近況

 

 

多謝幾名網友關心同支持，懶散咗好幾個月嘅恐龍媽努力中…

 

最近恐龍媽愛上整餅，但可惜一直未能吸引到牛牛，只有哥哥幫手食清光！

上個星期日，為咗準備哥哥暑期班開始，要帶小食回校，媽媽整咗麥包

 

但係…當晚哥哥開始唔舒服，嘔完一次又一次，半夜開始發燒，但食唔到藥 (嘔番出嚟！) ，捱到朝早帶佢睇醫生，但臨去到診所，到牛牛開始嘔！！！

 

好彩，恐龍仔塞藥之後就無再嘔喇！但牛牛就斷斷續續咁嘔咗日幾！成個人仔謝哂！

星期一晚…

 

見到都心痛！

牛牛就係咁，呆呆滯滯咁坐响梳花，我地叫佢瞓低，佢就眼仔開吓合吓咁望我地…

叫佢瞓啦…唔夠一分鐘就瞓著咗喇！

哥哥呢？我地怕咗佢半夜嘔，換床單換到傻，要佢做廳長，搬咗牛牛入房就到佢瞓梳化喇！

呢排，真係好多人嘔呀！大家小心保重！