有人闖了禍~

12點幾，收到家中來電：有人放學返到屋企，踢甩對鞋，飛上天花，擊中飯廳吊燈，3支金屬支架，斷咗兩支…

慌忙間，恐龍媽只識得打俾恐龍爸，知道要買燈，但邊個返去教佢地呢？盞燈隨時跌落嚟架！

恐龍爸起初不願回家，亦不想找工人去拆，裝燈嘅又未必會咁快到….

公公又來電：淨低嗰條支架都斷咗，得條電線頂住！佢用膠帶縛起吊燈，希望幫幫到手啦！

最終，恐龍爸返咗去，拆咗盞燈落嚟！

又因為鋼琴老師在場，無開殺界..

而恐龍媽就去咗公司附近唯一一間燈飾鋪放血，買咗一盞3千幾嘅水晶燈，師傅會3-6點上去安裝！

 

返到屋企，盞燈又真係幾靚，哦咗個曳人一輪，就算喇！到恐龍爸返到屋企，除咗訓話之外，仲打咗一下手掌！

希望受過教訓之後，呢位小朋友會肯聽大人講，唔好公公一邊講住唔好踢鞋，都仲要踢，唔好再闖禍喇！