學校對N班嘅小朋友，實施漸進式適應週，由家長陪上堂，到家長坐課班一邊睇，然後第4日開始就要出班房，今日第五日，第一次要自己行入學校喇！
其實就算有家長陪，有d同學仔都會喊，但恐龍媽就第一日已經响下半場坐開少少 (實在太多人，迫唔到埋去，不如坐開啦！) ，到第二日工人姨姨陪牛牛，佢都無出事，第三日坐開，好多小朋友喊，第四日要出課室喇，小組有十個小朋友，得三個無喊！牛牛真係叻叻！估佢唔到！佢平時好嗲，少少嘢就喊定先架！
到今日，第五日喇，首先去送哥哥校車，然後由爸爸帶返學校，然後要自己行入去…
會點呢？哥哥當年都喊咗成個幾星期架！
結果~
牛牛無喊！嘩！牛牛真係叻叻喇！希望繼續到啦…
叻叻!!!!
回覆刪除牛牛要Keep 住叻叻呀. 我囡在頭一星期都冇喊,但點之到了第二星期就開始喊,返學及放學到喊,佢直頭同婆婆講話唔返學,連姓名牌也掉了在地下,好彩而家已返了學1個月,她現在竟然和我說,她鐘意返學,返學好好玩. 我都安落哂!
回覆刪除[版主回覆09/11/2012 10:53:56]知道！ 鍾意返學就乖乖喇！
牛牛同哥哥各有優點，不過做細嘅情緒真係可能會成熟D。我個女嗰班有個最高大、大件嘅男仔番咗成個月都仲係要打撗抬入去。。。其實真係好睇家長點處理，如果唔係小朋友好難有進步
回覆刪除