今日vs 當年的油塘

玩完水，我地去咗公公婆婆屋企，哥哥跟爸爸去圖書館，為2nd in作準備，牛牛就瞓覺，恐龍媽就去四周行下！聽聞油塘開咗個新商場，於是就去8下喇！

 

油塘，係恐龍媽細個時經常出入嘅地方，嗰度有讀過年幾嘅幼稚園，6年嘅小學，仲有公公辛苦經營多年嘅工廠。

 

行行下，行到一處天橋，眼前嘅風景令我好大感觸！

 

眼前呢個路口，曾幾何時我一日要行4次！但呢個路口得一個角同以前一樣，其餘嘅就幾乎面目全非！右邊呢度，係我細個學識踩單車嘅地方！前面油塘中心嘅商場，係我放學/lunch流連嘅地方！右面下一個街口，係公公以前間廠，而我讀嘅小學，就响高超道巴士總站旁。

今日睇報紙，話呢頭新樓呎價過萬！好驚！