停血壓藥！

毛記電視十大勁曲金曲分獎典禮

星期一晚嘅活動，引起FB掃版，恐龍媽好八，用咗一個lunch快快睇哂！

作為小學生家長，我對「繁忙兒童合唱團」嘅作品有較大嘅感覺！於是，上網揾歌詞，發現作者一編文章提過部份歌詞:-

「無法可休息的一對手/帶出功課永遠在背後/

學會通識加中英數/只懂珠心算未夠/沉醉於Violin早攞慣獎/結他比賽卻永未退讓/決心寫好中文書法/英文德文也合格……請收我/喇沙/真的愛你」。

後來適逢書展期間，大批家長出籠瘋狂掃走所有可供掃走的補充練習，務求讓子女在暑假把握睡覺以外的時光來補充一下腦力。

於是我們又邀請「繁忙兒童合唱團」的主音「劉小華」，為我們獻唱一曲《補充練習無間做》。

「明明我已晝夜無間想討好老母/夢想中的Summer為何還未到/明明我已奮力無間/補充喪做/我不玩也為活得好」。

source:不癡白不癡

Hmm... 我不停反問自己：係咪真係咁？！

哪~我真係無呀！

阿仔佢有學鋼琴，但唔係突出到可以擺上枱，佢無上過。乜數物數班，外文只係爸爸教過少少日文，琴棋書畫得兩樣~

最重要嘅係，我當時最想入嘅係一間男女津校。

都係嗰句，勉強無幸福，阿仔無緣入直資男校，最後緣份帶咗佢去男津，值得感恩再感恩！

神經痛

點形容咩叫神經痛呢？！
我揾到呢則分享：
http://www.essentialoilsforhealing.com/weblog/?p=1598
用咗German Chamomile + Peppermint，會試！

另外，仲揾到呢個：Stress Away + Frankincense + Valor + Balsam Fir
(Stress Away = Copaiba +Lime + Cedarwood+ Vanilla + Ocotea +Lavender)

網絡上分享唔多，因為手上有valor (Self-Esteem)，支German Chamomile 响屋企，所以會試Valor先...

再來，doctoryourself.com

DPLA, Vitamin C, Vitamin E 應該幫到手。DPLA可次減痛，另外兩隻應該係消炎。

瓶子內的脊醫

 肩頸痛咗幾日，針過，都係時好時壞..
一日唔按都痛，有時就只按先痛，有時又鬆哂...
最慘係突然神經痛發作，以往一痛可以痛幾個星期，唔知點解又會好返..

今次為咗條頸，我試咗Healing Solutions嘅Calm Body Calm Mind + 冬青油，肩膀係鬆咗d，但頸都係咁..

直至我揾到佢~~~ VALOR~~~ Chiropractor in a bottle!

我手上無Valor (响外家)，但手上有呢枝~

其實成份上係同valor一樣，得比例就無人知...

如果想自己溝的話，可以跟呢個：

成效？

用咗一日，按落去明顯無咁痛 (至幾乎唔痛)，我會繼續用，因為成日周身痛！

但我d神經痛仲未解決！

針灸止痛原理

恐龍媽今日~ 係一生人第一次 ~ 針灸！

事源，恐龍仔又咳，帶佢見醫師，順帶問問自己頸痛有無得醫，就咁，就瞓咗上治療床喇！

恐龍仔話媽媽：好恐怖呀！

哈哈~ 不過我自己睇唔到！

針完，感覺比未針痛，而痛嘅範圍大咗！之後張開口食嘢都痛！
所以，我走去search針灸嘅原理！

午飯後小睡，已經無咁痛喇！範圍亦比當初細咗，希望會好啦！



文：袁康就博士
研究又發現，針灸除了紓緩痛楚，還有抗炎、解痙、抗休克和抗麻痹功能。針灸止痛效果還有一個遲緩發作效應，止痛能力緩慢增加，甚至拔針後才會感到止痛效果，治療幾次後效果會更明顯，停止治療一段時間後卻會消失。這些科研報告正好支持針灸治療須用療程處理，藉以配合治療效果的遲緩性和確保其延續性。

針灸學以氣走經絡為視點。經絡內連臟腑，外及皮毛。在「不通則痛、通則不痛」的簡約思維下，針灸對痛症的處理就是用毫針刺激「得氣感」，使氣通病灶。「得氣感」除了止痛之外，還有疏通內外，平衡及調節各部功能。所以針灸不僅僅對治外科，還可治療內科。

產生止痛作用的「得氣感」，可有痠、脹、麻、痹、軟、 痛、電等。身體不同的部位可呈現不同的得氣感。對於施針者而言，為配合不同病症的需要都有可能扎出不同的針感。一般人怕痛，選擇針灸治療往往是止痛藥之後。其實，針灸帶給病人的「痛」遠低於心理上的「痛」。很多時，毫針進入那一刻是不痛的。當你看到被刺時，心理恐懼出來，你才覺得難受。所以，你在接受針刺時，放鬆心情最重要。你也可用呼吸方法減輕這種壓力，就是每當針扎入時，都緩長地呼出一口氣！