唔知係媽媽唔夠social，定係阿仔自己唔多social，恐龍仔甚少收到生日會邀請，一年都係得一兩次，上年琳琳生日會係爸爸帶去，今年就輪到媽媽帶，睇見~
原來幾普通嘅party food，對小朋友而言，都係美食！個個好似放監咁！
仲有，原來校車係好好交朋友嘅地方，恐龍仔今年嘅好朋友都係坐同一架校車！仲要係同班同學！
最令媽媽感動嘅係，一路以為恐龍仔唔太熱心搶答問題(老師講嘅) ，唔多鍾意群體活動，但原來…佢係會舉手搶住出去做代表，去參與群體活動架！
今日，小朋友分成兩隊，恐龍仔排得較前，當活動要求一位冷靜嘅小朋友，小隊長揀咗恐龍仔，原來呢個係忍笑遊戲！愛笑嘅恐龍仔竟然忍到笑！另一個遊戲係要小朋友唱歌，又俾佢搶到個咪，大唱學校教嘅歌仔！
原來恐龍仔都鍾意企响人群中間，受人注目！
首先，恐龍家未有咁幸福，暫時仲未駛選擇住，但討論區不難發現A校vs B校 vs C/D/E 校嘅post，有人乜都唔講，只話A好！然後大家紛紛發表選擇，但發問者要d乜？真係想有人幫手投票嗎？可能啦~ 但有次，有位樓主話：正反意見都想聽！
如果，你孩子有選擇上嘅問題，作為家長，你會點幫佢？幫佢做決定？還是幫佢分釋問題，各項選擇嘅優點決點？後果？然後俾佢自己做決定？
但係觀眾們就只容許正面訊息，不容任何負面嘢，但無聊人如恐龍媽，只對某兩間學校有過負面記憶，兩次都俾人插！
唔係第一身嘅，預咗俾人插，但第一身經歷都插，真係無嘢好講！只能講一句：EK文化！
凡事都唔係完美嘅，學校亦然，孩子各有優點，學校特質未必適合所有小朋友~ 目標係搵一間適合孩子嘅學校！
講出嚟就人人都話啱，但係到一出名校大名，竟然大部份人唔記得咗自己要乜，或者，應該講，個個要名校！
其實名校唔係得個名架咋！點解唔可以了解多d呢？
但名校俾嘅，未必樣樣合你”當初” 心意？係咪一律睇唔到？！
我自知討人厭，總係唔識講嘢，太過坦白，但我無抹黑任何學校嘅意思，講親身經歷，對我重要嘅嘢~ 未必對你重要，睇咗咪算囉，何必動怒？！好似活動教學同課堂紀律，呢樣嘢好難控制，好睇老師功力，但一般活動教學就係無咁嚴，我接受唔到學生响老師講緊嘢時加把咀，可能你會覺得咁先係正常討論情況，黑定白~好個人嘅感覺，可惜~ EK人就只接受人家讚美，不容許其他人講話唔鍾意！
好喜歡一位家長嘅填鴨與野鴨論！填鴨、野鴨，各有可取之處！有部份喜歡野鴨學校嘅fans，係唔鍾意人地標籤學校係野鴨，咁都算負面！但係，間學校文化就係咁！俾佢入到去，就屋企填鴨，學校野鴨！咁又為乜呢？！
發完牢騷~ 多謝收看！
這個星期係兩間大校嘅面試週，眼見forum好多家長話撞期，但係我地响無特別考慮安排之下，一間係第一批，一間係最後一日am。
最近忙哥哥小一面試，並無特別教牛牛d乜，考天才波嘅結果係，估都估唔到，牛牛粒聲唔出！其他嘅指令就叫住算做到啦。一出學校大門，又變成一隻開籠雀！
賽後檢討：
- 佢識背1-20，但佢唔識數數量！
- 一向見陌生人都唔太願說話，就算响學校都係唔多出聲嘅，無奈爸媽實在太忙，無諗過面試時情況！
- 8:30am，實在太早！牛牛熱身不足！
補救..
距離第二間面試仲有3日，爸爸找上同事嘅女友(幼兒教育工作者) 上我地屋企度同牛牛特訓一小時！發現…
- 牛牛中文詞彙不足，好多大路嘢，如動物名，佢只識英文！
- 原來一d好基本嘅對答，我地都無做過，如~ 小朋友，你住响邊？
之後，又搵咗位做過playgroup導師嘅朋友同牛牛玩，呢次好d，佢熱身一陣就肯開口答人喇！
星期日，爸爸早個幾鐘帶咗牛牛出去公園熱身，玩吓，準時到，但因為大家都預早到達，所以準時嘅係最遲，由到達到面見完不足20分鐘！呢次面見內容比先前簡單，牛牛有問有答，唱歌時起初細聲，當爸爸叫佢大聲d，佢都做到！
雖然，講到底我地係想留返响原校，但無奈要11月尾先知結果，希望到時有好消息啦！如果唔係… 12月仲有兩單！
最重要嘅係，我地經過呢次之後，知道實在放得太少時間响牛牛身上，以後要加把勁喇！牛牛其實都係一個愛學習愛睇書嘅小可愛！
玩完水，我地去咗公公婆婆屋企，哥哥跟爸爸去圖書館，為2nd in作準備，牛牛就瞓覺，恐龍媽就去四周行下！聽聞油塘開咗個新商場，於是就去8下喇！
油塘，係恐龍媽細個時經常出入嘅地方，嗰度有讀過年幾嘅幼稚園，6年嘅小學，仲有公公辛苦經營多年嘅工廠。
行行下，行到一處天橋，眼前嘅風景令我好大感觸！
基於作息同返學安排，一路無機會帶牛牛去接觸一下” 沙”
記得當年對泥塑好抗拒嘅恐龍仔，去到沙灘係完全無問題嘅！連熱身都唔駛！
到牛牛喇，會點呢？佢唔怕泥塑架！
呢次，係恐龍媽連同公公婆婆帶住兩隻仔去大清水，呢個天時人唔多，天氣簡直係風和日麗！而牛牛呢？佢對腳話我知~佢唔太OK咁！但係~好在無喊
！
乾沙唔知，咁濕沙呢？都唔係幾自在喎~
見佢成日做樹熊，於是媽媽就陪佢去水邊玩，浸下腳仔、踢下水，幾分鐘之後，牛牛大有進步，識笑喇！之後行返上濕沙都無問題，仲唔捨得走添！
呢次好多謝公公婆婆陪我地癲！哈哈~~~
踏入十月，各私小直資紛紛開始面試喇！呢個週末，我地見咗兩間學校，交咗一份報名表，仲有4間已/將報名嘅學校未見！
恐龍仔報小學以來，都無分享過關於報名嘅事，因為恐龍媽好努力學習中，但到咗依家，開始見到自己做得唔夠嘅地方，或者唔好彩嘅地方，可以寫落嚟俾後人睇！
報小學，第一步當然係留意學校網頁，睇吓有無簡介會，同報報名資料啦！我做咗個excel，mark低所有有用嘅資料，可能包括學校網頁，公報詳情嘅日期。
另外就係要上教育王國收風！有d學校會突然開始網上報名，如果唔可能日日上各學校check的話，上EK都係好有用嘅方法！
另一樣嘢就係，點樣响10月呢個大熱面試季節，避免撞時間呢？其實大部份學校係會以先到先見嘅方式排嘅，但亦有學校可以俾家長揀時段，所以必需先了解各校嘅面試日期，然後就好好把握交表嘅時間，減少撞期！
以下係我地報嘅幾間學校嘅情況：
YW ~ 8月尾9月頭1st in，先交表先見，之後仲有2nd in同3rd in，最遲公報結果
GT~暑期就要面試，同時會分別面見家長同小朋友，9月出conditional
offer，1st waiting同conditional offer嘅家長需要去上家長班，一個月一次，需要有8成出值率，小朋友先可以响6月註冊。
SFA~9月中星期六排隊親身交表，兩個星期後(十月第一個星期六) 面試，早到早見，2nd in係11月第一個星期六，要見家長。唔收portfolio
St Jo~十月第一個星期六排隊交表，安排兩個星期後 (即第3個星期六，撞St paul boys同KTS) 面試，得上午嘅時段 (9 / 10 / 11/ 12/ 13點，共5組) ，老師會問家長某時段得唔得，如果唔得就排另一條隊，佢會9->10->11->12->13咁樣輪到去分組，所以早排同晏排係無分別，不過要留意嘅係：因為呢日個個撞到傻，好多家長要1pm呢個時段，到最後，恐龍媽聽到老師話:分埋呢組，其餘人嘅唔夠開多組，全部去9點啦！而到嗰刻，排緊1pm嘅人有大約20個，唔知係咪我誤會咗喇，但聽上嚟唔似俾哂佢地1pm見囉！另外，報名編號最後係到9xx！唔收portfolio
KTS~有成個幾星期交表/郵寄，面試係十月第三個星期，唔清楚排序方法，因為我地尾二尾三嗰日交，但in 10am！
CKY~呢間係上網報名 (有約兩個星期時間) ，有兩日(十月第二+第三個星期六)，分別各五個時段選擇 (9am/10:30am/12nn/2:30pm/4:00pm大約係咁~) ，即共十組，然後需於之後一星期之內親身交文件。恐龍媽一時大意，無去check清楚其他學校將會幾時面試，手快快揀咗第三個星期六嘅十點幾，呢個時段最快full，可惜過兩日就收到KTS公報嘅面試時間！撞c咗！唉~~~
男拔~星期六、一、二排隊交表/文件，記得跟足報名指示，要去銀行排隊入數！面試日係十月第二個星期嘅星期四、五、六，可以揀語言，廣東話組別响最後嗰日最早交表，係in星期六嘅晨咁早
(8:30am報到) ，同日交表嘅英文組就in weekday (唔記得邊日喇！) ，推測可能第一日交表就in星期四，第二日就in星期五。交去嘅portfolio，第一輪係唔會睇嘅，如果入到2nd in，到時校長先會睇。
APS~網上download form，唔同時間download嘅表格，要响唔同日子嘅am親身交表/文件，但係佢個網成日down，再交表係幾個星期之後 (十月尾) ，再面試就响12月頭，可能咁樣可以見少d人啦！
TSL~網上一早公報報名時間，有兩日揀 (十月第一個星期嘅星期六、日)，可以揀埋am or pm，因為其實學校唔會in星期日，所以星期日嘅時段好搶手！另~原來12點都算係pm，大家留意！如果你唔想見12點哂話，就唔好一開波就去搶喇！之後要親身去交表。唔收portfolio。
12點幾，收到家中來電：有人放學返到屋企，踢甩對鞋，飛上天花，擊中飯廳吊燈，3支金屬支架，斷咗兩支…
慌忙間，恐龍媽只識得打俾恐龍爸，知道要買燈，但邊個返去教佢地呢？盞燈隨時跌落嚟架！
恐龍爸起初不願回家，亦不想找工人去拆，裝燈嘅又未必會咁快到….
公公又來電：淨低嗰條支架都斷咗，得條電線頂住！佢用膠帶縛起吊燈，希望幫幫到手啦！
最終，恐龍爸返咗去，拆咗盞燈落嚟！
又因為鋼琴老師在場，無開殺界..
而恐龍媽就去咗公司附近唯一一間燈飾鋪放血，買咗一盞3千幾嘅水晶燈，師傅會3-6點上去安裝！
返到屋企，盞燈又真係幾靚，哦咗個曳人一輪，就算喇！到恐龍爸返到屋企，除咗訓話之外，仲打咗一下手掌！
希望受過教訓之後，呢位小朋友會肯聽大人講，唔好公公一邊講住唔好踢鞋，都仲要踢，唔好再闖禍喇！
呢晚係優才家長講座第一講，由陳校長講講資優教育發展。
講座準時七時開始，有多達四百多個家長參加，部份父母都到，所以相信學校出咗大約300個conditional
offer + first waiting，中段有餅乾小食及樽裝水供應！真係細心！九時前散場，陳校長預告：應該第三至第四堂開始，會少好多人…（其實呢個真係一個好好嘅方法，測試到家長嘅誠意，但係如果真係打算放棄個位，唔需要搞呢類講座，家長都會寫信去學校退學啦…但好坦白講，我好欣賞學校呢份誠意！可以俾家長更了解學校嘅教育理念，同埋核心人物嘅想法！）
陳校長參與資優教育超過十年，講座內容句括咗IQ test嘅發展史，IQ結果，可以推算到小朋友可以讀書讀到幾高學歷。
陳校長仲一再推介洪蘭嘅作品「教育創造未來」俾在座家長，並一再強調多選擇並非好事，報太多學校，其實係浪費家長時間，同時亦浪費學校資源！（但係，我地唔報咁多間，咁無學校收，又無運行嘅時候，點算喎！）
優才提供唔同level嘅分組資優課程，部份係課後班，小組分成IEP (2%) 1-2人，SGP (5%) 4-8人，AGP (10-15%) 8-12人，TC (100%) 12-25人，能力越高嘅小朋友，會得到相對小班的分組資優課程，而top 2%嘅小朋友，更有機會得到個別授課！資源上，呢間學校的確花咗好多時間精神去栽培個別小朋友嘅潛能！
話說，一早打算報某男校，一早記低下載報名表一期！但大頭蝦媽媽竟然忘記咗！要到學校小一講座，有家長講起先上網睇睇~ 噢~過咗期！
但神奇嘅係，學校無將張表格清除，雖然過咗期，但仍經可以下載！
跟住落嚟，就係要print 所需文件，排隊入數，同埋交表！
因為恐龍爸响旺角工作，好多時交表嘅重任就落响佢身上，加上佢話自己去銀行唔駛排隊，咁我嘅責任就係提醒佢去入數啦~
點知~ 2pm收到佢嘅通知，佢唔得閒！
可憐嘅恐龍媽唯有响公司飛的去銀行，再飛的返公司！好在~阿頭唔响office！但係，當去到銀行時，老板個秘書打嚟，老板搵我！！！好好彩嘅係~ 咁啱老板忙緊，到佢再得閒，我已經上咗的士，電話一響就叫司機熄收音機！
平安過渡~
但恐龍爸公司隻鑊好似未搞掂，工作至零晨！雖然學校就响佢公司附近，但係~又要恐龍媽出馬，晨咁早去到排頭位！
想講，學校嘅保安好友善，面帶笑容，好有禮貌！相對之下，校工姨姨就真係…好唔友善！
話說學校將有蓋操場用作排隊之用，放咗好多圍欄，拉咗膠帶，而頭位嘅一邊有d大石，可以坐下。而呢位無聊嘅校工姨姨竟然行埋嚟，移動圍欄，令到大石變成响膠帶之外，咁我點坐呢？！佢係咪玩嘢呀！？
到差唔多9點，校工放咗50個家長上樓，問過應考語言，安排就坐，等等等~ 9:10先開始埋位交表對資料！！
最後，又打的返工！好彩準時到達！
報學校，先係浪費地球資源，再嚟就係浪費光音，仲有金錢，手上仲有4份表格要交，其中兩間學校仲要係得一日交表，諗起都覺得辛苦！
學校對N班嘅小朋友，實施漸進式適應週，由家長陪上堂，到家長坐課班一邊睇，然後第4日開始就要出班房，今日第五日，第一次要自己行入學校喇！
其實就算有家長陪，有d同學仔都會喊，但恐龍媽就第一日已經响下半場坐開少少 (實在太多人，迫唔到埋去，不如坐開啦！) ，到第二日工人姨姨陪牛牛，佢都無出事，第三日坐開，好多小朋友喊，第四日要出課室喇，小組有十個小朋友，得三個無喊！牛牛真係叻叻！估佢唔到！佢平時好嗲，少少嘢就喊定先架！
到今日，第五日喇，首先去送哥哥校車，然後由爸爸帶返學校，然後要自己行入去…
會點呢？哥哥當年都喊咗成個幾星期架！
結果~
牛牛無喊！嘩！牛牛真係叻叻喇！希望繼續到啦…
上個星期，恐龍爸感冒，好快傳染咗俾我，然後牛牛又有兩聲咳，哥哥轉頭又發燒，真係擔心開學點算！呢個適應週對牛牛好重要架嘛！
好喇~好彩兩隻嘢都無乜大礙，返到學喇！
但係我d咳就…唉~
之後睇過d中醫學書，我本身體質屬濕熱，最適應我嘅運動係做gym！因為可以响冷氣下流汗嘛！知係知~得始終要返工又要睇住兩隻仔，幾千個籍口！
終於，尋晚去咗睇一個街坊介紹嘅土產後生女醫師，據說，佢爸爸係老醫師嚟架！咁我去試試啦…. 佢竟然叫我做運動！佢話我好濕，做吓運動嘅話，咳都快d好！
咁好啦~今朝立定決心，送咗哥哥上校車就去做gym，仲買埋月票！呢次真係要乖乖地，順個便減番十磅八磅就好喇！
哈哈~
不過唔知有幾耐恆心呢…
恐龍家最近愛上Angry Birds，兩歲多的小人兒看見報張上的圖片，又會嚷著Angry Birds的名字！
因為大超市有印花換公仔活動，順理成章，我們也換了幾隻：首先是兩隻小鬼一人一隻！哥哥要了藍鳥，牛牛要了綠鳥！之後，媽媽要了紅鳥，最後，印花派發的最後一個週末，爸爸要了隻王帝豬！(看~我家的爸爸is the KING!)
我隻小鬼看見王帝豬興奮不已，真的一看見就笑！
但這麼的一個毛球，還有什麼價值呢？
原來還可以練習拋球和接球！
哈哈~
還有，哥哥說，我們現在是一家八口！
雖然未係正式返學，只係暑期適應班，但爸媽都好緊張呢件大事，爸爸仲請咗呢兩個星期嘅am嚟陪牛牛返學添！
我們屋企離開車站都好遠，牛牛一路自己行，真係叻叻呀！
爸爸話，牛牛表現都唔錯，係見到一大班人時有d驚驚，老師講嘢好專心聽，會聽話跟住做，好聽話咁！
話說，恐龍媽要去辦書迷證，去咗一間賣台書嘅書店，發現一套5本嘅boxset繪本，都唔平($2xx)，但因為好想買故事書俾牛牛，所以書展前都買咗…
到書展當日，我見到有本” 十二生肖的故書” 幾有趣，點知返到屋企先發現，原來bookset裡面都有呢個故事！唔緊要啦~諗住哥哥要大書，牛牛要細書 (點知有媽媽買唔到，於是大書揾到新主人喇！)
同牛牛講呢幾個故事，發現好有趣之餘，仲好有教育意義
Copy from博客來
噴火龍阿古力、早起的小珍珠、奮力賽跑的十二生肖、遇見妖怪的白豬魯魯、還有還有那個要你猜猜他是誰的小動物，現在手牽手一起跳進《賴馬迷你作品集》囉！
和英文化集結了繪本作家賴馬，五本好聽、好看又好玩的圖畫書，陪伴大小書迷，一起走進賴馬創意童趣的圖畫書世界。
早起的一天
新聞局圖書出版金鼎獎
中國時報「開卷」年度最佳童書
「好書大家讀」年度最佳童書
誠品年度暢銷書榜圖畫書類第一名
新聞局推介中小學生優良課外讀物
你有多久沒有早起了？
朦朧的天色、清新的空氣、悅耳動聽的鳥囀、逐漸甦醒的街道和人群……。為了送給爺爺一個大驚喜，小珍珠起了個大早，也因此看見早晨裡充滿驚喜的風景……。
帕拉帕拉山的妖怪
「好書大家讀」第四十四梯次好書
誠品年度暢銷書榜圖畫書類第一名
金鼎獎入圍圖畫書類及美術編輯類
新聞局推介中小學生優良課外讀物
白豬魯魯狼狽地從帕拉帕拉山一路滾下來，因為他看到「妖怪」。整個彈珠村因此心驚膽顫，害怕妖怪會跑下山來，大家開始想各種辦法保護自己，直到兩隻從帕拉帕拉山下來的豪豬出現，一切才真相大白。
十二生肖的故事
「好書大家讀」年度最佳童書
聯合報讀書人年度推薦童書
「好書大家讀」第四十六梯次好書
新聞局推介中小學生優良課外讀物
誠品年度暢銷書榜圖畫書第一名
一鼠、二牛、三虎、四兔、五龍、六蛇、七馬、八羊、九猴、十雞、十一狗、十二豬。十二生肖的順序很多人都會背， 但你知道這順序是怎麼來的嗎？你知道：不會游泳的老鼠怎能得第一？ 會飛的龍為什麼排第五？ 還有，倒楣的貓到底被誰推到河裡去？
我變成一隻噴火龍了
國語日報牧笛獎優選
新聞局最佳創作小太陽獎及最佳圖畫書
好書大家讀年度最佳童書
聯合報「讀書人」好書榜
中央日報副刊好書推薦
波泰是一隻會傳染噴火病的蚊子，他喜歡吸壞脾氣人的血。有一天，愛生氣的阿古力被波泰叮了一口，竟開始不停的噴火……。對一隻怪獸來說，不停的噴火有多不方便啊！阿古力要怎樣才能滅火呢？
現在你知道我是誰了嗎？
中國時報「開卷」好書榜
「好書大家讀」第五十梯次好書
新聞局推介中小學生優良課外讀物
嘟嘟嘟，火車開了！我們一起去郊遊，打水仗，好清涼。滾泥巴，笑哈哈。你認得出「我」嗎？本書透過精緻有趣的文字和圖畫，邀請小朋友動動腦猜猜「我」是誰？
作者簡介
賴馬
1968年生，專職的圖畫書創作者。目前與妻女在台灣台東玩耍生活著。賴馬慣於影像思考、文圖融合巧妙，圖像趣味十足。喜歡在作品裡加入一些創意加一些幽默加一些美感。希望讀者遊歷其中，輕鬆有趣百看不厭。
賴馬圖畫書作品幾乎得過所有台灣重要的圖畫書獎，曾連續三年登上誠品書店年度暢銷書榜圖畫書類第一名。已售出日文、英文、韓文、泰文等國際版權。
多謝幾名網友關心同支持，懶散咗好幾個月嘅恐龍媽努力中…
最近恐龍媽愛上整餅，但可惜一直未能吸引到牛牛，只有哥哥幫手食清光！
上個星期日，為咗準備哥哥暑期班開始，要帶小食回校，媽媽整咗麥包
但係…當晚哥哥開始唔舒服，嘔完一次又一次，半夜開始發燒，但食唔到藥 (嘔番出嚟！) ，捱到朝早帶佢睇醫生，但臨去到診所，到牛牛開始嘔！！！
好彩，恐龍仔塞藥之後就無再嘔喇！但牛牛就斷斷續續咁嘔咗日幾！成個人仔謝哂！
星期一晚…
見到都心痛！
牛牛就係咁，呆呆滯滯咁坐响梳花，我地叫佢瞓低，佢就眼仔開吓合吓咁望我地…
叫佢瞓啦…唔夠一分鐘就瞓著咗喇！
哥哥呢？我地怕咗佢半夜嘔，換床單換到傻，要佢做廳長，搬咗牛牛入房就到佢瞓梳化喇！
呢排，真係好多人嘔呀！大家小心保重！
又係一年一度嘅書展喇！
今年，因果恐龍媽响CWB返工，大好機會日日逛都得！於是，攞定張書迷證，預備大出血！
Day 1, 目的地係童書only，極速睇咗d小檔一轉..
< >, 第一次買The Magic School bus $35@, 希望哥哥鍾意啦！中文咭$37@ ; 12生肖 $70
呢度賣Geronimo$49@，其他 就$70 less 20% (or買5, less 25%)
,<<木棉樹>>買俾鍾意聽故事嘅牛牛，米米 1set 7本$136，拆散就$25@, buy 4 get 1 free, 呢度共10本書, total $200 (牛牛好鍾意呀！)
Day 2, 同恐龍爸拍拖四圍行..
首先，去咗新雅，
哥哥見到鍾意到暈嘅詞典 (新雅)同埋奧數書 ($15@, $100 for 8 書店，MathsLab出品) ；仲有教中國人品德嘅故事(我自己都要學吓嘢！)，同埋，爸爸提過想揾嘅圖畫版西遊記！
for 牛牛嘅，<<小樹苗>>，毛毛出咗新書呀！我地又點會放 過呢！
for 牛牛，有簡單拼圖($15 bookstore)，形狀活動書(新雅)、ABC/數字掛畫， 仲有兩本好平嘅英文繪本 ($40 less 25%) <<小樹苗>>
哥哥最愛~ 兒童科學~ 仲有lego贈品！
呢本唐詩有好靚嘅中國水墨畫插圖~ for 大人多過小朋友！
Day 3 自己一個行
終於揾到運筆練習喇！呢套幾好架，好過呢外嗰d！可惜"運筆"就缺貨！唯有買另外嘅嚟玩吓啦！
仲有~ $100 for 3嘅Thomas! 唔敢買太多.. 兩隻嘢太鍾意Thomas喇！
去到BK個booth，放低咗d銀兩...送咗個國王購 物袋同埋指甲銼
終於~終於買到d自己鍾意嘅嘢！
Day 4自己行咗一轉成人書，然後同恐龍仔行
我自己訂雜誌送嘅贈品~
哥哥揀咗最新嗰幾本老鼠記者~ 醒目！
媽媽好想試試嘅cambridge 英文試教材 ($285/ set); 阿仔恨咗好耐嘅brainquest (day 1時齊哂架，可惜呢晚已經無哂grade2嘅cards), 仲有好平嘅老鼠記者X'mas set (6折！ $150 for 4 books!)
